Ephesians 1:17 - Patamuna New Testament Revised

¹⁷ Kùyepulu Jesus Christ Katùyi Kùkàipùnù wakù pe tùwessen tapulàtok yau, yekamapponài Iulà Wakù Akkwalù uya pukkeppe àkonekatok kon pe molopai Katù ittu kon pa yekamatoppe ya àpàkù'nokon.

Ephesians 1:17 ပူးပေါင်းရင်းမြစ်များ

Matthew 11:25

Màlà yattai Jesus uya wateppù, “Ukàipùnù, epùn molopai non yepulu! Tenki ukayaik àpàk. Masapùla pukkek ton molopai ichenupasak kon winàpai ànonamùppù yenpoikasak auya, mule yamùk yemyak pàk.

Matthew 11:27

“Ukàipùnù uya ulepasak màlà tamù'nawolon yà'làlà ke. Ànù'là pùla iwechi màlà Imu ittunài tùse Ikàipùnù neken, molopai ànù'là pùla iwechi màlà Ikaipùnù ittunài tùse Imu neken, molopai mùkyamlo ipàk Imu wettok enenpoikapai,” teppù ya.

Matthew 16:17

“Simon, Jonah mumu, ipùlemasak àmàlà! Masapùla sàlà usenpoikappù kappon winà là pen màlà tùse Ukàipùnù epùn pon winà.

Matthew 20:33

“Ina yepulu, ina yenu yakkoka auya iche ina man!” teppù tok uya.

Matthew 6:13

Ina kùsettùtak sa'man ittuntok yak, tùse Ene Makui winàpai làkku ina ikukkà, Masapùla àponalok màlà itepulu pe we'nàtok epùn po, molopai apàikkek, molopai apulàntok tàwàlàlà. Emen, tukaik, teppù Jesus uya.

Luke 12:12

Masapùla Wakù Akkwalù uya eyenupa kon màlà, màlà yattai yà'là tetok là auya'nokon ke,” teppù Jesus uya.

Luke 2:14

“Katù epùn pon, yapulà pai! Molopai kappon yamùk uyauchinpan nan non pon kon ponaloppe wàlàkka'nàtok nechii!” tukaik.

Luke 21:15

Masapùla elepa kon uya màlà amaimu kon ke molopai pukkek ke, eyeyaton kon yamùk uya euselupatok kon nulunpa wapùla ailon pen màlà te tukaik.

John 14:17

Ailon Akkwalù. Sàlà wolù yawon kon uya yepolo pen màlà, masapùla yene tùuya'nokon molopai ittu tùuya'nokon pùla iwechi pàk. Tùse mùkkàlà mùttuyatàik masapùla apyau'nokon iwechi pàk molopai ayau'nokon nàlà iwechi màlà.

John 14:26

Tùse àpùikattà kon woton Wakù Akkwalù, yeunoko màlà Ukàipùnù uya uyesek yau. Mùkkàlà uya màlà tamù'nawolon pàk eyenupa kon. Molopai tamù'nawàlà unekamappù àpàkù'nokon nepù ya màlà ittu kon pa.

John 16:3

Sàlà yamùk kupù màlà tok uya, masapùla Ukàipùnù wapùla Iulà ittu tùuya'nokon pùla iwechi pàk.

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

John 20:17

Jesus uya ipàk, “Kùyachii, masapùla Ukàipùnù piyak utàppù pùla lùppù man, tùse itàkà, utonpa yamùk pàk yekamata, ‘Utà sàlà Ukàipùnù piyak molopai Àkàipùnù kon piyak, molopai Ukatùyi molopai Akatùyi kon piyak!’ ” teppù.

Yeunossak kon Wotokoyi 6:10

Tùse Wakù Akkwalù uya Stephen lepappù pukkek pe iwettok ke. Màlàpàk iichelupa yau ànù'là uya yentaika pùla iwechippù.

Yeunossak kon Wotokoyi 7:2

Molopai Stephen uya yeikuppù, “Utonpa yamùk, molopai ukàipùnù yamùk! Kùyetatàk kon! Wakù Katù usenpoikappù kùtamo Abraham piyak Mesopotamia po iwemapù tùse, Haran po emasse iità wapiya,

Romans 1:28

Màlà pe neken pùla kappon yamùk uya Katù tùttuik we'nàtok yekale nulunpasak tanùnse pùla pàk, tok tùsak ya màlà àli pe tok usenumenkantok yemyak, àli ton tùnkupù kon pen kuttoppe tok uya.

