Ephesians 4:16 - Patamuna New Testament Revised

¹⁶ Itepulu pe iwettok yo'no tamù'nawolon tùpatalo'nan esak pùkkù yamùk tùwessen tùpatasek kon yau tamùkke, molopai tamù'nawolon esak yachichak màlà ichese'muttàpàttok uya, màlà yamùk uya ipùikatànài pe ikussak. Màlàpàk tamù'nawolon ipùkkù uya tùwotokoyi kupù wakù pe, tamù'nawolon esak tùwekassen molopai tùusemokkasen uchi'nùnmantok yai.

Ephesians 4:16 ပူးပေါင်းရင်းမြစ်များ

John 15:5

“Iulà mùkkàlà chi'nak, amyamlo mùkyamlo ipanta yamùk. Ànù'là uyau nemasai'nùk molopai yau nàlà wemasai'nùk mùkkàlà wepeta màlà tukke, masapùla Iulà pùla echii'ma yà'làlà kupù auya'nokon pen.

Romans 12:4

Tewin kùyesak kon wechi kasa, tùse tukkan ipùkkù molopai tamù'nawàlà ipùkkù pe tùwessan màlà tùpatalon kon iwotokoyi.

1 Corinthians 10:17

Masapùla tewin pùlomù pusak wechi pàk, kùmyamlo tukkan kon wechi màlà tewin. Masapùla tewinan pùlomù pusak napù'nokon nai'nùk tamùkke.

1 Corinthians 13:13

Molopai sàlà pe sàlà yamùk àsolùwawon molo man, ailon tetok, enpen we'nàtok, molopai uchi'nùnmantok. Tùse sàlà yamùk yentaino kulu màlà uchi'nùnmantok.

1 Corinthians 8:1

Sàlà, ailon pen katù yemyak itùsak lùppù kùyali yekale pàk uselupa. Ittu'nokon man tamù'nawàlà ittutok yesappe we'nà. Ittutok màlà kappon ku'nài eke pe tukaik itapulàtoppe, tùse uchi'nùnmantok màlà pùikattànài pe ku'nài.

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Galatians 5:6

Masapùla Christ Jesus ponaloppe we'nà yau, Jew yamùk yattàtok yeselu yawàlà yattàsapspe we'nà wapùla yattàsappe pùla we'nà uya tùpatalà'ne ku'nàsak pen màlà. Tùse ailon tetok màlà tùttusen kulu tùusenpoikasen uchi'nùnmantok yai.

Ephesians 1:4

Katù uya kùyanùnkassak kon wechippù màlà tùponaloppe Christ yau, wakù pe esuken we'nàtokkonpe temloto po. Pena wolù wessepolo wapiya pùnùnmantok tùuya pàkàlà,

Ephesians 3:17

Molopai Christ wemattoppe eyewan kon yau ailon tetok auya'nokon yai. Wàpùlemayaik i'nak aukalata kon pa uchi'nùnmantok yai.

Ephesians 3:7

Wakù Itekale yapyoto pe wenappù màlà Katù uya lepantok winà, intùlùppù uyemyak tùmeluntàlù we'wotokoma winà.

Ephesians 4:12

Sàlà kupùppù Christ uya màlà tamù'nawolon kon Katù ponalok kon kappon yamùk koneka toppe tùuya, tùwotokoyi kuttoppe tok uya. Molopai ailon tawonnan tùpàk yamùtoppe tùuya.

Ephesians 4:15

Tùse làkku ailon pe uselupan uchi'nùnmantok winà, usemokanpai'nokon tamù'nawolon yawà Christ kasa, mùkkàlà tesak ippai pe nai'nùk.

Philippians 1:9

Molopai sàlà màlà wàpùlematok, echi'nùn pe ewettok wenatoppe eke peiwa màlà yentak ittutok ke molopai miya lùiwa i'napailà yentok ke.

Colossians 2:19

Christ pùkkù pe tok wechi pen nen uchi màlà. Christ mùkkàlà esak ippai molopai esak meluntàlùttànài màlàpàk usese'muttàpà'nàtok, kala yamùk yapulànài tamùkke iku'nài pe Katù yapàikketù yau ichemokka tùse.

Colossians 2:2

Sàlà ku'nài Iulà tok yewan wenatoppe meluntà peiwa. Echi'nùn pe tok wettoppe tamùkke, tamùnawàlà wakù ton yepotoppe tok uya ittu tùuya'nokon tamù'nawàlà ipùkkù pe neken pùla winà. Màlà kasa tok uya Katù nùkupù tùttusen pe pùla ittu màlà, mùkkàlà ichi Christ.

1 Thessalonians 1:3

Masapùla ina nùttuyan, Katù Kùkàipùnù kon yemloto po ailon tetok auya'nokon yai ewe'wotokoma kon sa’man pe uchi'nùnmantok ke. Molopai enpen ewettok kon Kùyepulu Jesus Christ pàk wechi melùntà pe ittuyan ina.

1 Thessalonians 2:13

Molopai sàlà pàkànsau tàwàlàlà, tenki te màlà ina uya Katù pàk. Katù Maimu nessak ina uya apyakù'nokon yau, metatantàu molopai manùntantàu, kappon yamùk winàpaino pe là tùkusse pùla tùse Katù Maimu pe nen tùkusse itekale manùntantàu. Katù Maimu nen nai'nùk. Masapùla Katù we'wotokoma nai'nùk amyamlo ailon tawonnan tùpàk kùlottau.

1 Thessalonians 3:12

Tàwà Itepulu àtonpa kon pùnùnmatok auya'nokon molopai tamù'nawolon kon pùnùnmatok auya'nokon konekai ichemokkatoppe eke pe molopai eke peiwa molopai tàwà eke pe ina uya à'nùnmatok kon kasa kulu nenai .

2 Thessalonians 1:3

Tenki te kulu sàlà ina uya Katù pàk àpàkànsau'nokon tàwàlà, utonpa yamùk! Sàlà wechi màlà ikasa, masapùla ailon tetok auya'nokon Christ pàk yawàlà ewettok kon nenayan meluntà pe, molopai eke pe, molopai euchi'nùnmatok kon nenayan tense eke peiwa.

1 Timothy 1:5

Ailon uchi'nùnmantok pàk tok menupaik esukenan ewan yapai tùuyàsen, molopai tùwanmùla we'nàtok ewan yau yapai, molopai ailon tetok i'napailon kulu yapai.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 John 4:16

Molopai ittu'nokon man molopai ailon te'nokon Katù piyawon pùnùnmantok kùponalok pàk. Katù mùkkàlà pùnùnmanài, molopai ànù'là uchi'nùnmantok yau tùwemassen wemapù màlà Katù yau, molopai Katù wemapù yau.