Ephesians 4:12 - Patamuna New Testament Revised

¹² Sàlà kupùppù Christ uya màlà tamù'nawolon kon Katù ponalok kon kappon yamùk koneka toppe tùuya, tùwotokoyi kuttoppe tok uya. Molopai ailon tawonnan tùpàk yamùtoppe tùuya.

Ephesians 4:12 ပူးပေါင်းရင်းမြစ်များ

Luke 22:32

Tùse wàpùlemasak man àpona Simon, ailon tetok auya wechi attu'mùla tukaik. Ewennapposak upyak yau, àtonpa yamùk mùmeluntàlùnpaik,” teppù Jesus uya.

Yeunossak kon Wotokoyi 1:17

“Judas wechippù kùklottawon'nokon, yanùnsa' lùppù kùwotokoyi kon kupù tonpa pe.”

Yeunossak kon Wotokoyi 1:25

teunossen pe sàlà wotoko yanùmù woton Judas nùnàmàppù lùppù tùutà yau tùpatassek yak,” tukaik.

Yeunossak kon Wotokoyi 11:23

Tùwelepansak yau molopai Katù wettok wakù pe yensak tùuya yau itauchinpappù, molopai tamù'nawàlà tok panamappù ya, ailon pe tok wettoppe Itepulu Jesus pàk tamù'nawàlà tewan kon ke.

Yeunossak kon Wotokoyi 20:24

Tùse wemattok tùkussaik yà'là pe pùla là, uwotokoyi yenuka'nùttoppe uya, molopai wotoko Itepulu Jesus uya ulepatok unkupùpe kutoppe uya, màlà Wakù Itekale tekamasen wakù pe Katù wettok yekama toppe uya.

Yeunossak kon Wotokoyi 20:28

Amyamlo pe esentàk kon molopai tamù'nawàlà kalinilu yamùk anmainanpa kon pe Wakù Akkwalù nùtùlùssan yentàk kon. Kalinilu yesan kasa, Katù sochiyi tawon kon yewettàk kon, tùponaloppe ine'massan tùmu mùnù yai.

Yeunossak kon Wotokoyi 9:31

Màlàyau sàlà kasa iwechippù màlà tamù'nawàlà Judea yawàlà, Galilee molopai Samaria yawolon kon sochi yamùk wechippù wàlàkka'nàtok yau. Meluntà pe tok wenappù molopai tukke tok wenappù, Wakù Akkwalù uya tùpùikattàse, tùwemapùi'ma nokon Itepulu Jesus namatok yau.

Romans 12:5

Màlà kasa làma Christ yau màlà tukke we'nà tùse tewin itesak we'nà'nokon molopai tamù'nawolon kon tonpawannà yamùk wechi màlà pùkkùwannà pe.

Romans 12:7

Tùulon kon yapyoto pe iwechi yau, tàwà ne'wotokomai. Enupantok pe iwechi yau enupanài pe nechiik.

Romans 14:19

Màlàpàk uchi màlà yamùk echitonpa pe we'nàtok ne'nài iwapai'nokon man tàwàlà, molopai tonpa tùmeluntàpaik we'nàpai.

Romans 15:14

Utonpa yamùk, Iulà uyiwalà nùttuyan wakù pe we'nàtok ke awanùssak kon, tamù'nawolon tùttusan ke molopai kappon yenupanài yeppe ewechi kon àkklottau'nokon.

Romans 15:2

Masaichi we'ma'nàpai'nokon, kùmàlà pe làkku kùyakontalù kon yenu yailà wema'nàpai'nokon wakù pe iponaloppe, meluntà pe iwenatoppe ailontetok yau.

Romans 15:29

molopai tùttuyaik uyàpù apyakù'nokon yau, uyàpù tamù'nawolon Christ winàpaino wakù pokonpe.

1 Corinthians 12:27

Christ yesak pùkkù ton uchi amyamlo, molopai tewinpàk ewechi kon yawàlà ipùkkù ton amyamlo.

1 Corinthians 12:7

Iponalà'ne lepansak màlà Wakù Akkwalù wechi molo yekamanài ke, tùulon kon pùikattàtok iwinà pe.

1 Corinthians 14:12

Màlà kasaichi ewechi kon màlà. Wakù Akkwalù uya lepantok iche kulu ewechi kon pàk, màlà yamùk pùikattànài pe nai'nannùk lepantok yapulàtàk kon sochi tawon kon meluntàtanùsse pe.

1 Corinthians 14:14

Masapùla wàpùlema tùpatalon mayin yau yau, uyakkwalù wàpùlema màlà tùse usenumenkatok wechi ipùkkù pe pen màlà.

1 Corinthians 14:26

Yà'là te uya ken sàlà, utonpa yamùk? Katù yapulàse ewepilichak kon yau, tamù'nawolon kon wechi telemu ke, wapùla enupantok yesappe, tenpoikasen yesappe, wapùla itekale tùulon mayin yau, wapùla yà'là tesak lùppù yekamatok yesappe. Tamù'nawàlà sàlà yamùk wechi màlà Katù ponalok kon meluntàlùtanù'nài pe tùkussen pe.

2 Corinthians 12:19

Tamù'nawolon sàlà te uya ikasa ina wechi yenpoika toppe pe là yekama auya'nokon. Kane, màlà kasa pùla man. Ina tùuselupasan Christ wettok ina uselupa iche kasa, Katù yemloto po. Ina tonpa yamùk, tamù'nawolon ina nùkupù màlà tùwekkussen àpùikatàtok kon pe.

