Ephesians 3:1 - Patamuna New Testament Revised

¹ Sàlà kasa iwechi pàk Iulà Paul, wechi nai'nùk yachisak pe, amyamlo Jew yamùk pen pàkànsau.

Ephesians 3:1 ပူးပေါင်းရင်းမြစ်များ

Luke 21:12

“Sàlà yamùk wekkupù wapiya ayachi kon màlà molopai atalumattà kon. Àtùlù kon màlà eyittu tok kon pe Jew yamùk wepili'nàtok itak tak, molopai patikichi tak, Kin yamùk molopai kopùna yamùk yemlotopona enepù kon màlà upàkànsau.

Yeunossak kon Wotokoyi 21:33

Eke soicha yamùk yepulu uyàpùppù molopai Paul yachippù ya, molopai asa'là chin ke yaulonpàttoppe ikupùppù ya, “Ànùk ken pùsàlà kàyik molopai yà'là kussak ya nai?” tukaik tok yekamappoppù ya.

Yeunossak kon Wotokoyi 23:18

Molopai yalàppù ya eke soicha yamùk yepulu piyak, “Yachisak Paul ukà'mai molopai uyekamappoi pùsàlà umoine nettoppe uya apyak, masapùla eyelupatok ya wechi molo pàk,” teppù ya.

Yeunossak kon Wotokoyi 26:29

“Tachin pe wapùla tachin pe pùla iwechi yau, wàpùlematok wechi màlà Katù pàk, àmàlà molopai tamù'nawolon kon uyetayai'nannùk sàlà pe wena toppe ukasa, tùse yachisak pe pùla,” tukaik Paul uya imaimu yeikuppù.

Yeunossak kon Wotokoyi 9:15

Tùse Itepulu Jesus uya, “Itàkà, masapùla yanùnsak uya màlà uyapyoto pe iwettoppe uyesek yekama toppe ya Jew yamùk pen pàk molopai tok kinù yamùk pàk molopai Israel pon kon pàk.

2 Corinthians 1:6

Ina wettalumattà yau, eyewan kon ipik pe iwechi màlà molopai ewepùikattàtok kon iwinà pe. Ina yewan ipittàsak yau, eyewan kon ipik pe iwechi màlà talumattàntok ina nùpàlikappù yekkwa lùppù pàlika auya'nokon yau.

2 Corinthians 10:1

Tùusentuppaik molopai wakù pe Christ wettok winà, apawanattàyatàu Iulà. Iulà Paul “àssà'mùn” apyau'nokon wechi yau, tùse “meluntà” apyau'nokon pùla wechi yau.

2 Corinthians 11:23

Christ yapyoto yamùk ken na' mùkyamlo? Itayaupasak kappon kasa uselupayaik, tùse wakùiwa nen apyoto Iulà! Sa'man peiwa nen we'wotokomasak màlà, patikichi tau wessak tukkeiwa itekkwa. Uyippoppàssak màlà tukke itekkwa. Molopai weli'nàtok piyau mei pùla wessak màlà echipalà'ne.

Galatians 5:11

Utonpa yamùk, yà'là pe ken iwechi pàk utalumattà sàlà Jew yamùk yattàtok wechi iche kulu we'nàtok pe yekama pàk lùppù wechi yau? Màlà wechi ailon pe yau, Christ wettalumattàtok pulusuk po yekama pàk wettok Usya tùulon kon utaimelunpatok kupù pen màlà.

Galatians 5:2

Yetatàk kon, Iulà Paul nekamayan àpàkù'nokon: ayattàtok kon pe ewekkupù kon Jew yamùk yattàtok yeselu yawàlà yau, Iwoton pe pùla Christ wechi màlà àpona.

Galatians 5:24

Molopai mùkyamlo Christ Jesus ponalok kon uya tamù'nawolon àli ànkuppai tùwettok kon pukapàssak màlà pulusuk pona iteselu yamùk pokonpe.

Ephesians 3:11

Jesus Christ kùyepulu kon yai sàlà kupùppù màlà Katù uya, pena iwepyattà pe ikupù pàk tùwekkupùppù yawàlà.

