Ephesians 4:10 - Patamuna New Testament Revised

¹⁰ Màlàpàk mùkkàlà iwuttàsak lùppù mùkkàlà iwenussak lùppù kakàik kak yepoi molopai miya itentak, tamù'nawolon yanùkkase molo tùwechi ke.

Ephesians 4:10 ပူးပေါင်းရင်းမြစ်များ

Matthew 24:34

Ailon kulu sàlà, tamù'nawàlà sàlà yamùk wekkupù màlà sàlà pe nemassai'nannùk kappon yamùk welikkapù tamù'nawàlà wapiya.

Luke 24:44

Màlàyau tok pàk, “Sàlà yamùk uchi màlà àpàkù'nokon unekamappù apyau'nokon nùppù wechi yattai, tamù'nawolon imenukasak lùppù upàk Law Moses winàpaino yawon, molopai Katù Maimu yenpoikannan nùmenukappù yawon, molopai Psalms kaletayi yawon tawonnan wekkupùppù màlà ailon pe,” teppù Jesus uya.

John 1:16

Eke pe kulu wakù pe iwettok winà, tamù'nawàlà pùlemantok yepoloppù' nokon man esse'mappù pàk.

John 19:24

Sousa yamùk uya, “Ikalapàtù pen sàlà, tùse tàk walai lùkkwà tenu'mapàsse wenkalunàpai ànù'là uya ipon yassan nùppù yepolo yentoppe,” teppù. Sàlà wekkupùppù màlà Katù Maimu yau iwe'menukasak kasa iwettoppe. “Tok uya upon pantakapàtùppù tùkklottau'nokon, molopai upon yassan nùppù yepolo ànù'là uya yentoppe tùuya'nokon tàk walai lùkkwà tenu'mapàsse tok wenkaluppù,” tawon. Sàlà yamùk kupùppù màlà sousa yamùk uya.

John 19:28

Sàlà tùpo Jesus uya tamù'nawolon wenukassak ittuppù màlà. Katù Maimu yau iwe'menukasak lùppù kasa iwekkuttoppe, “We'nakklipayaik,” teppù ya.

John 19:36

Sàlà yamùk wekkupùppù màlà Katù Maimu yau iwe'menukasak kasa iwettoppe. “Tewin nà yàppù ikkwàtù pen màlà,” tawon.

Yeunossak kon Wotokoyi 1:11

“Kàyik yamùk Galilee pon kon, yà'là pe ken iwechi pàk kak yenupàkà ewechi kon màlà? Pùsàlà Jesus Epùn pona yanùmù nepàssai'nùk ewinàpai'nokon, mùkkàlà tùuyà tu'ma woton epùn pona iità menpàssatài'nùk kasa,” teppù tok uya.

Yeunossak kon Wotokoyi 1:9

Wa te ya tùpo Jesus yanùmùppù màlà Epùn pona tok uya yene tùse, molopai katuppluk uya yonamùppù tok yenu winàpai.

Yeunossak kon Wotokoyi 2:33

Iwuluukappù màlà kamik pen Katù yemyatù yak. Molopai Wakù Akkwalù yanùmùppù ya iwinàpai. Sàlà pe menyatài'nùk molopai metayatài'nùk màlà ilepatok ya eke pe.

Yeunossak kon Wotokoyi 3:18

Katù uya pùsàlà tùneunokoppù wettalumattàtok woton yekamappù màlà pena tùmaimu yenpoikannan winà. Molopai ailon pe màlà kasa iwekkuttoppe ikupùppù ya.

2 Corinthians 12:2

Tùttuyaik kappon Christ pàk ailon tawon. 14 pe kilichimochi utàppù man mùkkàlà yalàppù kawon kulu kak pona tùpo. Ittu uya pùla man sàlà wekkupùppù pe kulu iwechi wapùla we'nepà'natok walai yeneppù ya pe iwechi, Katù neken nùttuyan.

Ephesians 3:19

Christ uya pùnùnmantok ittu auya'nokon iche wessaik tamù'nawàlà. Ittu yentai lànen eke pe kulu là iwechi tùse awanùpù kon pa tamù'nawolon Katù yeselu ke.

Colossians 1:19

Masapùla tamù'nawàlà tùmàlà pe Tùmu yau eppai Katù wechippù màlà.

Colossians 2:9

Masapùla tamù'nawolon Katù yau nai'nùk wechi màlà Christ yau.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

Hebrews 4:14

Mùkkàlà eke kulu paatele yesappe we'nà'nokon man, mùkkàlà iitàsak lùppù Epùn pona, Jesus, Katù Mumu. Màlàpàk uchi meluntà pe utachinpai nokon, ailon tetok kùuya'nokon pàk.

Hebrews 7:26

Jesus mùkkàlà eke kulu paatele iche kulu we'nàtok. Wakù, iwalai pen nà pùn, esukenan molopai yamasak mùkkàlà tùmakuyi kenan kon winàpai, molopai yanùnsak lùppù epùn yepoi.

Hebrews 8:1

Sàlàichi màlà ina wettok yekama iche. Pùsàlà, eke kulu paatele, yesappe we'nà'nokon man. Mùkkàlà chichiu pe tùwessen kamik pen winà Katù eke pe tùwessen yapon piyau epùn po.