Ephesians 2:16 - Patamuna New Testament Revised

¹⁶ Tùwelikù pulusuk po winà Christ uya esseyaton pàk we'nàtok yeleutanùpùppù màlà. Tùwelikù pulusuk po winà nàlà asa'lon kon tùpatalo'nan kon kappon yamùk kupùppù ya tewin molopai tok mùnappoppù ya Katù piyak.

Ephesians 2:16 ပူးပေါင်းရင်းမြစ်များ

Romans 5:10

Masapùla Katù yeyaton pe we'nàppà'nokon màlà, tùse kùkusak kon ya màlà tùwechi yakon non pe Tùmu Jesus Christ welittok yai. Màlàpàk sàlà pe Katù wechi yakonnon pe we'nà'nokon pàk, eke peiwa kulu wepùikattàntoppe iwechi màlà Christ wemapù winà.

Romans 6:6

Masapùla sàlà ittu'nokon man, penalok àli ton kùyeselu kon tùlùppù inmattatoppe Christ pokonpe pulusuk po, àli eselu wannà meluntàlùkkatoppe, makui yapyoto pe we'nà'nokon tukaik.

Romans 8:3

Law nùkupù yentaino kupùppù Katù uya masapùla Law wechi attu'mùla pàk kappon yeselu wechi attu'mùla pàk, ikupùppù ya màlà tùmu yeunoko tùuya winà, iyàssak lùppù kappon pe àli pàkànsau tùtùsen pe.Màlàpàk makui yattu'mùnkappù ya kappon pe tùwechi ke.

Romans 8:7

Màlàpàk àli usenumenkantok wechi Katù yeyaton pe màlà. Masapùla Katù winàpaino Law yawàlà pùla iwechi pàk, molopai imaimu yawàlà iwechi yentai iwechi màlà.

1 Corinthians 10:17

Masapùla tewin pùlomù pusak wechi pàk, kùmyamlo tukkan kon wechi màlà tewin. Masapùla tewinan pùlomù pusak napù'nokon nai'nùk tamùkke.

Galatians 2:20

Upukapàtùppù màlà Christ pokonpe nulà wechi tukaik, tùse Christ nemassan uyau. Sàlà esak yau wema'nàtok yau wemassaik ailon tetok uya Katù Mumu pàk yau, mùkkàlà u'nùnmanàippù molopai iwettùsak lùppù uponaloppe.

Ephesians 2:15

Law, Moses winàpaino yeleutanùpùppù ya, inenupa molopai sà ikukkà tetok ya pokonpe, tùpatalon kon kappon yamùk konekappù ya tùmàlà tùyau tewin tok wettoppe, echitonpa pe.

Ephesians 3:6

Sàlàichi màlà tùttusen pen: Wakù Itekale winà Jew yamùk pen wechi màlà Jew yamùk pùkkù pe Katù uya pùlemantok yau. Tewin ipun tok wechi màlà molopai Katù uya itùlù tùuya teppù lùppù pùkkù pe tok wettoppe màlà ikussak Christ Jesus yau.

Ephesians 4:4

Tewinan màlà esak molopai tewinan Akkwalù, tewinan enpen we'nàtok Katù uya àkà'mappù kon yak walai.

Colossians 2:14

Imenukasak lùppù winàkàik wannà “Ikasa pùla messaik”tawon, mokkappù ya màlà, molopai imattanùpùppù ya tamù'nawàlà kulu ipukapàtù tùuya pulusuk pona winà.

Colossians 3:15

Tàwà echitonpa pe we'nàtok Christ nùtùlù eyewan kon yesappe nechii. Masapùla sàlà echitonpa pe we'nàtok yak Katù uya àkà'masak kon màlà tamùkke tewin itesak. Molopai tenki tawon pe ettàk kon.