Ephesians 1:8 - Patamuna New Testament Revised

^8-9 Lepansak kon ya nai'nùk ike eke pe kulu! Tamù'nawalon tùpukketù molopai ittutok iche tùwettok yawà, Katù uya ikupù pàk tùwekkupùppù kupùppù, molopai ànù'là nùttu pe pùla tùusenumenkatok yekamappù, tùnkupù yenuka'nùpù pàk man Christ yai.

Ephesians 1:8 ပူးပေါင်းရင်းမြစ်များ

Matthew 11:19

Kàyik Mumu uyàpùppù, molopai iita'lettàppù molopai tinchisen inchippù ya, màlàyau tamù'nawolon kon uya, ‘Eke pe tùuta'lettàsen mùkkàlà molopai tùwetùnsen, pùlayatta pili'nàinan molopai àli ku'nàinan wechi yakon,’ teppù. Pukkeppe we'nàtok màlà tùusensen ailon pe inkupù winà,” teppù Jesus uya.

Romans 11:33

Tukkan kulu màlà Katù yemamin! Apàikeppe iwettok molopai pukeppe iwettok màlà eke kulu! Ànùk wechi ken ichenumenkatok ittuiche? Ànùk uya ken ite'mappù ye'mappùkapàtù?

Romans 5:15

Tùse lepantok wechi màlà Adam wemakuimatok kasa pùla. Masapùla tewinan kappon wemakuimasak winà tukkan kon welichak yau, màlà yentai palà Katù wettok wakù pe molopai lepantok ya wechi màlà tewinan kappon, Jesus Christ yai. Màlà tùuyàssen tukkan kon pona!

1 Corinthians 2:7

Tùse ina uselupa nai'nùk Katù pukketù tùttusen pen pàk, pukkek tonantau iwessak lùppù. Katù uya tonanse ikupùppù. Sàlà kupùppù ya màlà pata wepyattà wapiya, yapulàtok kon pe.

Ephesians 1:11

Katù mùkkàlà ikupù tùuya teppù tùuya ku'nài màlàpàk Christ yappyontàppù ya màlà ina yanùntoppe ya.

Ephesians 1:7

Masapùla Christ mùnù yai wepùikattànsak nokon màlà, kùmakuyi kon pàk usentupansak. Eke kulu màlà wakù pe we'nàtok Katù winàpaino,

Ephesians 3:10

sàlà pe, sochi tawon kon yai, Katù pukketù tùpatalo'nan yekamattoppe inchelù yamùk pàk itepulu ton molopai apàikketton epùn yawolon kon pàk.

Colossians 2:3

Tamù'nawàlà wakù ton Katù ittutok molopai ipukketù tùttusen pe pùla inkupù wechi màlà Mùkkàlà yau.

Jude 1:25

Tewinan Katù Kùpùikattànài'nokon Jesus Christ Kùyepulu kon yai piyau apulàntok nechii. Inamatok nechii. Itepulu pe we'nàtok meluntàlù nechii. Molopai apàikkek nechii, sàlà pe molopai tàwàlàlà molopai tàwàlàlà! Emen.

Revelation 5:12

Tok uselenpappù eke pe: “Mùkkàlà Kalinilu Mule iwàsak lùppù wakù pe man apàikkek, mamin, pukkeppe we'nàtok, meluntà yanùnnài yeppe man. Apulàntok molopai namantok yanùnnài yeppe nàlà!” tukaik.