Ephesians 3:20 - Patamuna New Testament Revised

²⁰ Katù yapulàpai'nokon uchi, eke pe kulu yennatok kùuya'nokon yentai yà'làlà ke lepanài, wapùla usenumenkatok kon yentai iku'nài tùmeluntàlù ne'wotokomayai'nùk kùyau winà.

Ephesians 3:20 ပူးပေါင်းရင်းမြစ်များ

Matthew 3:9

Molopai ‘Abraham mùkkàlà ina kàipùnù’ kùkatàu. Tekamayaik àpàkù'nokon Katù uya nen sàlà yamùk tàk yanuku molopai Abraham munkà yamùk pe ikoneka ya.”

John 10:10

Amak uyàpù màlà amak pe esse, wànse, molopai mattanù'nàse. Uyàssak sàlà wema'nàtok yesappe tok wettoppe, eke pe itesak pe tok wettoppe.

Romans 16:25

Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau.

Romans 4:21

Masapùla ailon teppù ya kulu màlà Katù uya ikupù tùuya teppù lùppù kupù pàk.

1 Corinthians 2:9

Walà tùse, iwe'menukasak kasa iwechi, “En uya là yensak pùla iwechi wapùla pana uya là yetasak pùla iwechi, ànù'là usenumekatok yau iwekonekasak pùla iwechi màlà, màlà Katù nùkonekappù mùkyamlo tù'nùnmannan ponaloppe ” te kasa. {Isa 64.4}

2 Corinthians 9:8

Molopai Katù wechi màlà iche ewettok kon yentai elepanài'nokon pe. Iche kulu ewettok kon yesappe ewechi kon pa molopai tamù'nawolon yà'là yekkwa là wakù wotoko kupù kon pa.

Ephesians 1:19

eke kulu màlà ne'wotokoma yai'nùk kùyau'nokon ailon tawon yau. Sàlà meluntà kùyau'nokon nai'nùk màlà eke kulu meluntà walai

Ephesians 3:7

Wakù Itekale yapyoto pe wenappù màlà Katù uya lepantok winà, intùlùppù uyemyak tùmeluntàlù we'wotokoma winà.

Colossians 1:29

Sàlà wekkuttoppe tùwe'wotokomasen Iulà sa'man pe, eke meluntà Christ nùtùlù yapulà pe, ne'wotokomayai'nùk uyau.

1 Timothy 1:14

Kùyepulu kon wessak wakù pe man upàk, upùlemasak ya man eke pe kulu ailon tetok molopai uchi'nùnmantok Christ Jesus yau nai'nùk ke.

Hebrews 11:19

Abraham uya ailon teppù Katù wechi iwelichak wuluukanài pe pàk, weli'nàtok yapai Isaac mùnappo nulà Abraham uya kasa wechippù màlà.

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

James 4:12

Katù neken mùkkàlà Law ke lepanài molopai ittunài. Mùkkàlà neken mùkkàlà pùikattànài, molopai ittunài. Ànùk pe ken mechittuyatàu àtonpa kon pàk “Suwa messaik ”te kon pa?

2 Peter 1:11

Molopai Katù uya epùn mùlatta yakkoka màlà eke pe, ewewomù kon pa tàwàlàlà itepulu pe Kùyepulu, Kùpùikattànài Christ Jesus wettok yak.

Jude 1:24

Mùkkàlà ewekkawai'ma kon tukaik àku'nài'nokon molopai esuken yà'làlà àli pùla enessai'nàk nokon, molopai tùutauchinpaik àtùnài'nokon wakù takkwayi yemloto pona yapulà nechii.