Ephesians 2:11 - Patamuna New Testament Revised

¹¹ Amyamlo Jew yamùk pen ewentutok kon winà, Jew yamùk yattàtok yawà yattàsak kon pen tukaik Jew yamùk nesatù ton. Mùkyamlo Jew yattàtok yawà yattàsak kon tukaik tùusesassan. (màlà esak pàk tùkussen kappon yamùk yemyatù ke.) Yà'là kasaichi ewechippù kon wapiya ittutàk kon.

Ephesians 2:11 ပူးပေါင်းရင်းမြစ်များ

Matthew 20:7

‘Ànù'là uya ina yekamapposak ina we'wotokomatoppe pùla iwechi pàk,’ tukaik tok uya yeikuppù. ‘Itàtàk kon nàlà e'wotokomase u'mà yak,’ teppù ya tok pàk.

Romans 11:17

Imainanpasak olive panta yamùk tonpa wekkwàtùppù man, molopai imainanpasak pen panta ki'masak man ipatappù yak. Amyamlo Jew yamùk pen wechi màlà imainanpasak pen olive yek kasa. Molopai nen uchi Jew yamùk meluntàlù molopai wakù wema'nàtok pùkkù pe ewechi kon màlà.

Romans 2:26

Tùulon kon Jew yamùk pen, Law yeselu ittunnan pen wechi imaimu yawàlà yau, Katù uya ken na' wakù pe Jew kasa lùppù ekkaichalà tok yene pen tok yattàtok yeselu yawàlà tok yattàsak pùla lànen tùse?

Romans 2:27

Mùkkàlà yattàsak pe pùla nai'nùk walà tùse law maimu yawàlà nai'nùk uya “Àli pe messaik ”te màlà àpàk. Ayattàsak lànen molopai Law yesappe lànen ewechi tùse imaimu yawàlà pùla ewechi pàk.

1 Corinthians 12:2

Mùttuyatàik Katù ittunnan pe pùla ewechi kon yau, ailon pen, tùuselupasan pen katù yamùk winàkàik autatùppù kon.

1 Corinthians 6:11

Molopai tùulon kon amyamlo wechippù màlà wa. Tùse àkukasak kon màlà, àtùsak kon màlà Katù yemyak. Ikasa ayanùnsak kon màlà Katù pokonpe Kùyepulu kon Jesus Christ yesek yai molopai kùkatùyi winàpaino Wakù Akkwalù winà.

Galatians 2:15

Kùmyamlo Jew yamùk wentu'nàppà winà, makui yawon kon Jew yamùk pen kùlottapaino kon pen.

Galatians 6:12

Mùkyamlo teselu kon polopon yentoppe enenpoikapainai'nannùk wechi màlà Jew yamùk yattàtok yeselu yawàlà ayattàtok kon pe eyeka'nonkaiche'nokon. Sàlà kupù tok uya màlà Christ pulusukù pàkànsau tùttalumattà kon tukaik.

Ephesians 2:2

Màlà yattai wolù yawon kon yeselu kupùpppù auya'nokon màlà, kawon kon yepulu, Àli maimu yawàlà ewechippù kon, Katù Maimu yawàlà pùla tùwessan yepulu mùkkàlà.

Ephesians 5:8

Amyamlo wechippù ewalupàttau màlà, tùse Itepulu Katù ponalok kon kappon yamùk pe ewenasak kon pàk akkwa yau ewechi kon màlà. Màlàpàk uchi emattàk kon kappon yamùk akkwa yau tùwemassan kasa.

Philippians 3:3

Masapùla kùmyamlo mùkyamlo ipùkkù yattàsak kon kulu, Katù ponaloppe we'nà yekamanài pe Yakkwalù winà yapulàn nan molopai tùutauchinpasan Christ Jesus yau. Molopai kùyiwalà'nokon tùutapulàsan pen kùmyamlo kùnkupùppù kon pàk, molopai kappon yeselu pàk.

Colossians 1:21

Pena mei ewechippù kon màlà Katù winàpai. Molopai iteyaton pe ewechippù kon àli pe eusenumenkatok kon winà.

Colossians 2:11

Christ ponaloppe ewechi kon yekama auya'nokon màlà ailon te auya'nokon ipàk winà. Eyesak kon yattà Ichu yamùk usattàtok yawàlà pùla. Tùse Christ uya attàntok winàpaino yentok ipàkàlà winà màlà àpùikattàsak kon àli ànkuppai àku'nài meluntàlù winàpai.

Colossians 2:13

Ewelichak kon wechippù màlà masapùla tùmakuyi ke ewechi kon pàk, molopai Katù ponalok kon pe pùla ewechi kon pàk. Tùse Katù uya pàli'yau amasak kon màlà Christ pokonpe! Katù usentupasak màlà tamù'nawolon kùmakuyi kon pàk.

Colossians 3:11

Màlàpàk, tùpatalà'ne we'nàtok Jew yamùk pen molopai Jew yamùk kùlottau pùla iwechi màlà, mùkyamlo Jew yattàtok yesak molopai ipùnon kùlottau, kaklan yamùk molopai àsà ton kappon yamùk kùlottau, apyoto ton molopai apyoto ton pen kùlottau. Tùse Christ mùkkàlà tamù'nawolon. Molopai Christ mùkkàlà tamù'nawolon yawon.