Ephesians 2:20 - Patamuna New Testament Revised

²⁰ Amyamlo nàlà yamùsak màlà yeunossak kon molopai Katù Maimu yenpoikannannùssan nùnonkappù po, Christ Jesus ipana'mu yawon iwakapuli pe.

Ephesians 2:20 ပူးပေါင်းရင်းမြစ်များ

Matthew 16:18

Màlàpàk eyesettà uya sàlà Peter pe, tàk pe. Molopai sàlà tàk po usochiyi yamù uya màlà. Weli'nàtok là uya yentaika pen màlà.

Matthew 21:42

Jesus uya tok pàk, “Katù Maimu yau ken na' sàlà yensak auya'nokon pùla nai? ‘Tàk tapùi yamùnnan nùnulunpappù tapulàsen yek pen wenappù man iche kulu we'nàtok pe. Sàlà wekkupùppù màlà Itepulu winà. Wakù pe kulu man!’ tawon,” teppù.

1 Corinthians 12:28

Molopai sochi tau màlà, Katù uya tamù'nawolon kon wotokoyittàsak, wapiya kulu, yeunossak kon, yakon pe, Katù Maimu yenpoikannan, icholùwano pe, enupannan, molopai nen uchi mùkyamlo tensan pen ku'nài nan. Ite'mappù pàk, ipittàntok yamùk meluntàlù ke, tùulon kon pùikattànnan pe, tùulon kon ennàinan pe we'nàtok ke molopai tùulon mayin yau uselupantok ke.

Galatians 2:9

James, Peter molopai John tawonnan eke ton itepulu pe tùwessan nùttutai, Katù uya sàlà wotoko ke ulepasak. Màlàpàk ina yemyatù yachitai tok, Barnabas molopai Iulà tawonnan. Echitonpa pe tamùkke tùwe'wotokomatokkonpe, Jew yamùk pen kùlottak ina utàtoppe, molopai mùkyamlo Jew yamùk kùlottak.

Ephesians 3:5

Pena kappon yamùk pàk sàlà tùttusen pen yekamappù pen màlà, tùse Katù uya yenpoikasak man sàlà pe Wakù Akkwalù winà wakù ton esukenan kon tùneunokossan molopai tùmaimu yenpoikannannùssan pàk.

Colossians 2:7

I'nak akalatatàk kon Christ yak. Ewemattok kon yapon pe nechii. Molopai meluntà pe lùiwa ewena kon pa ailon tetok auya'nokon yau, eyenupappù kon kasa. Molopai tenki tetok auya'nokon ke anùttàk kon.

1 Peter 2:6

Masapùla Katù Maimu yau: “Epekkek tàk, yanùnsak uya man, màlà tùtù yai'nùk ipana'mu yawon wakapu pe pata Zion yau; molopai ànù'là ailon tawon ipàk usenkuttà pen màlà,”tawon. {Isa 28.16}

Revelation 21:14

Pata we'na kassak wechippù 12 pan tàk yamùk po, ipàk màlà 12 pan kon Kalinilu Mule neunokossan yesek menukasak wechippù.