Ephesians 2:12 - Patamuna New Testament Revised

¹² Màlà yattai mei Christ pàk ewechippù kon màlà. Toto yamùk pe, Israel yamùk tonpa pe pùla. Itùlù tùuya teppù Katù uya lùppù tùponalok kon pàk pùkkù pe ewechippù kon pen. Sàlà non po ewemapùppù kon enpen we'nàtok pùla, molopai Katù pùla.

Ephesians 2:12 ပူးပေါင်းရင်းမြစ်များ

Luke 1:72

Tùusentuppatok yenpoikase kùtamo kon pàk, molopai emennak “Ikupù uya màlà” teppù ya ittuse.

John 10:16

Molo tùulon kon kalinilu yamùk uponalok kon man sàlà kulala tau pùla. Mùkyamlo nàlà nepù uya màlà, tok uya umaimu yeta màlà, molopai tewin ipata tok wechi molopai tewin itesak.

John 15:5

“Iulà mùkkàlà chi'nak, amyamlo mùkyamlo ipanta yamùk. Ànù'là uyau nemasai'nùk molopai yau nàlà wemasai'nùk mùkkàlà wepeta màlà tukke, masapùla Iulà pùla echii'ma yà'làlà kupù auya'nokon pen.

John 4:22

Amyamlo Samaria kok yamùk mùkyamlo inama pe anapulà kon ittunnan pen, tùse inama pe tùnapulà kon ittunnan ina, masapùla wepùikattàntok uyàssak màlà Jew yamùk winàpai.

Yeunossak kon Wotokoyi 2:39

“Masapùla Katù uya sàlà kupù uya màlà tetok tùuya yekamappù, àpàkù'nokon molopai àmunkà kon yamùk pàk, molopai tamù'nawolon kon mei nai'nan nùk pàk, tamù'nawàlà amyamlo Itepulu Kù Katùyi kon nùkà'maton tùpyak,”

Yeunossak kon Wotokoyi 28:20

Màlàpàk eyentok kon pe uya eyekamapposak kon uya màlà molopai uselupa toppe àpokonpe'nokon. Masapùla enpen Israel yamùk wettok pàkànsau sàlà uyaulonsak chin ke,” teppù ya.

Yeunossak kon Wotokoyi 3:25

‘Àponalok kon màlà tùmaimu yenpoikannan yai, ikupù uya màlà teppù lùppù Katù uya atamo kon yamùk pàk. Sàlà yamùk màlà àponalok kon nàlà tok munkà pe ewechi kon pàk. Abraham pàk, ‘Apayan yamùk yai tamù'nawolon kon kappon yamùk non pon kon pùlema uya màlà,’ teppù tùuya kasa.

Romans 9:8

Sàlà uya mà màlà Abraham munkà pe là iwentusappe tùwechi kon pàk Katù ponaloppe tok wechi yekama pen tà. Tùse mule yamùk iwentusak kon Katù uya ikupù tùuya teppù lùppù yo'no, mùkyamlo tanùnsan Abraham payan pe kulu.

Galatians 4:8

Pena Katù ittu auya'nokon pùla ewechi kon yau, katù yamùk iwalai non pen yappyoto pe ewechippù kon màlà.

Ephesians 2:19

Màlàpàk uchi amyamlo wechi toto yamùk pe pùla nen uchi màlà meyon kon pe pùla. Tùse Katù ponalok kon tonpa pe nen uchi ewechi kon molopai Katù munkà yamùk tonpa pe ewechi kon.

Ephesians 4:18

molopai ichenumenkatok ewalupàttau nai'nùk. Katù nùtùlù wema'nàtok pùkkù pe pùla tok wechi màlà, masapùla ittunài pe pùla tok wechi pàk molopai sa'man pe tok yewan wechi.

Colossians 1:21

Pena mei ewechippù kon màlà Katù winàpai. Molopai iteyaton pe ewechippù kon àli pe eusenumenkatok kon winà.

Colossians 1:27

Katù uya sàlà kupùppù màlà masapùla Jew yamùk pen uya sàlà wakù kulu molopai tùttusen pen ittu iche tùwechi pàk. Molopai màlà tùttusen pen màlà Christ wemapù ayau'nokon molopai mùkkàlà, mùkkàlà enpen ewettok kon Katù yapulàtok pùkkù pe ewechi kon pàk.

