Ephesians 4:15 - Patamuna New Testament Revised

¹⁵ Tùse làkku ailon pe uselupan uchi'nùnmantok winà, usemokanpai'nokon tamù'nawolon yawà Christ kasa, mùkkàlà tesak ippai pe nai'nùk.

Ephesians 4:15 ပူးပေါင်းရင်းမြစ်များ

John 1:47

Nathanael uyàpù tùwinàkàik yene tùuya yau Jesus uselupappù ipàk, “Yenkà pùsàlà mùkkàlà Israelite kulu, wakù pùsàlà ànù'là yennakanài pen,” tukaik.

Romans 12:9

Tàwà ailon pe kulu euchi'nùnmatok kon nechii, àli pe nai'nùk eyewanma kon pe, wakù pe nai'nùk kupù pàk ettàk kon.

1 Corinthians 11:3

Tùse ittu auya'nokon iche wessaik Christ wechi tamù'nawolon kon kàyik yamùk ippai pe, molopai nossan ippai pe kàyik wechi, molopai Christ ippai pe Katù wechi.

2 Corinthians 4:2

Tamù'nawolon tonantau tùkussen molopai kuli'manài eselu yamùk ku'nàinan pen ina, ànù'la yennakannan pen, ailon pe Katù Maimu yenpoikannan. Tùse làkku Katù uya màlà ailon pe ina uselupa yene molopai kappon yamùk uya nàlà ailon pe ina wechi ittu.

2 Corinthians 8:8

“Mùkuttàik,” te uya pùla man. Tùse tùulon kon wechi alikyeppe pùikatàn pàk yekama winà, eke pe pùnùnmantok auya'nokon wechi ittuiche wechi sàlà nai'nùk.

Ephesians 1:22

Katù mùkkàlà tamù'nawolon tùnài Christ pùta yokkoik molopai itùnài sochi yepulu pe tamù'nawolon yepoi.

Ephesians 1:4

Katù uya kùyanùnkassak kon wechippù màlà tùponaloppe Christ yau, wakù pe esuken we'nàtokkonpe temloto po. Pena wolù wessepolo wapiya pùnùnmantok tùuya pàkàlà,

Ephesians 2:21

Mùkkàlà uchi mùkkàlà tamùsen yamùk yachinài tamùkke, wakù esukenan Katù Yùwùk pe itùsak, Itepulu yapulàtok iwinà pe.

Ephesians 4:25

Tàwà ichi kasei pe we'nàtok pùla nechii! Tàwà tamù'nawolon kon uselupatok ailon pe nechii tùtonpa kon pàk, masapùla tamù'nawolon kon kùmyamlo mùkyamlo tewinan itesak.

Ephesians 5:23

Masapùla tùnoppù kenan mùkkàlà tapàikketù kenan tùnoppù yepoi Christ wechi tapàikketù ke sochi tawon kon yepoi kasa. Molopai tok pùikattànài mùkkàlà, itesak mùkyamlo.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 2:2

Entusan mule yamùk, manak iche tùwe'nakklipasan tàwàlà, màlà kasa wakù esukenan manak kappon winàpaino pen iche ettàk kon tàwàlà meluntà pe ewena kon pa iwinà molopai ewepùikattà kon pa.

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.

1 John 3:18

Umunkà yamùk! Pùnùnmantok kùuya'nokon imaimuppù pe neken nà kùsettak molopai uselupantok pe neken nà; tùse i'napailon ailon uchi'nùnmantok pe iwechi, welaikantok yau tùusensen pe.