Ephesians 2:5 - Patamuna New Testament Revised

⁵ Weli'nàsak wechippù mayin yawàlà pùla we'nàtok yau tùse kùnepùppù ya màlà nulà we'nàtok yak Christ wuluuka tùuya winà. Katù wettok wakù pe winà mà ewepùikattàsak kon màlà tà.

Ephesians 2:5 ပူးပေါင်းရင်းမြစ်များ

Luke 15:24

Masapùla pùsàlà umu welichak wechippù màlà, tùse nen uchi sàlà pe pàli'yau man. Iitassak wechippù màlà tùse iwesseposak man!’ teppù ikàipùnù uya. Màlà yau nen uchi tok wessa'molùkappù màlà tùuta'lettà kon pàk.

John 5:21

Ikàipùnù uya iwelichak wuluuka molopai iwemattok ke tok lepa ya, kasa làma màlà Imu uya wema'nàtok ke mùkyamlo enlepapai tùwettok kon lepa.

John 6:63

Akkwalù mùkkàlà wema'nàtok ke lepanài, esak nen màlà yà'là pen. Uselupayai'nùk màlà Akkwalù molopai wema'nàtok ke lepanài.

Yeunossak kon Wotokoyi 15:11

Kane. Ailon tesak màlà molopai wepùikattànsak man wakù pe Itepulu Jesus wettok winà tok wepùikattàsak kasa,” teppù Peter uya tok pàk.

Romans 16:20

Molopai Katù, echitonpa pe we'nàtok yesak uya sàlà peiwa Settan yamokklopù màlà atta kon yo'no. Wakù pe we'nàtok kùyepulu Chisek winàpaino wechi apyau'nokon màlà.

Romans 3:24

Tùse lepantok wakù pe Katù wettok winà tok yanùnsak màlà ikasa Katù pokonpe Christ Jesus yai, mùkkàlà kùpùikattànài'nokon makui yapai.

Romans 4:16

Katù uya ikupù tùuya tetok wechi màlà ailon tetok yapon pe, Katù uya lepantok pe iwechi yentok ipàkàlà pe iwettoppe, tamù'nawolon kon Abraham payan yamùk ponaloppe, Law yawolon kon neken pen, tùse mùkyamlo nàlà ailon tawonnan Katù pàk, Abraham wechippù kasa. Masapùla Abraham mùkkàlà kùkàipùnù kon tamù'nawàlà, tamù'nawolon kon kappon yamùk yenupanài ailon pe we'nàtok pàk.

Romans 5:10

Masapùla Katù yeyaton pe we'nàppà'nokon màlà, tùse kùkusak kon ya màlà tùwechi yakon non pe Tùmu Jesus Christ welittok yai. Màlàpàk sàlà pe Katù wechi yakonnon pe we'nà'nokon pàk, eke peiwa kulu wepùikattàntoppe iwechi màlà Christ wemapù winà.

Romans 5:6

Masapùla attu'mùla ipùikattànài pùla we'nà'nokon yau, Christ welikùppù màlà àli ton ponaloppe, Katù nanùmùppù ikuttok tùuya yattai pe yattai.

Romans 5:8

Tùse Katù uya eke pe kulu kù'nùnmatok tùuya yekamappù màlà. Makui yau lùppù we'nà'nokon tùse Christ welikùppù màlà kùponalok kon pe.

Romans 8:2

Masapùla Wakù Akkwalù yeselu meluntàlù wema'nàtok ne'nài Christ Jesus ponalok kon piyak uya, upùikattàsak man makui yeselu molopai weli'nàtok winàpai.

2 Corinthians 13:14

Tàwà uchi Itepulu Jesus Christ wettok wakù pe, molopai Katù uya pùnùnmantok, molopai Wakù Akkwalù pokonpe echitonpa pe we'nàtok apyau'nokon nechii.

Ephesians 2:1

Pena ewelichak kon wechippù màlà, Katù Maimu yawàlà pùla ewettok kon molopai amakuyi kon pàkàlà.

Ephesians 2:8

Masapùla Katù wettok wakù pe winà ewepùikattàsak kon màlà ailon tetok auya'nokon yai. Eyiwalà'nokon ànkupùppù kon pen màlà tùse Katù uya lepantok.

Ephesians 5:14

Masapùla akkwa màlà tamù'nawolon yà'làlà weyuttànài yentoppe. Màlàpàk, “Apakakà tùwe'nùnsen, e'wuluukakà weli'nàtok yapai! Molopai Christ uya màlà eweyuttà ,” tesak màlà.

Colossians 2:13

Ewelichak kon wechippù màlà masapùla tùmakuyi ke ewechi kon pàk, molopai Katù ponalok kon pe pùla ewechi kon pàk. Tùse Katù uya pàli'yau amasak kon màlà Christ pokonpe! Katù usentupasak màlà tamù'nawolon kùmakuyi kon pàk.

Titus 2:11

Masapùla Katù uya wakù pe tùwettok yenpoikasak man tamù'nawolon kon kappon yamùk wepùikattàtok ponaloppe.

Titus 3:5

kùpùikattàppù kon ya màlà yà'làlà wakù wotoko kussak kùuya'nokon pàk pùla, tùse tùusentuppa pàk. Katù uya kùkolùkappù kon màlà Wakù Akkwalù yapàiketù winà. Emennak pe wentuntok ke lepa'nàppà Ya molopai emennak pe wema'nà piyattàtok ke nàlà.

Revelation 22:21

Tàwàichi wakù Itepulu Jesus winàpaino Katù ponalok kon piyau nechii! Emen