Ephesians 2:3 - Patamuna New Testament Revised

³ Tamù'nawolon kon kùmyamlo wechippù tok kasa màlà, àli pe usenumenkantok kon wettok iche kupùppù'nokon kùwakùli kon pe. Tùulon kon kasa, tamù'nawàlà kùmyamlo nàlà wechippù màlà Katù we'nàikatok yo'no.

Ephesians 2:3 ပူးပေါင်းရင်းမြစ်များ

Mark 4:19

tùse tùwemattok pàk neken tok utaimelunpa, temamin ke eppai, pùlayattappe, tamù'nawà sàlà non pon kon yeselu iche tok wettok wepilipù tok yewan yak uya, itekale yeulanka. Màlàpàk tok wepeta pùla iwechi.

John 1:13

Pùsamlo Katù munkà yamùk wentuppù màlà kappon ichan wapùla ikàipùnù pe pùla, kappon wettok iche kasa pùla wapùla kàyik wettok iche kasa pùla, tùse Katù yai. Katù mùkkàlà tok kàipùnù.

John 8:44

“Àkàipùnù kon Makui, ponalok kon amyamlo, molopai iche iwettok ku'nàinan. Iweppyattàppù motapai wànài pe iwessak màlà molopai kasei pe, masapùla ailon pùla iwechi màlà, yau. Kasei pe iichelupa yau iteselu màlà, masapùla kasei mùkkàlà molopai kasei kàipùnù.

Yeunossak kon Wotokoyi 14:16

Pena tamù'nawàlà kappon yamùk kupùppù ya tàwà teselu kon yau tok utàtoppe.

Romans 1:24

Màlàpàk Katù uya tok tùsak màlà àli ton tewan kon wettok ànkuppai kuttoppe tok uya. Molopai àli ton kuli'mannan ku'nài nan mùkyamlo tùke'nokon tùtonpa kon pokonpe.

Romans 11:30

Amyamlo Jew yamùk pen, pena Katù Maimu yawàlà pùla ewechippù kon. Tùse sàlà pe Katù usentuppatok yanùnsak auya'nokon man, masapùla Jew yamùk wessak Katù Maimu yawàlà pùla pàk.

Romans 13:14

Tùse Itepulu Jesus Christ ke epontàtàk kon, molopai àli ànkuppai ewettok kon yeselu pàk tùusenumenkaik molopai yawàlà kettàu.

Romans 2:14

Jew yamùk pen mùkyamlo Law pùnon, tùse tiyiwalà'nokon Law maimu yawolon kon, Law pùla lànen tùwechii'ma'nokon. Tùmàlà'nokon pe là Law kasa tok wechi.

Romans 5:10

Masapùla Katù yeyaton pe we'nàppà'nokon màlà, tùse kùkusak kon ya màlà tùwechi yakon non pe Tùmu Jesus Christ welittok yai. Màlàpàk sàlà pe Katù wechi yakonnon pe we'nà'nokon pàk, eke peiwa kulu wepùikattàntoppe iwechi màlà Christ wemapù winà.

Romans 5:9

Imùnù winà nen uchi sàlà, ikasa kùyanùnsak Katù pokonpe, màlà yentai palà wepùikattàn nokon màlà Christ winà Katù we'naikatok àsà pe winàpai.

Romans 6:12

Eyesak kon tùumattasen pe nai'nùk yepulu pe àli kùsettak. Àli eyeselu kon wettok makui ànkupai maimu yawàlà ewechi kon pa àpun kon yepulu pe kùsettak.

Romans 7:18

Tùttuyaik wakù wechi là uyau pùla sa'ne iwechi, kappon pe wechi yeselu pàk uselupa. Masapùla wakù ànkuppai we'nàtok wechi lànen uyau tùse, ikupù uya yeselùkek pùla.

Romans 9:22

Yattai pùla là Katù wechippù tùwe'naikatok molopai tùmeluntàlù enenpoikapai sàlà. Màlàyau mùkyamlo tùwe'naikatok ipàk ton pan kon pàlikappù ya, mùkyamlo tùntalumattà pan kon.

1 Corinthians 4:7

Masapùla ànùk ken tùpatalà, tùulon kon yentai ewechi kon pa àkuttantàu? Yà'là ken molo nai itesappe ewettok kon enepoloppù kon pen? Molopai yepolo tùpo yà'là pe iwechi pàk autapulà kon màlà yeponàippù pen kasa.