Colossians 1:5

Ailon itekale, Wakù Itekale uyàssak apyakù'nokon wapiya kulu yau, enpen we'nàtok inekama metatantàu. Màlàpàk ailon tetok auya'nokon molopai pùnùnmantok auya'nokon nùsenpoika yai'nùk enpen ewettok kon pokon. Màlà àponalok kon pe ikupù nai'nùk epùn po. Wakù Itekale wakù pùlemantok Katù winàpaino nessan molopai miyaiwa nùtàyan tamù'nawàlà pata yawà àkklotau'nokon pena iwechippù kasa. Katù wettok wakù pe yetappù auya'nokon motapai molopai ituppù auya'nokon iwessek kasa kulu kasa.

1 Thessalonians 4:13

Ina tonpa yamùk, iwelichak kon yekale, ailon kulu, ittu sa' auya'nokon iche kulu ina man, eusewankono'ma kon tukaik, mùkyamlo enpen iwettok ipàk pùnon kasa là.

1 Thessalonians 4:5

Iche ewettok yappyato pe kechii wapùla kemapùi, Katù ittunài nan pen yeselu kasa là iteselu kettàu.

2 Thessalonians 2:16

Tàwà Kùyepulu kon Jesus Christ tùmàlà pe, molopai Katù Kùkàipùnù kon, kù'nùnmanàippù'nokon molopai wakù pe tùwettok yau kùlepanàippù'nokon tàwàlàlà meluntà ke molopai wakù enpen we'nàtok ke,

1 Timothy 1:1

Sàlà màlà kaleta Paul winàpaino. Katù Kùpùikattànài molopai Christ Jesus napyontàppù Iulà, Christ Jesus enpen we'nàtok ke lepanài neunoko pe.

Hebrews 11:34

Àsà apok yà'nùppàtùppù tok uya màlà, molopai tok wepeppù kasupala walai ke tùwànà kon winàpai. Attu'mùla tok wechippù tùse meluntà pe tok wenappù. Meluntà pe nàlà tok wechippù màlà wepanta'mantok yau, molopai kaklan yamùk tùpanta'manài'nokon yentaikappù tok uya.

Hebrews 6:18

Màlàpàk sàlà yamùk asa'lon molo man, tùwemyakanmasan pen, Katù ukaseitatok ipàk pen. Wapiyalok ikupù tùuya tetok ya Abraham pàk molopai yakon pe meluntà pe wa teppù ya. Màlàpàk uchi kùmyamlo iwepesak kon pe nai'nannùk Katù piyak, epùikattàse umeluntàtasak man, utachinsak nokon enpen we'nàtok kùyemloto kon pona itùsak nai'nùk pàk.

Hebrews 8:6

Tùse Jesus wotokoyi wechi màlà non pon kon Eke paatele yamùk wotokoyi yentai. Màlà kasa emennak wakù ikupù tùuya teppù Katù uya yenpoikanài pe iwechi màlà ipoippà yentai. Katù molopai kappon yamùk yakkletau Jesus wechi màlà.

1 Peter 1:21

Mùkkàlà yai ailon tawonnan amyamlo Katù pàk, iwuluukanàippù weli'nàtok yapai, molopai ilepanàippù apulàntok ke; màlàpàk ailon tetok auya'nokon molopai enpen ewettok kon wettoppe Katù pàk.

1 Peter 1:3

Katù yapulàpai'nokon man Kùyepulu Jesus Christ Kàipùnù! Eke pe tùusentupatok yawàlà, kùlepappù kon ya wentutukkantoppe Jesus Christ wuluuka tùuya winà. Sàlà uya kùlepa kon màlà wema'nàtok pàk eke pe enpen we'nàtok ke.

1 Peter 3:15

Tùse Christ namatok auya'nokon yesappe ettàk kon eyewan kon yau molopai Eyepulu kon pe ikuttàk. Tùwekonekaik ettàk i'nai yattai là enpen we'nàtok ayau'nokon nai'nùk wenai ewettok kon yekama kon pa eyekamappo kon ànù'là uya yau.

1 John 3:3

Tamù'nawolon kon sàlà màmu'nàinan Christ yau tùwekkussan esuken, Christ wechi esuken kasa.