Ephesians 4:18 - Patamuna New Testament Revised

¹⁸ molopai ichenumenkatok ewalupàttau nai'nùk. Katù nùtùlù wema'nàtok pùkkù pe pùla tok wechi màlà, masapùla ittunài pe pùla tok wechi pàk molopai sa'man pe tok yewan wechi.

Ephesians 4:18 ပူးပေါင်းရင်းမြစ်များ

Matthew 13:15

Masapùla pùsamlo kappon yamùk yewan wenasak sa'man pe man, tok pana uya yeta pùla molopai tenu kon yakkosak tok uya. Màlà kasa pùla iwechi yau tenu kon ke tok uya yene eppaino, tùpana kon ke tok uya yeta, tok uya ittu tewan kon ke eppaino, molopai tok welattàsak yau, tok ipittà uya.’ tawon,” {Isa 6.9} teppù Jesus uya.

Mark 3:5

Jesus we'naikasak wechippù màlà tok yenei'ma, tùse ichentupappù masapùla sa'man pe tok yewan wechi pàk molopai tok wechi ikasa pùla pàk. Màlàyau nen uchi kàyik pàk, “Eyemyatù yenkakà,” teppù ya. Temyatù yenkappù ya màlàyau itemyatù umeluntàtappù.

John 12:40

“Katù uya enpùla tok yenu kussak màlà, molopai tok usenumenkatok yakkosak ya, tenu kon ke tok uya yene tukaik molopai tùusenumenkatok kon ke tok uya ittu tukaik, wapùla tok welattà pen uwinàkàik, tipittàtok kon pe uya,” tukaik.

Yeunossak kon Wotokoyi 17:30

Pena Katù uya màlà yenpàtùppù kappon yamùk uya ittu pùla iwechi yattai, tùse sàlà pe Katù uya tamù'nawolon kon kappon yamùk mailon kon nà là, welattàtoppe àli teselu kon winàpai yekamasak man.

Yeunossak kon Wotokoyi 3:17

“Màlàpàk utonpa yamùk, tùttuyaik màlà amyamlo molopai eyepulu kon nùkuttai nùk Jesus winàkàik, wekkupùppù ittu auya'nokon pùla iwechi pàk.

Romans 1:28

Màlà pe neken pùla kappon yamùk uya Katù tùttuik we'nàtok yekale nulunpasak tanùnse pùla pàk, tok tùsak ya màlà àli pe tok usenumenkantok yemyak, àli ton tùnkupù kon pen kuttoppe tok uya.

Romans 11:25

Tùttusen pen ailon molo man, utonpa yamùk, ittu auya'nokon iche wettok. Pukkeppe ewechi kon pe yekama auya'nokon tukaik àkupù kon ya màlà. Sàlà uchi màlà kappon yamùk Israel pon kon wettok sa'man pe itewan wechi tàwàlà tùwessen pe pùla. Tùse iche we'nàtok kaichalà Jew yamùk pen kùlottapai wessepolo Katù piyak ponalà neken iwechi.

Romans 11:7

Yà'là nen ken uchi? Israel uya tùnùwa kon yepoloppù pen màlà. Tukkan kon pen yeponnannùssan yanùmùppù Katù uya màlà, tok tonpassan tùulon kon wenappù panattàppe Katù uya tùkà'matok kon winàpai.

Romans 2:19

Enpùnon ye'ma yekamanài pe ewechi mùttuyaik, ewalupàttau là nai'nannùk weyu pe ewechi.

1 Corinthians 1:21

Masapùla Katù uya tùpukketù yai kappon yamùk kupùppù wolù pukketù yau tùttutok tok uya pùla. Tùse làkku Katù wekkupùppù “Mùkyamlo ailon tawonnan ‘wo'mattantok’ itekale pàk pùikattà uya màlà,” tukaik.

1 Corinthians 2:8

Ànù'là sàlà wolù yepulu ton uya sàlà ittupù pen màlà. Tok uya ittusak yau, Itepulu Jesus eke kulu pukapàtùppù tok uya pulusuk pona pen sàlà eppaino.

2 Corinthians 3:14

Tok usenumenkatok utakkosak kulu wechippù màlà. Molopai sàlà tepose tok usenumenkatok waputtàsak màlà lùppù kaleta yamùk penalok ikupù tùuya tetok Katù uya yawon uya man. Masapùla Christ yau neken màlà yamappù màlà.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

Galatians 4:8

Pena Katù ittu auya'nokon pùla ewechi kon yau, katù yamùk iwalai non pen yappyoto pe ewechippù kon màlà.

Ephesians 2:1

Pena ewelichak kon wechippù màlà, Katù Maimu yawàlà pùla ewettok kon molopai amakuyi kon pàkàlà.

Ephesians 2:12

Màlà yattai mei Christ pàk ewechippù kon màlà. Toto yamùk pe, Israel yamùk tonpa pe pùla. Itùlù tùuya teppù Katù uya lùppù tùponalok kon pàk pùkkù pe ewechippù kon pen. Sàlà non po ewemapùppù kon enpen we'nàtok pùla, molopai Katù pùla.

Colossians 1:21

Pena mei ewechippù kon màlà Katù winàpai. Molopai iteyaton pe ewechippù kon àli pe eusenumenkatok kon winà.

1 Thessalonians 4:5

Iche ewettok yappyato pe kechii wapùla kemapùi, Katù ittunài nan pen yeselu kasa là iteselu kettàu.

Hebrews 5:2

Masapùla tùmàlà pe nàlà attu'mùla tùwechi pàk kappon yamùk pàlikanài mùkkàlà, pakko pe molopai iitassappe lànen tok wechi tùse.

Hebrews 9:7

Tùse eke kulu neken paatele utàpàtùppù màlà yakon patassek yak, molopai tewin itekkwa tùutàsen pe iwechippù kilichimochi yau, mùn pùla tùwewonsen pe pùla iwechippù. Kamo mùnù yanài pe iwechippù tùntùlù pe tùmakuyi ponaloppe molopai kappon yamùk makuyi ittui'ma pùla tok nùkupùppù ponaloppe.

James 4:4

Ailon ton pen kappon yamùk! Ittuichi auya'nokon pùla nai wolù yawon kon àli ku'nài nan wechiyakon pe we'nà wechi Katù yeyaton pe? Ànù'là wolù yeselu ku'nàinan kappon yamùk wechiyakon pe eppaino wekkupù màlà Katù yeyaton pe.

1 Peter 1:14

Mule yamùk mayin yawolon kon kasa ettàk kon, molopai kennappotàu pena ewechippù kon yak ittu auya'nokon pùla ewechi kon yau ànkuppù kon lùppù yak.

1 John 2:11

Màkkàlà tùtonpa yeya'nomanài wechi màlà ewalupàttau molopai ewalupàttau ichalà. I'nai yailà là tùutà ittu ya pen masapùla ewalupà uya enpùla ikussak pàk.