Ephesians 4:14 - Patamuna New Testament Revised

¹⁴ Màlàyau mule yamùk kasa welaikan kùsettakù'nokon. Kappon yamùk ennakantakù'nokon ailon pen pàk enupan tùuya'nokon ke, yà'là yekkwa ton nà enupantok tùuya'nokon ke aimelunpantak tok, meluntà assetun uya tàntànman kasa.

Ephesians 4:14 ပူးပေါင်းရင်းမြစ်များ

Matthew 11:7

John ya'lon kon wennapo tùse Jesus uya tukkan kon kappon yamùk yelupappù màlà ipàk, “Wontaik yak John piyak àutàsak kon yau ken, yà'là yene auya'nokon pàk enpen mettantàu? Wanak wepeima assetun yau?

Matthew 24:11

Tukke ailon pen itekale yenpoikannan usenpoika màlà molopai tukkankon kappon yamùk yennaka tok uya.

Matthew 24:24

Masapùla ailon pen Christ molopai ailon pen itekale yenpoikannan usenpoika màlà. Eke ton wotoko molopai enumenkanài kupù tok uya màlà yanùnsak kon yennakatoppe tùuya'nokon, tok yennaka tùuya'nokon pe iwechi yau.

Yeunossak kon Wotokoyi 23:21

“Tùse tok kùsetai, masapùla 40 yentaino kon kàyik yamùk molo man, tùuso'namù woton kon imàmuku pàk, iwànà tùuya'nokon ponalà. Tok uya, ‘Tàwà Katù uya ina pa'nùppù màlà sàlà kupù ina uya pùla iwechi yau. Ina uta'lettà pen màlà molopai yà'làlà inchi ina uya pen Paul wànà ina uya ponalà,’ tesak man. Tok wekonekasak man sàlà pe ikupù pàk molopai yà'là tesak là auya màmuku pàk,” teppù ya.

1 Corinthians 12:2

Mùttuyatàik Katù ittunnan pe pùla ewechi kon yau, ailon pen, tùuselupasan pen katù yamùk winàkàik autatùppù kon.

1 Corinthians 14:20

Utonpa yamùk, mule yamùk lùkkwà mùkyamlo àli ittunnan pen. Tok kasa ettàk kon tùse eusenumenkatok kon yau tok kasa kettàu, tùse kàyippe ettàk kon eusenumenkatok kon yau.

1 Corinthians 3:19

Masapùla pukkeppe sàlà wolù nùttu màlà yà'làlà pen Katù yenu yau. Iwe'menukasak, “Katù mùkkàlà, pukkek yachinài ittu tùuya pe tukaik iwettok yau,” tawon kasa. {Job 5.13}

2 Corinthians 2:17

Tukkan kon tùulon kon kappon yamùk walai non pen ina mùkyamlo Katù Maimu yapulànnan temamin molopai iche tùwettok kon yepotok tùuya'nokon iwinà pe neken, tùse Katù uya ina yeunossak pàk, tùuselupasan ina ailon pe itemlotopo, Christ yapyoto pe.

2 Corinthians 4:2

Tamù'nawolon tonantau tùkussen molopai kuli'manài eselu yamùk ku'nàinan pen ina, ànù'la yennakannan pen, ailon pe Katù Maimu yenpoikannan. Tùse làkku Katù uya màlà ailon pe ina uselupa yene molopai kappon yamùk uya nàlà ailon pe ina wechi ittu.

Galatians 3:1

Pakko ton Galatia pon kon! Ànùk uya ken epe pùla ewelaika kon pa àkupùppù kon? Eyemloto kon po ku yene kon pa Jesus Christ pukapàtùppù pulusuk pona yekamappù uya àpàkù'nokon?

Ephesians 6:11

Tamù'nawolon wepanta'man pon Katù uya elepatok kon itùtàk kon, meluntà pe ewechi kon pa, àli, Makui uya enkuttàntok yentaika kon pa.

1 Timothy 3:6

Emennappe là Katù yemyak iwettùsak pe pùla , wakù pe tùwechi tùtonpa yentai pàk tùusenumenkasen pe iwechi tukaik, molopai tùtalumattùtok yepolo ya tukaik Makui, wechippù kasa.