2 Corinthians 7:1

Sàlà yamùk Katù uya ikupù tùuya tetok wechi màlà kùponalok kon pe, utonpa yamùk! Màlàpàk uchi esuken wenanpai'nokon makui pùla, tamù'nawolon yà'làlà àli pe nai'nùk kupù yeleutanùpù winà, molopai yà'làlà kùyesak kon wapùla kùyakkwalù kon ku'nài àli pe nonkapai'nokon. Màlàpàk uchi tamù'nawàlà wettùn nokon sàlà Katù yemyak masapùla inama pàk.

Galatians 3:22

Tùse Katù Maimu uya tamù'nawolon kon kappon yamùk wechi màlà makui meluntàlù yo'no tesak màlà. Màlàpàk itùlù tùuya teppù Katù uya, itùsak lùppù ailon tetok Jesus Christ pàk winà tùlù màlà ailon tawonnan piyak.

Ephesians 2:2

Màlà yattai wolù yawon kon yeselu kupùpppù auya'nokon màlà, kawon kon yepulu, Àli maimu yawàlà ewechippù kon, Katù Maimu yawàlà pùla tùwessan yepulu mùkkàlà.

Ephesians 4:22

Apanamappù kon màlà penalok eyeselu kon nonka kon pa, ikasa pùla ewemapù kon pa àku'nàippù kon. Amattanù'nàippù lùppù enkuttànài ànkuppai we'nàtok kon winà.

Colossians 1:21

Pena mei ewechippù kon màlà Katù winàpai. Molopai iteyaton pe ewechippù kon àli pe eusenumenkatok kon winà.

1 Thessalonians 4:13

Ina tonpa yamùk, iwelichak kon yekale, ailon kulu, ittu sa' auya'nokon iche kulu ina man, eusewankono'ma kon tukaik, mùkyamlo enpen iwettok ipàk pùnon kasa là.

1 Thessalonians 5:6

Màlàpàk uchi we'nùnnà'nokon kùsettak tùulon kon kasa, tùupakaik, nulà we'nà nechiik molopai tùttuik.

1 Timothy 6:9

Tùse mùkyamlo tukke mamin ichelok kon wena màlà tùttutok kon yak molopai tùpplantok kon yak molopai suwalai là àsà là ànkuppai we'nàtok, uya màlà kappon yamùk pàlàka mattantok kulu yak.

Titus 3:3

Masapùla kùmyamlo nàlà wechippù pakko pe, mayin yawolon pe pùla, ennakan yapyoto pe we'nàppà'nokon màlà yà'làlà yau yauchin pe. Esseyaton pàk wema'nàppà'nokon màlà molopai kùlùmàlunàtok yau; tùulon kon kùyeya'nomatantàu molopai tok yeya'nomappù màlà.

1 Peter 1:14

Mule yamùk mayin yawolon kon kasa ettàk kon, molopai kennappotàu pena ewechippù kon yak ittu auya'nokon pùla ewechi kon yau ànkuppù kon lùppù yak.

2 Peter 2:14

Tok yenu uya ulichan yene àli ànkuppai tùwesse pùla pen màlà. Àli ànkuppai tok wettok màlà tùweleutasen pen. Attu'mùnon kappon yamùk yamùipannan mùkyamlo àli kuttok yak. Tewan kon yenupasak tok uya màlà tùuseka'nonkasen pe yà'làlà iche tùwettok kon pe. Katù uya pa'nù'nàtok yo'no tok wechi màlà!

2 Peter 2:18

Ittu tùuya'nokon kasa kulu tùuselupasan mùkyamlo tùutapulà kon pe, molopai ikasa pùla tùwemassan winàpai iwemokkasak kon emennak pe, yamùipannan mùkyamlo yà'làlà akùlù teselu kon kupù tùuya'nokon yai.

1 John 2:16

Masapùla tamù'nawolon wolù yau tùwessan àli ànkuppai kappon wettok, inene molopai yà'làlà iche iwettok. Molopai tamù'nawolon sàlà wolù yau nai'nùk yà'làlà iche we'nàtok, itekkwa pe tukaik wekku'nàtok, wechi màlà Kùkàipùnù kon winàpaino pe pùla, wolù yapaino pe.

1 John 2:8

Walà tùse sàlà emennak suwa ekkà tetok tùmenukayai'nùk apyakù'nokon, molopai ailon pe iwettok usene màlà Christ yau molopai ayau'nokon nàlà. Masapùla ewalupà nùtàyan, molopai ailon kulu Akkwa ulenpansak man.