2 Corinthians 13:11

Iwenukapù pe Utonpa yamùk, eichilà man! Apawanattàtok kon uya yetatàk kon, tamù'nawàlà wakù pe nai'nùk winàkàik itàtàk kon, tewin ichenumenkatok ettàk, echitonpa pe emattàk kon. Molopai Katù pùnùnmantok molopai echitonpa pe we'nàtok yesak wechi apyau'nokon màlà.

2 Corinthians 13:9

Ina nùtauchinpayan atu'mùla ina wechi tùse meluntà pe ewechi kon pàk. Molopai ina wàpùlematok wechi màlà wakù pe tamù'nawàlà ewenatok kon pe iku'nài pe.

2 Corinthians 3:8

Màlà yentai lùiwa ken na' uchi wakù pe kulu wotoko Akkwalù yau nai'nùk wechi pen?

2 Corinthians 4:1

Katù uya, tùusentuppatok yau ina lepasak man sàlà wotoko ke. Màlàpàk ina we'nonka pen.

2 Corinthians 5:18

Sàlà màlà tamù'nawolon iwekkusak lùppù Katù winà, mùkkàlà Christ yai kùmyakanmanàippù teyatonnon pe we'nàtok yapai tùwechiyakonnon pe, molopai ina wotokoyittàppù ya tùulon kon konekatoppe nàlà ina uya tùwechiyakonnon pe.

2 Corinthians 6:3

Ànù'là uya iwalai pen yepolo ina wotokoyi yau iche pùla ina man, màlàpàk ànù'là wakàtùiche ina wechi pen sàlà.

2 Corinthians 7:1

Sàlà yamùk Katù uya ikupù tùuya tetok wechi màlà kùponalok kon pe, utonpa yamùk! Màlàpàk uchi esuken wenanpai'nokon makui pùla, tamù'nawolon yà'làlà àli pe nai'nùk kupù yeleutanùpù winà, molopai yà'làlà kùyesak kon wapùla kùyakkwalù kon ku'nài àli pe nonkapai'nokon. Màlàpàk uchi tamù'nawàlà wettùn nokon sàlà Katù yemyak masapùla inama pàk.

Ephesians 1:23

Sàlà Sochi wechi màlà Christ pun pùkkù pe, tamù'nawàlà iku'nài pe tamù'nawolon yanùkkanài pe i'nai yekkwa yawàlà là.

Ephesians 4:16

Itepulu pe iwettok yo'no tamù'nawolon tùpatalo'nan esak pùkkù yamùk tùwessen tùpatasek kon yau tamùkke, molopai tamù'nawolon esak yachichak màlà ichese'muttàpàttok uya, màlà yamùk uya ipùikatànài pe ikussak. Màlàpàk tamù'nawolon ipùkkù uya tùwotokoyi kupù wakù pe, tamù'nawolon esak tùwekassen molopai tùusemokkasen uchi'nùnmantok yai.

Ephesians 4:29

Àli mayin kùsapulàtàu euselupatok kon yau. Pùikattànài neken mayin yapulàtàk kon, iche kulu we'nàtok ne'nài, molopai ewan ipittànài eyetannan pùikattà toppe euselupatok uya.

Ephesians 4:4

Tewinan màlà esak molopai tewinan Akkwalù, tewinan enpen we'nàtok Katù uya àkà'mappù kon yak walai.

Colossians 1:24

Molopai sàlà pe utauchinpayaik wettalumattàsak àpàkànsau'nokon pàk. Sàlà yamùk wettalumattàtok yanùmù uya nai'nùk uyesak yau, Christ wettalumattà yenuka'nùpù pe sochi ponaloppe. Sochi mùkyamlo Christ pùkkù.

Colossians 1:28

Màlàpàk Christ yekamannan ina tamù'nawolon kon kappon yamùk pàk. Tamù'nawolon kon yekamaponnan ina molopai tok yenupannan, tamù'nawolon pukkek ke, tamù'nawolon kon nettoppe Katù yemloto pona wakù pe tamùnawàlà ipùkkù pe neken pùla Christ kasa kulu nen uchi.

Colossians 4:17

Molopai Archippus pàk sàlà mekamatàik: “Wotoko itùsak lùppù eyemyak Itepulu wotokoyi menuka'nùpùik kulu,” tukaik.

1 Timothy 1:12

Tenki ukayaik Christ Jesus Kùyepulu kon pàk, ulepanàippù meluntà ke uwotokoyi kuttoppe uya. Tenki ukayaik uyensak ya tùwe'wotokomasen yeppe pàk molopai uyanùnsak ya tùwotokoyi yak pàk,

2 Timothy 4:11

Luke neken upyau man. Mark yepokà molopai inekkà aya'là, masapùla upùikattà ya màlà sàlà wotoko yau.

2 Timothy 4:5

Tùse tùuchittuik ekkà; ewettalumattàtok ipàlikakà, Wakù Itekale yekamanài wotokoyi ikukkà, molopai wakù pe àwotokoyi ikukkà tamù'nawolon yau.

Hebrews 13:17

Eyepotolù kon yamùk maimu yawàlà ettàk kon molopai tok uya enupantok ikuttàk. Eyene kon pàk tùwessan mùkyamlo, masapùla Katù pàk tùwotokoyi kon lùppù yekale yekama tok uya. Tok maimu yawàlà ewechi kon tok tewankono'maik pùla yau, tùwotokoyi kon kupù tok uya màlà tùutauchinpaik. Wapùla iwechi yau àpùikattàkon tok uya pen màlà.

Hebrews 6:1

Wapiyalok kon enupantok Christ pàk nànpai'nokon man, molopai usemokkantok yak utànpai'nokon. Uselupan pàk lùppù we'nàpai pùla'nokon man, àli kùyeselu weli'nàtok ne'nài winàpài welattàntok molopai ailon tetok Katù pàk, pàk neken pùla.