2 Timothy 1:15

Mùttuyaik tamù'nawolon kon Asia yawolon kon uya unonkasak, Phygelus molopai Hermogenes nàlà.

2 Timothy 3:13

Àli ton kappon yamùk molopai tùusennakasan wena àli pe tùwettok kon yapai àli peiwa tùse, tùulon kon yennakai'ma tùulon kon uya tennkatok ke.

2 Timothy 4:3

Masapùla kappon yamùk wettok ailon enupantok enetapai pùla yattai uyàpù màlà, tùse yà'làlà ànkupai tùwetok kon kupù tok uya màlà, molopai tok uya tenupanài'nokon woton kon pilipù màlà tukke molopai tukke iwa enetapai tùpana kon uka'nàluntok yekama tok pe tok uya.

Hebrews 13:9

Tùpatalo'nan yà'là yekkwa ton nà enupantok kon ayatakù'nokon iwalai enupantok winàpai. Wakù pe iwechi màlà kùyewan kon wena meluntà pe Katù nùkupùppù wakù winà yau, kùyali tùnassen pe kappon nekama winà pùla. Masapùla mùkyamlo ina'nàinan nùssan pùikattànài pe pùla iwechi màlà.

James 1:6

Tùse ailon mùkatàik Katù yekamappo auya'nokon yau, molopai iwekkupù na'màichi lù tukaik pùla; masapùla ànù'là na'màichi lù tawon wechi màlà chipachipa palau pon kasa, màlà tùutàsen molopai tùutasse'masen assetun winà.

James 3:4

Wapùla kanau yentàk kon: eke pe lànen iwechi tùse, molopai meluntà assetun winà tùutàsen, elekkwà kanau yukkla winà kanau yanài mùkkàlà yanà ittàtoppe iche tùwettok yak.

2 Peter 2:18

Ittu tùuya'nokon kasa kulu tùuselupasan mùkyamlo tùutapulà kon pe, molopai ikasa pùla tùwemassan winàpai iwemokkasak kon emennak pe, yamùipannan mùkyamlo yà'làlà akùlù teselu kon kupù tùuya'nokon yai.

1 John 2:19

Pùsamlo kappon yamùk wechippù kùkklottawon kon pe kulu pùla màlà, màlàpàk màlà tok uya kùnàmàppù kon. Kùkklotawon kon pe tok wessak yau, tok wechippù kùpyau'nokon eppaino sàlà. Tùse tok uya kùnàmàppù kon tok wechi kùkklottawon kon pe kulu pùla ittutoppe.

1 John 2:26

Sàlà yamùk pàk emenuka kon uya sàlà mùkyamlo eyennakaiche'nokon nai'nannùk pàk.

1 John 4:1

Utonpa yamùk, ailon kùkatàu tamù'nawolon kon, Katù yakkwalù yesappe tukaik tùusennakasan pàk, tùse yentàk kon sàlà akkwalù itesappe tok wettok wechi là Katù winàpaino pe. Masapùla tukke Katù Maimu yenpoikannan pe tukaik tùukaseitasan utàppù man mailàlà wolù yau.

Jude 1:12

Pùsamlo ku mùkyamlo echitonpa pe tamùkke tùwepiliche auta'letàtok kon yau, kuli'manài nan tùuta'letà kon yau. Tùpàkù'nokon neken tùusenumenkasan. Assetun uya katuppluk yalà konok pùla walainon mùkyamlo. Yei itepelu pùnon walainon mùkyamlo kùyali yemeikatok yattai; yei yamùk ikalakasak kon molopai iwaipùtakassak walai non.

Revelation 19:20

Àsà ene yachippù màlà, tamùkke iwalai pen itekale yekamanàippù pokonpe, mùkkàlà tensan pen yamùk ku'nàippù itemlotopo. (Màlà tensan pen yamùk winà màlà mùkyamlo àsà ene uya pattàntok yesak ton yennakappù ya, molopai àsà ene kasa ikonekasak yapulànnan nùssan.) Àsà ene molopai iwalai pen itekale yekamanàippù tawonnan yenu'mappù màlà asakklàma, nulà apok yak kulupala kasa tùkà'nùnsen pokonpe tùuyassen yak.