Ephesians 1:5 - Patamuna New Testament Revised

⁵ Katù wekkussak wechippù màlà Jesus Christ yai kùnepù kon tùuya tùpyak pàk tùmunkà yamùk pe. Sàlà wechippù màlà ittauchinpatoppe molopai iche iwettoppe.

Ephesians 1:5 ပူးပေါင်းရင်းမြစ်များ

Matthew 1:25

Tùse ipàk iwechippù pen màlà, walawok tùmule ke iwentu wapiya. Molopai Joseph uya yesettàppù Jesus pe.

Matthew 11:26

Ewaik, Ukàipùnù, sàlà kasa ayauchinpanài pe iwekkupù iche ewechippù lùppù sàlà.

Luke 10:21

Màlà yattai Jesus wanùssak utauchinpatok ke Wakù Akkwalù winà uya, “Ayapulàyan Iulà Ukàipùnù, epùn molopai non Yepulu. Masapùla pukkek ton molopai ichenupasak kon winàpai ànonamùppù yenpoikasak auya ichenupasak kon pen yemyak pàk. Ewaik, Ukàipùnù, sàlà wekkussak màlà iche ewettok kasa molopai ayauchinpanài pe,” teppù ya.

Luke 11:32

Ittuntok Weyu yattai Nineveh pon kon wà'mùssakka màlà molopai àli pe tok usàulàma màlà àpàkù'nokon, masapùla tùwelattàsak kon tùmakuyi kon winàpai pàk Jonah uya itekale yekama tetase. Jonah yentaino talà man ukayaik àpàkù'nokon!” teppù Jesus uya.

Luke 12:32

“Kesenalippatàu uchi umunkà yamùk lùkkwà! Masapùla Katù Akàipùnù kon utauchinpasak man elepa kon pàk itepulu pe tùwettok ke.

John 1:12

Tùse tamù'nawolon kon kappon yamùk tanùnnài nan nùssan, molopai tesek pàk ailon tawonnan nùssan lepappù ya apàikkek ke Katù munkà yamùk pe tok wenatoppe.

John 11:52

tùse mùkyamlo ponaloppe neken pùla, tùse mùkyamlo nàlà iwetta'nùssak kon Katù munkà yamùk ponaloppe, tok nesse tamùkke tewin tok wettoppe.

John 20:17

Jesus uya ipàk, “Kùyachii, masapùla Ukàipùnù piyak utàppù pùla lùppù man, tùse itàkà, utonpa yamùk pàk yekamata, ‘Utà sàlà Ukàipùnù piyak molopai Àkàipùnù kon piyak, molopai Ukatùyi molopai Akatùyi kon piyak!’ ” teppù.

Yeunossak kon Wotokoyi 13:48

Yetasak tùuya'nokon yau, Jew yamùk pen utauchinpappù màlà molopai Itepulu maimu yapulàppù tok uya; mùkyamlo tàwàlàlà wema'nàtok ponaloppe yanùnsak kon wenappù màlà ailon tawonnan pe.

Romans 8:23

Tùse ikonekasak neken pen, kùmyamlo nàlà Wakù Akkwalù yesappe nai'nannùk wapiya kulu Katù uya lepantok yesappe nai'nannùk, kùmyamlo nàlà na'nùnyan molopai nùseka'nonkayan kù'nau'nokon Katù uya tùponalok kon pe kùyesatù kon màmuku nai'nùk pàk. Molopai tamù'nawàlà kùmokka kon ya kùyesak kon ukàtatok winàpai màmuku pàk .

1 Corinthians 1:1

Sàlà kaleta màlà Paul, Katù yeselu winà ikà'masak lùppù Christ Jesus ponaloppe yeunossak winàpaino molopai kùtonpa kon Sosthenes winàpaino.

1 Corinthians 1:21

Masapùla Katù uya tùpukketù yai kappon yamùk kupùppù wolù pukketù yau tùttutok tok uya pùla. Tùse làkku Katù wekkupùppù “Mùkyamlo ailon tawonnan ‘wo'mattantok’ itekale pàk pùikattà uya màlà,” tukaik.

2 Corinthians 6:18

“Àkàipùnù kon pe wechi màlà, molopai umu yamùk pe molopai uyenchi ton pe ewechi kon, te Itepulu Katù Mùkkàlà neken Meluntà uya màlà.” {Sam 7.14; 2 Sam 7.8}

Galatians 3:26

Tamù'nawolon kon amyamlo wechi màlà Katù munkà pe Christ Jesus pàk ailon tetok auya'nokon winà.

Ephesians 1:11

Katù mùkkàlà ikupù tùuya teppù tùuya ku'nài màlàpàk Christ yappyontàppù ya màlà ina yanùntoppe ya.

Philippians 2:13

Masapùla Katù mùkkàlà tùwe'wotokomasen ayau'nokon tàwàlà, alikyeppe molopai meluntà pe amatok kon pe tùuya, teselu yawàlà ewechi kon pa.

Colossians 1:19

Masapùla tamù'nawàlà tùmàlà pe Tùmu yau eppai Katù wechippù màlà.

2 Thessalonians 1:11

Sàlà kasaichi tùusenumenkaik tàwàlà àpona'nokon ina tùwàpùlemasan. Katù uya àkà'mappù kon yak lùppù yawà tùwemassan pe ewechi kon pa. Tàwà tùmeluntàlù yai, wakù ànkupù pe tùwessen kupùik molopai àpùikattài ailon tetok auya yawà ewelaika pa.

Hebrews 2:4

Katù uya tùmàlà pe, ailon pe sàlà itekale wechi ittutok ipàkàlà kupùppù màlà, tùpatalo'nan tensen yekkwa pen molopai enumenkannan kupù tùuya winà. Molopai Wakù Akkwalù winàpaino lepantok yamùk yekamùppù ya màlà teselu yawàlà.

1 John 3:1

Yentàk kon eke pe Kùkàipùnù kon uya kù'nùnmappù kon! Pùnùnmantok ya wechi màlà eke pe kulu màlàpàk kùyesatù kon Katù munkà yamùk tukaik. Màlàpàk imunkà yamùk kùmyamlo. Sàlà kasa iwechi pàk wolù uya kùyittu kon pùla iwechi màlà, Katù ittusak ya pùla iwechi màlà.

Revelation 21:7

Ànù'là entaikanàippù uya sàlà yamùk wakù ton yepolo màlà uwinàpai. Ikatùyi pe wechi màlà molopai umu pe iwechi màlà.