Ephesians 2:13 - Patamuna New Testament Revised

¹³ Tùse sàlà pe, Christ tonpa pe ewechi kon màlà, amyamlo mei iwessak kon nùssan nessak man mei pùla Christ Jesus mùnù winà.

Ephesians 2:13 ပူးပေါင်းရင်းမြစ်များ

John 10:16

Molo tùulon kon kalinilu yamùk uponalok kon man sàlà kulala tau pùla. Mùkyamlo nàlà nepù uya màlà, tok uya umaimu yeta màlà, molopai tewin ipata tok wechi molopai tewin itesak.

Yeunossak kon Wotokoyi 15:14

Simon nekamapàssan Katù uyàpùppù wapiya Jew yamùk pen piyak, tok kùlottapai kappon yamùk mokka tùuya tùponalok pe winà.

Yeunossak kon Wotokoyi 2:39

“Masapùla Katù uya sàlà kupù uya màlà tetok tùuya yekamappù, àpàkù'nokon molopai àmunkà kon yamùk pàk, molopai tamù'nawolon kon mei nai'nan nùk pàk, tamù'nawàlà amyamlo Itepulu Kù Katùyi kon nùkà'maton tùpyak,”

Yeunossak kon Wotokoyi 22:21

‘Itàkà, eyeunoko uya sàlà mei Jew yamùk pen kùlottak,’ teppù ya upàk.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Romans 8:1

Màlàyau sàlà pe nen uchi mùkyamlo Christ Jesus ponaloppe tùwemassan talumattàtok ike pùla iwechi màlà.

1 Corinthians 1:30

Tùse Katù uya enessak kon man Christ Jesus ponaloppe we'nàtok yak, molopai Katù uya Christ kussak man ittutok kùuya'nokon pe. Mùkkàlà Christ winà Katù pokonpe ikasa kùtùlù kon màlà, esuken molopai kùpùikattà kon àli kuttok winàpai.

1 Corinthians 12:13

Masapùla tamù'nawàlà usenpatauka'nàppà' nokon màlà tewinan Akkwalù yau tewin itesak we'nàtok kon pe, Jew yamùk molopai Jew yamùk pen, tepulu kenan kon molopai tepulu kenan kon pen tukaik, molopai tewinan Akkwalù ke lepa'nàppà' nokon màlà inchitoppe.

1 Corinthians 6:11

Molopai tùulon kon amyamlo wechippù màlà wa. Tùse àkukasak kon màlà, àtùsak kon màlà Katù yemyak. Ikasa ayanùnsak kon màlà Katù pokonpe Kùyepulu kon Jesus Christ yesek yai molopai kùkatùyi winàpaino Wakù Akkwalù winà.

2 Corinthians 5:17

Ànù'là wechi Christ ponaloppe yau emennappe iwechi màlà, tamù'nawàlà penalok utàppù màlà, emennak uyàssak màlà.

Galatians 3:28

Màlàpàk tùpatalà we'nàtok pùla iwechi màlà Jew yamùk molopai Jew yamùk pen kùlottau, apyoto ton molopai apyoto ton pen kùlottau, kàyik yamùk molopai nossan yamùk kùlottau, tamù'nawàlà tewin ewechi kon màlà Christ Jesus yau.

Ephesians 1:1

Sàlà kaleta màlà Paul, Katù wettok iche yawàlà Christ Jesus neunokoppù winàpaino, Katù ponalok kon Ephesus po tùwemassan piyak, mùkyamlo ailon ton tùwemattok kon Christ Jesus yau piyak inmenukappù:

Ephesians 1:7

Masapùla Christ mùnù yai wepùikattànsak nokon màlà, kùmakuyi kon pàk usentupansak. Eke kulu màlà wakù pe we'nàtok Katù winàpaino,

Ephesians 2:10

Katù mà mùkkàlà kùkonekanàippù kon tà. Molopai Christ Jesus yau emennak pe we'nàtoppe kùkonekappù kon ya màlà, wakù kùnkupù kon woton pe inkupùppù pena, kuttokkonpe wema'nà yawà.

Ephesians 2:12

Màlà yattai mei Christ pàk ewechippù kon màlà. Toto yamùk pe, Israel yamùk tonpa pe pùla. Itùlù tùuya teppù Katù uya lùppù tùponalok kon pàk pùkkù pe ewechippù kon pen. Sàlà non po ewemapùppù kon enpen we'nàtok pùla, molopai Katù pùla.

Ephesians 2:2

Màlà yattai wolù yawon kon yeselu kupùpppù auya'nokon màlà, kawon kon yepulu, Àli maimu yawàlà ewechippù kon, Katù Maimu yawàlà pùla tùwessan yepulu mùkkàlà.

Ephesians 2:6

Molopai Christ Jesus yau kùwuluukasak kon Katù uya màlà Itepulu pe iwettok pùkkù pe we'nàtokkonpe chichiu pe ipyau epùn po.

Hebrews 9:18

Màlàpàk uchi wapiyalok ikupù pàk Katù wekkutok tùmàlà molopai kappon yamùk yakkletau wechippù màlà mùn yapulàtok iwinà pe neken.

1 Peter 3:18

Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;

Revelation 5:9

Tok uselenpappù emennak elen pàk: “Wakù pe messaik sàlà kaleta yekkwa'nài yeppe, molopai yachittok yamùk ikkwà'nài pe. Masapùla àwànàppù màlà, molopai àmùnù winà kappon yamùk ye'mappù auya man Katù ponaloppe, tamù'nawolon kon kappon yamùk kùlottapai, tùpatalo'nan kon imaimu, tùpatalo'nan kon ikkok, molopai tùpatalo'nan kon kappon yamùk.