Ephesians 3:21 - Patamuna New Testament Revised

²¹ Tàwàichi Katù yapulài sochi, Christ Jesus yau, tachin pe, tàwàlàlà molopai tàwàlàlà. Emen.

Ephesians 3:21 ပူးပေါင်းရင်းမြစ်များ

Matthew 6:13

Ina kùsettùtak sa'man ittuntok yak, tùse Ene Makui winàpai làkku ina ikukkà, Masapùla àponalok màlà itepulu pe we'nàtok epùn po, molopai apàikkek, molopai apulàntok tàwàlàlà. Emen, tukaik, teppù Jesus uya.

Luke 2:14

“Katù epùn pon, yapulà pai! Molopai kappon yamùk uyauchinpan nan non pon kon ponaloppe wàlàkka'nàtok nechii!” tukaik.

Romans 11:36

Masapùla tamù'nawolon yà'làlà iwekkussak lùppù wechi màlà iwinon pe, mùkkùlà yai molopai iponaloppe. Tàwà uchi apulàntok molopai namantok iponaloppe nechii tàwàlàlà. Emen.

Romans 16:27

Tewinan neken pukkek Katù piyak, apulàntok molopai namantok tùlù nechii Jesus Christ yai tàwàlàlà molopai tàwàlàlà! Emen.

Galatians 1:5

Tàwà Katù piyau apulàntok nechii tàwàlàlà molopai tàwàlàlà! Emen.

Ephesians 1:6

Katù yapulàpai'nokon uchi man wakù kulu usentuppantok Katù winàpaino tenumenkaik, Tùmu tù'nùn pe tùnkupù ke lepantok ya tense!

Ephesians 2:7

Sàlà kupùpù Katù uya màlà ewanawolok yattai eke kulu wakù pe tùwettok, pùnùnmantok tùuya yau tùnekamappù kùpàkù'nokon Christ Jesus yau yekama toppe tùuya.

Ephesians 4:1

Eyekamappoyatàu uchi Iulà, Iulà yachichak nai'nùk masapùla Itepulu Jesus ponaloppe we'wotokoma pàk. Àkà'ma kon tùuya yau Katù nùkupùppù yawàlà we'nàtoppe, pàkàlà ayakkwalù kon yemakkwatàk kon.

Philippians 1:11

Jesus Christ uya àkupù kon màlà wakù eselu kupù pàk ewechi kon pa. Sàlà uya Katù yapulàtok molopai inamatok nepù màlà.

Philippians 2:11

Molopai tamù'nawolon kon uya ayupo yekama màlà Jesus Christ wechi Itepulu pe, Katù Kùkàipùnù yapulàtoppe.

Philippians 4:20

Tàwà Katù Kùkàipùnù kon tapulàtok yepoloi tàwàlàlà molopai tàwàlàlà. Emen.

2 Timothy 4:18

Molopai Itepulu uya upùikattà màlà tamù'nawolon àli ton winàpai, molopai uyalà ya wakù pe itepulu pe tùwettok yak epùn pon yak. Apulàntok ipyau nechii tàwàlàlà molopai tàwàlàlà. Emen.

Hebrews 13:21

Tàwàichi Katù elepai'nokon tamù'nawolon wakù iche ewettok kon ke teselu kupù kon pa. Tàwà tauchinpanài kupùi kùyau'nokon Jesus Christ yai. Christ yapulàpai'nokon tàwàlàlà molopai tàwàlàlà. Emen.

1 Peter 2:5

Àitàk kon nulànan tàk kasa, molopai tapulàsan pe ettàk Katù yùwùk kappon namùppù pen tensen pen yamù yau, màlà motau wakù pe tùwe'wotokomasan pe ewechi kon pa, wakù ton Katù lepatok iche iwettok tùlù pàk Jesus Christ yai .

1 Peter 5:11

Tamù'nawolon apàikkek màlà ipyawon tàwàlàlà. Emen.

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.

Jude 1:25

Tewinan Katù Kùpùikattànài'nokon Jesus Christ Kùyepulu kon yai piyau apulàntok nechii. Inamatok nechii. Itepulu pe we'nàtok meluntàlù nechii. Molopai apàikkek nechii, sàlà pe molopai tàwàlàlà molopai tàwàlàlà! Emen.