Ephesians 4:19 - Patamuna New Testament Revised

¹⁹ Tok uya tamù'nawàlà wekkuli'man ittutok lachimappù màlà. Àli ànkuppai we'nàtok yak tok wettùsak màlà. Molopai yà'là yekkwa ton nà akùlùmannan kupù tok uya tùweleutaik pùla.

Ephesians 4:19 ပူးပေါင်းရင်းမြစ်များ

Mark 7:22

wemali'mannàpà ipokonpe pen pokonpe we'nàtok, tùuseka'nonkaik we'nàtok, yà'làlà àli ànkupai we'nàtok, ànù'là yenkuttàtok, àli kuttok tùwekuli'maik pùla, kùlùmàlunnàtok, ànù'là yesek talumattàtok tùpatakaik, ànù'là yentai weku'nàtok, molopai pakko pe tùttuik pùla we'nàtok.

Ephesians 4:17

Itepulu Jesus yesek yau uchi wa ukayaik molopai tekamayaik tu'ma: Jew yamùk pen kasa ichi kemattàu, iichenumenkatok pùnon, kasa,

Colossians 3:5

Màlà yamùk àli ànkuppai we'nàtok ne'wotokomayai'nùk ayau'nokon inonkatàk kon. Àli imakuyippù kuttok esak ke, esuken pùla we'nàtok, ipàlika yentai àli ànkupai we'nàtok màlàwannà ke, tùuseka'nonkaik we'nàtok inonkatàk. (Masapùla tùuseka'nonkaik we'nàtok màlà tùulon katù yemlotopo wepeiman walai).

1 Timothy 4:2

Sàlà enupantok màlà tùuyàssen kappon yamùk ennakannan kasei ton winà, molopai ittutok tok yewan uya welichak màlà, a'nek ayan nùpuluppù kasa.

1 Peter 4:3

Masapùla eweyu kon yapulàppù auya'nokon pena ailon tawonnan pen nùkupù kupù pàk.Tùwe'namaik pùla àli pe ewemapùppù kon man, tùuseka'nonkaik eyewan kon wechippù iche ewettok kon kupù pàk, wetùnnàtok, tamùkke wepili'nàtok ata'letàse àli kuttok itenu yau, molopai akùlù pe ailon pen tùulon katù yemloto po wepeimantok yau.

2 Peter 2:22

Màlà iwekkusak lùppù tok pàk màlà yekamasak lùppù uya ailon pe iwechi yekama màlà, “A'a mùkkàlà tùwennapposen tùtalùkayi yekalepàk,” molopai, “Puluku ipùsak lùppù mùkkàlà tùwennapposen iklo yau ekkloimaik,” tawon. {Pro26.11}

Jude 1:11

Talumattàntok wechi màlà tok po! Masapùla tok utàsak Cain utàppù yawàlà lùppù yawà pàk; tok wettùsak man iwalai pen yak pùlayatta pàkànsau, Balaam wechippù kasa; molopai tok mattanùssak man mayin yawàlà pùla we'nàtok pàkàlà Korah wechippù kasa.

Revelation 18:3

Masapùla tamù'nawolon kon kappon yamùk pata yamùk non pon yawolon kon uya àli italumayippù pe iwettok yeuku inchippù màlà. Meluntà, àli pe eppai iwettok tesak ke yeuku. Non pon kon kin yamùk uya àli kussak man ipokonpe itayappù pe pùla echii'ma. Molopai kàyik yamùk mamin chilanmannan molopai ye'mannan non pon kon wenasak man eke pe mamin yesappe, tùuseka'nonkaik àli kuttok ya winàpai,” tukaik.