Ephesians 3:13

Apawanattàyatàu uchi Iulà kesewankono'matàu wettalumattà pàk. Àpàkànsau'nokon iwechi nai'nùk. Eumeluntàtatok kon pe iwinà.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Ephesians 4:1

Eyekamappoyatàu uchi Iulà, Iulà yachichak nai'nùk masapùla Itepulu Jesus ponaloppe we'wotokoma pàk. Àkà'ma kon tùuya yau Katù nùkupùppù yawàlà we'nàtoppe, pàkàlà ayakkwalù kon yemakkwatàk kon.

Ephesians 6:20

Sàlà wotoko kuttoppe uya uyeunossak nai'nùk molopai màlà pàkànsau sàlà patikichi tau wechi. Àpùlematàk kon meluntà pe tùusenalippaik pùla uselupatoppe Wakù Itekale yekama uya yau.

Philippians 1:7

Tàwàlà uyewan pe tùwessan amyamlo! Màlàpàk ikasa iwechi màlà sàlà kasa usenumenka tamù'nawàlà àpàkù'nokon. Masapùla Katù uya ulepatok wakù pe we'nàtok pùkkù pe ewessak kon pàk. Sàlà pe patikichi tau wechi yau wapùla polopo Wakù Itekale wechi ailon pe yekama pàk wechi yau, iwenai wechi pe.

Colossians 1:24

Molopai sàlà pe utauchinpayaik wettalumattàsak àpàkànsau'nokon pàk. Sàlà yamùk wettalumattàtok yanùmù uya nai'nùk uyesak yau, Christ wettalumattà yenuka'nùpù pe sochi ponaloppe. Sochi mùkyamlo Christ pùkkù.

Colossians 4:18

Uyemyatù ke sàlà tùmenukayaik: Iulà Paul,“Wakù pe na' messatàu?” nùkayan. Patikichi tau uchi tàwà wechi mùttutàik. Wakù pe we'nàtok Katù winàpaino apyau'nokon nechii.

Colossians 4:3

Màlà yattai nàlà ina pona màpùlematàik ina pùikattàtoppe ya. Molopai ina lepatoppe ya Tekale yekamatok ina uya yattai ke, Christ winàpaino Wakù Itekale pena ittusak lùppù pen yekamatoppe ina uya. Màlà pàkànsau sàlà patikichi tau wechi nai'nùk.

2 Timothy 1:16

Tàwà Itepulu Jesus usentupantok yenpoikai Onesiphorus yùwùk tawon kon pàk, masapùla umeluntàpasak ya pàk echipalà. Iwekuli'mappù pen yachichak pe wechi pàk,

2 Timothy 1:8

Kekkuli'mai uchi, yekama pàk Kùyepulu Jesus ponaloppe; wapùla upàk kekkuli'mai yachisappe wechi iponaloppe wenai. Tùse làkku, ewettalumattàtok yanùnkà Wakù Itekale ponaloppe, Katù uya elepa meluntà ke kaichalà.

Philemon 1:1

Sàlà màlà Paul nùmenukappù Philemon yemyak. Paul, yachisak pe nai'nùk Jesus pàkànsau, Timothy winàpaino nàlà sàlà. Kaleta menukasak ina uya sàlà ina wechi yakon molopai ina we'wotokoma tonpa kulu Philemon yemyak.

Philemon 1:23

Epaphras patikichi tau nai'nùk upokon pe Christ Jesus pàkànsau, “Wakù pe na' messan?” nùkayan,

Philemon 1:9

Tùse làkku uchi'nùnmantok ukussan apawanattàtoppe uya. Sàlà tùkussaik amoko pe echi'ma Paul pe echii'ma, Christ Jesus ponaloppe tùuselupasen pe echii'ma molopai sàlà pe ipàkànsau yachichak pe echii'ma.

Revelation 2:10

“Yà'làlà ewettalumattàtok ike woton pàk kesenalippai! Masa yetakà! Makui uya eyittu màlà àtonpa yamùk tùlù tùuya patikichi tak winà 10 pe wei màlà ewettalumattà. Ailon pe mechiik, ewelikù ponalà, molopai wema'nàtok yalùko ke elepa uya màlà.