Romans 15:6

tewin itewan, tewin imaimu Katù Kùyepulu kon Jesus Christ Kàipùnù yapulàtoppe.

1 Corinthians 12:8

Tewinannà piyak pukkeppe we'nà yekale tùlù màlà Akkwalù yai, tùulon yemyak ittutok yekale mùkkàlà lùppù Akkwalù winà,

1 Corinthians 14:6

Màlàpàk utonpa yamùk, apyakù'nokon uyàssak molopai tùulon mayin yau uselupa yau, yà'là ken wakù kupù uya màlà ewinàkàik nokon? Ipla, tùse Katù nenpoika yà'làlà nepù uya yau neken, wapùla pukkek, wapùla Katù Maimu wapùla enupantok.

1 Corinthians 2:10

Tùse Katù uya yenpoikappù màlà kùpàkù'nokon Takkwalù winà. Wakù Akkwalù mùkkàlà tamù'nawolon iwanài, i'napailon kulu nàlà Katù yeselu yamùk iwanài.

1 Corinthians 2:8

Ànù'là sàlà wolù yepulu ton uya sàlà ittupù pen màlà. Tok uya ittusak yau, Itepulu Jesus eke kulu pukapàtùppù tok uya pulusuk pona pen sàlà eppaino.

2 Corinthians 12:1

Utapulà pàk wechi màlà, yà'làlà wakù kupù ya pùla là tùse. Uselupa sàlà we'neppà'nàtok walainon molopai yenpoikasak kon lùppù Katù winàpaino pàk.

Ephesians 1:3

Tenki te pai'nokon man Katù pàk, Kùyepulu Jesus Christ Kàipùnù pàk! Wakù pe kulu iwessak man kùpàkù'nokon, tamù'nawolon wakù lepantok epùn pon ke kùlepa kon tùuya yawàlà, masapùla Christ ponaloppe we'nà'nokon pàk.

Ephesians 3:5

Pena kappon yamùk pàk sàlà tùttusen pen yekamappù pen màlà, tùse Katù uya yenpoikasak man sàlà pe Wakù Akkwalù winà wakù ton esukenan kon tùneunokossan molopai tùmaimu yenpoikannannùssan pàk.

Ephesians 4:13

Màlàpàk tamùkke tewin we'nàtok yak uyà'nàtokkonpe ailon tetok kùuya'nokon yau molopai Katù Mumu ittutok kùuya'nokon yau. Christ walai non kappon yamùk pe wenan nokon màlà, sàlà kasa iwechi màlà Christ kasa kulu usemokkan ponalà.

Philippians 3:15

Tamù'nawolon kon uchi kùmyamlo ichemokkasak kon nùsenumenkaik tàwàlà sàlà kasa. Molopai yà'là yekkwa yau là tùpatalà eusenumenka kon yau, Katù uya yekama màlà àpàkù'nokon.

2 Timothy 2:25

àsà pe tùwessan tùwinàik panamai àssà'mùla, Katù uya tok lepa tok upokoitatok ke yakan pe molopai ailon ittutok tok uya winàkàik tok welattà yakan pe.

Titus 1:1

Sàlà màlà Paul, Katù yapyoto, Jesus Christ neunokoppù winàpaino. Uyanùmùppù màlà molopai uyeunokoppù Katù nanùmùssan uya ailon tetok pùikattàse, molopai tok yenupase yà'là kasa ailon pe kulu Katù ponaloppe wema'nàtok pàk,

James 2:1

Utonpa yamùk! Atta ken ewemapù kon ailon tawonnan pe Christ Jesus, tùnamasen Itepulu yau, temamin kenan kon yanùmù auya'nokon molopai entuppa'no, yà'là pùn nulunpa auya'nokon yau?

2 Peter 1:3

Katù yapàiketù uya tamù'nawolon iche kulu we'nàtok ke lepansakù'nokon màlà wema'nàtoppe molopai imaimu yawàlà we'nàtoppe. Sàlà yeposak màlà kùuya'nokon masapùla ittu kùuya'nokon pàk mùkkàlà kùkà'manàippù kon tapulàtoppe molopai wakù pe tùwettok pùkkù pe we'nàtoppe ittutok kùuya'nokon yai.

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.

Revelation 7:12

“Emen! Apulàntok molopai eke pe we'nàtok, pukkeppe we'nàtok, tenki tetok, namantok, meluntà, molopai apàikkek wechi màlà kùkatùyi kon ponaloppe tàwàlàlà molopai tàwàlàlà! Emen!” tukaik.