Ephesians 3:12 - Patamuna New Testament Revised

¹² Mùkkàlà yai nen uchi Katù yemloto pona uyà'nà sàlà tùwettalipaik pùla kùyanùmù kon ya ittui'ma ailon tetok kùuya'nokon ipàk yau.

Ephesians 3:12 ပူးပေါင်းရင်းမြစ်များ

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

Romans 3:22

Sàlà ikasa we'nàtok màlà Katù winàpai tùuyàssen Jesus Christ pàk ailon tetok yai tamù'nawolon kon ailon tawonnan piyak, masapùla tùpatalà we'nàtok pùla kulu iwechi màlà.

Romans 5:2

Ailon tetok winà kùnessak kon ya sàlà, wakù pe Katù wettok yak, yau we'nà'nokon nai'nùk sàlà pe yak. Tùutauchinpasan kùmyamlo enpen we'nàtok, Katù yapulàtok pùkkù pe we'nà'nokon pàk!

2 Corinthians 3:4

Ina uya sàlà te màlà masapùla ailon tetok ina uya wechi Katù yau pàk Christ yai.

Ephesians 2:18

Christ yai màlà tamù'nawolon kon kùmyamlo, asakklàma, Jew yamùk molopai Jew yamùk pen uyàttok wechi màlà tewinan Wakù Akkwalù yai Kùkàipùnù kon yemloto pona.

Hebrews 10:35

Ailon tetok uchi auya'nokon ittutàk kon tàwàlàlà, masapùla eke kulu epeppù ne'nài màlà.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

1 Peter 3:18

Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;

1 John 2:28

Ewaik, umunkà yamùk, yau ettàk kon, meluntà pe ewechi kon pa ichenpoika yau molopai àuso'namù kon wekuli'mantok yau iwinàpai iyàttok Weyu yattai tukaik.

1 John 3:21

Màlàpàk utonpa yamùk kùyewan kon uya kùyaimelunpa kon pùla iwechi yau, meluntà pe we'nà màlà Katù yemloto po usenalippan pen.