Ephesians 3:14 - Patamuna New Testament Revised

¹⁴ Màlàpàk uchi uyese'mu yok tùwenasen Iulà Kùkàipùnù kon yemloto po.

Ephesians 3:14 ပူးပေါင်းရင်းမြစ်များ

Luke 22:41

Iitàppù màlà tok winàpai mei kulu pùla là tàk ke wessa'mantok kaichalà là, tese'mu yok iwenappù molopai iwàpùlemappù.

Yeunossak kon Wotokoyi 20:36

Tùwenukassak yau, Paul wenappù tese'muyok tamù'nawàlà tok pokonpe molopai iwàpùlemappù.

Yeunossak kon Wotokoyi 21:5

Ina uko'mantok tok piyau weyu wenukassak yau, ina utàppù te'ma kon tawà. Tamù'nawolon kon utàppù ina ya'là pata poi tùnoppù kon molopai tùmunkà kon yamùk pokonpe. Molo ina wenappù tese'mu kon pona palau yena po molopai ina wàpùlemappù.

Yeunossak kon Wotokoyi 7:60

Tese'muyok iwenappù molopai iwentaimeppù eke pe, “Itepulu! Sàlà àli kuttok tok uya kùchittui molopai kù'nepùi tok winàkàik!” tukaik. Wa te tùpo iwelikùppù.

Yeunossak kon Wotokoyi 9:40

Tamù'nawàlà Peter uya tok yenpakkappù polo pona, màlà iwakkàssak tapùi tapai, molopai tese'mu yok iwenappù molopai iwàpùlemappù. Màlà tùpo iwelattàppù ekek winàkàik molopai, “Tabitha, e'wuluukakà!” teppù ya. Iwàssànkappù ya, molopai Peter yensak tùuya yau iwe'wuluukappù chichiu pe.

Ephesians 1:3

Tenki te pai'nokon man Katù pàk, Kùyepulu Jesus Christ Kàipùnù pàk! Wakù pe kulu iwessak man kùpàkù'nokon, tamù'nawolon wakù lepantok epùn pon ke kùlepa kon tùuya yawàlà, masapùla Christ ponaloppe we'nà'nokon pàk.

Ephesians 3:15

Tamù'nawolon epùn pon kon molopai non pon kon konekanàippù mùkkàlà molopai tesek kon yepotok tok uya iwinàpai.

Philippians 2:10

Tamù'nawolon kon epùn pon kon, molopai non pon kon, molopai non yo'non kon wenatoppe tese'mu kon yok.