Ephesians 4:11 - Patamuna New Testament Revised

¹¹ Mùkkàlà ichi mùkkàlà “kappon yamùk lepanàippù lepantok yamùk ke” tùulon kon kappon yamùk yanùmùppù ya teunossan pe, tùulon kon Katù maimuppù yenpoikannan pe, tùulon kon Wakù Itekale yekamannan pe, tùulon kon sochi yesan pe, molopai tùulon kon enupannan pe.

Ephesians 4:11 ပူးပေါင်းရင်းမြစ်များ

Matthew 28:20

Molopai tok menupatàik tamù'nawolon “Mùkuttàik” teppù uya lùppù àpàkù'nokon maimu yawàlà tok wettoppe. Apyau'nokon wechi màlà tàwàlà pata weyu wenukattok ponalà,” teppù ya.

Yeunossak kon Wotokoyi 13:1

Sochi tau Antioch po màlà Katù Maimu yenpoikannan molopai enupannan wechippù. Tok kùlottau Barnabas, Simeon Niger tukaik tesassen, Lucius Cyrene poino, Manaen, pata yesak Herod piyau ichemokkasak molopai Saul wechippù molo.

Yeunossak kon Wotokoyi 20:28

Amyamlo pe esentàk kon molopai tamù'nawàlà kalinilu yamùk anmainanpa kon pe Wakù Akkwalù nùtùlùssan yentàk kon. Kalinilu yesan kasa, Katù sochiyi tawon kon yewettàk kon, tùponaloppe ine'massan tùmu mùnù yai.

Yeunossak kon Wotokoyi 21:8

Màlà ewanawà là ina utàppù molopai ina welepamùppù Caesarea pona. Molo ina utàppù Wakù Itekale yekama pàk tùusasen Philip yùwùk tak, molopai ina wechippù ipyau. Mùkkàlà wechippù màlà 7 pan kon kàyik yamùk yanùnsak kon, Jerusalem po tonpa pe.

Romans 12:7

Tùulon kon yapyoto pe iwechi yau, tàwà ne'wotokomai. Enupantok pe iwechi yau enupanài pe nechiik.

1 Corinthians 12:4

Tùpatalo'nan lepantok kon wechi màlà molo, tùse mùkkàlà lùppù Akkwalù.

Ephesians 2:20

Amyamlo nàlà yamùsak màlà yeunossak kon molopai Katù Maimu yenpoikannannùssan nùnonkappù po, Christ Jesus ipana'mu yawon iwakapuli pe.

Ephesians 3:5

Pena kappon yamùk pàk sàlà tùttusen pen yekamappù pen màlà, tùse Katù uya yenpoikasak man sàlà pe Wakù Akkwalù winà wakù ton esukenan kon tùneunokossan molopai tùmaimu yenpoikannannùssan pàk.

Ephesians 4:8

Màlàpàk Katù Maimu uya, “Iwenukuppù kakàik tukkan kon yachichak kon yalàppù ya tùpokon pe. Lepantok tùlùppù ya kappon yamùk yemyak,” te kasa.

2 Timothy 4:5

Tùse tùuchittuik ekkà; ewettalumattàtok ipàlikakà, Wakù Itekale yekamanài wotokoyi ikukkà, molopai wakù pe àwotokoyi ikukkà tamù'nawolon yau.

Hebrews 5:12

Sàlà yattai'ne enupannan pe ewettok kon wechippù nai'nùk, tùse tu'ma wapiyalok usenupantok Katù Maimu yawon pàk eyenupanài'nokon iche lùppù messatàik. Manak iche ewechi kon, sa'man kùyali pen.

Jude 1:17

Tùse utonpa yamùk, pena iwekkupù wapiya Kùyepulu Jesus Christ neunokossan nekamappù lùppù kan mùttutàik tà.

Revelation 18:20

Atauchinpatàk kon, imattanùttok pàk epùn! Atauchinpatàk kon, Katù ponalok kon kappon yamùk, yeunossak kon, molopai Katù Maimu yenpoikannan! Masapùla Katù uya italumattàsak man inkupùppù àpàkù'nokon wenai!

Revelation 21:14

Pata we'na kassak wechippù 12 pan tàk yamùk po, ipàk màlà 12 pan kon Kalinilu Mule neunokossan yesek menukasak wechippù.