Ephesians 3:5 - Patamuna New Testament Revised

⁵ Pena kappon yamùk pàk sàlà tùttusen pen yekamappù pen màlà, tùse Katù uya yenpoikasak man sàlà pe Wakù Akkwalù winà wakù ton esukenan kon tùneunokossan molopai tùmaimu yenpoikannannùssan pàk.

Ephesians 3:5 ပူးပေါင်းရင်းမြစ်များ

Matthew 13:17

Ailon kulu sàlà, tukkan kon Katù Maimu yenpoikannan molopai wakù ton kappon yamùk wechippù menyatài'nùk enenpai, tùse tok uya yeneppù pen. Molopai metayatài'nùk enetapai tùse tok uya yetappù pen,” teppù Jesus uya.

Matthew 20:7

‘Ànù'là uya ina yekamapposak ina we'wotokomatoppe pùla iwechi pàk,’ tukaik tok uya yeikuppù. ‘Itàtàk kon nàlà e'wotokomase u'mà yak,’ teppù ya tok pàk.

Matthew 23:34

Màlàpàk uchi Katù Maimu yenpoikannan teunossaik, molopai pukkek ton, molopai enupannan. Tok tonpa yamùk wànà auya'nokon màlà, tùulon kon pukapàtù auya'nokon pulusuk pona. tùulon kon ippoppàtù auya'nokon màlà ewepilittok kon itak tau, molopai tok yenpe auya'nokon màlà pata yapai tùulon pata yamùk yawàlà'ne.

Luke 10:24

Masapùla tukkan kon Katù Maimu yenpoikannan molopai kin yamùk wechippù menyatài'nùk enenpai, tùse tok uya yene pùla iwechippù molopai metayatài'nùk enetapai, tùse tok uya yetappù pen, ukayaik àpàkù'nokon,” teppù ya.

Luke 11:49

Sàlà wenai Katù uya ittutok tùuya yau, ‘Katù Maimu yenpoikannan yeunoko uya màlà molopai itekale yekamannan. Tok uya tok tonpa yamùk wànà màlà. Tok tonpassan talumattà tok uya màlà,’ tesak màlà.

John 14:26

Tùse àpùikattà kon woton Wakù Akkwalù, yeunoko màlà Ukàipùnù uya uyesek yau. Mùkkàlà uya màlà tamù'nawolon pàk eyenupa kon. Molopai tamù'nawàlà unekamappù àpàkù'nokon nepù ya màlà ittu kon pa.

John 16:13

Tùse mùkkàlà Ailon Akkwalù uyàssak yau, ayalà kon ya màlà tamù'nawolon ailon yawàlà. Tùyiwalà ichelupa pen màlà, tùse yà'làlà tùneta yekama ya màlà. Molopai yà'làlà tùuyàpù woton yekama ya màlà àpàkù'nokon.

Yeunossak kon Wotokoyi 10:28

Peter uya tok pàk, “Tamù'nawolon kon amyamlo nùttuyan law yawàlà pùla Jew yamùk wechi Jew yamùk pen pokonpe echitonpa pe molopai tok kaklanpa tok uya wechi. Tùse Katù uya upàk yekamasak man ànù'là pàk àli wapùla wakù pen te uya tukaik,” teppù.

Romans 16:25

Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau.

1 Corinthians 2:10

Tùse Katù uya yenpoikappù màlà kùpàkù'nokon Takkwalù winà. Wakù Akkwalù mùkkàlà tamù'nawolon iwanài, i'napailon kulu nàlà Katù yeselu yamùk iwanài.

Ephesians 2:20

Amyamlo nàlà yamùsak màlà yeunossak kon molopai Katù Maimu yenpoikannannùssan nùnonkappù po, Christ Jesus ipana'mu yawon iwakapuli pe.

Ephesians 3:9

Molopai tamù'nawolon kon pàk tùttusen pe pùla nai'nùk yeselu Katù piyawon yekamatoppe uya tok uya yentoppe. Katù, tamù'nawolon yà'làlà konekanàippù uya màlà kappon yamùk wapiyalok kon winàpai tùttusen pen kupùppù mailà tonantau.,

2 Peter 3:2

Pena yekamasak kon wakù ton Katù Maimu yenpoikannannùssan winà ittu auya'nokon iche wessaik, molopai Itepulu Jesus Pùikattànài wettok ikupù iche yeunossak kon nekamappù àpàkù'nokon.

Jude 1:17

Tùse utonpa yamùk, pena iwekkupù wapiya Kùyepulu Jesus Christ neunokossan nekamappù lùppù kan mùttutàik tà.