Ephesians 1:13 - Patamuna New Testament Revised

¹³ Molopai amyamlo nàlà uya ailon teppù màlà Christ pàk: ailon itekale yetasak auya'nokon yau, Wakù Itekale wepùikattàntok ne'nàippù apyakù'nokon, molopai Katù uya tùponaloppe ewechi kon yentok ipàkàlà tùlùppù màlà àpàkù'nokon Wakù Akkwalù tùlù tùuya apyakù'nokon winà, itùlù tùuya teppù lùppù tùuya.

Ephesians 1:13 ပူးပေါင်းရင်းမြစ်များ

Luke 11:13

Àli pe là ewechii'ma'nokon wakù ton tùlù auya'nokon àmunkà kon yemyak ittun nan amyamlo. Màlà yentai nen uchi màlà Ukàipùnù epùn pon uya, mùkyamlo Wakù Akkwalù yennan nan lepa,” teppù Jesus uya.

Luke 24:49

Molopai Ukàipùnù uya itùlù uya màlà teppù lùppù yeunoko uya màlà àpona'nokon Iulà pe. Mùmàmuttàik uchi Jerusalem po meluntà uttà àpona'nokon ponalà,” teppù ya.

John 1:17

Katù uya Law tùlùppù màlà Moses yai, tùse wakù pe iwettok molopai ailon uyàpùppù màlà Jesus Christ yai.

John 14:26

Tùse àpùikattà kon woton Wakù Akkwalù, yeunoko màlà Ukàipùnù uya uyesek yau. Mùkkàlà uya màlà tamù'nawolon pàk eyenupa kon. Molopai tamù'nawàlà unekamappù àpàkù'nokon nepù ya màlà ittu kon pa.

John 15:26

“I'napailon Akkwalù yeunoko uya màlà. Iyàpù màlà Ukàipùnù winàpai. Mùkkàlà Àpùikattànài Ukàipùnù winàpaino uselupa màlà upàk.

John 3:33

Ànù'là uya ichelupatok yanùnsak yau, ailon pe Katù wechi yekama ya màlà.

John 6:27

Eyeipa kon iwa pàk neken ke'wotokomatàu tùumattasen màlà, tùse e'wotokomatàk kùyali tàwàlàlà tùwemassen yepolo kon pa. Kàyik Mumu uya sàlà kùyali ke elepa kon màlà. Masapùla Katù, Ikàipùnù uya sàlà yentok ipàkàlà tùsak màlà yanùnnsak tùuya yenpoikanài pe,” teppù.

Yeunossak kon Wotokoyi 1:4

Tewin wei yattai tok wepilichak yau, “Jerusalem kù'nàntàu, tùse lepantok mùmàmuttàik màlà ipàk uselupatai nùk, Ukàipùnù uya itùlù uya màlà teppù lùppù,” teppù ya tok pàk.

Yeunossak kon Wotokoyi 13:26

“Utonpa yamùk, Abraham payan nùssan, molopai Jew yamùk pen talà Katù yapulàn nan, kùponalok pe màlà sàlà wepùikattàntok yekale yeunossak!

Yeunossak kon Wotokoyi 2:33

Iwuluukappù màlà kamik pen Katù yemyatù yak. Molopai Wakù Akkwalù yanùmùppù ya iwinàpai. Sàlà pe menyatài'nùk molopai metayatài'nùk màlà ilepatok ya eke pe.

Romans 1:16

Masapùla wekkuli'ma pùla man Wakù Itekale pàk. Masapùla Katù yapàikketù màlà tamù'nawolon kon ailon tawonnan tùpàk pùikattànài, wapiya Jew yamùk molopai nàlà Jew yamùk pen.

Romans 4:11

Màlà ye'mappùtak yattàppù màlà, molopai sàlà kupùppù màlà yentok ipàkàlà pe. Masapùla ailontetok Abraham uya pàk Katù uya yanùmùppù ikasa tùwessen pe yattà wapiya yekamanài. Màlàpàk Abraham mùkkàlà tamù'nawolon kon ailon tawonnan Katù pàk kàipùnù, tok yattàsak Jew yamùk yeselu yawàlà pùla lànen tùse. Mùkyamlo yanùnsak kon kàipùnù pe.

Romans 6:17

Tùse tenki tepai'nokon Katù pàk, masapùla pena àli yapyoto pe ewechippù kon màlà, tùse sàlà pe ailon, yeposak lùppù enupantok, enepoloppù kon yau, maimu yawàlà ewechi kon tamù'nawàlà eyewan kon ke.

2 Corinthians 1:22

Mùkkàlà tùponaloppe we'nà'nokon yentok ipàkàlà tùnài kùpàkù'nokon, molopai Wakù Akkwalù ke kùlepanài'nokon kùyewan kon yak tamù'nawolon itesappe tùwettok lepantok tùuya kùponalok kon pe yentok ipàkàlà pe.

2 Corinthians 6:7

ailon pe uselupantok yau, molopai Katù yapàikketù yau. Wakù pe we'nàtok yau wepanta'mantok ike yesappe kamik pen mùyak yau, molopai kamik mùyak yau iwapu.

Galatians 3:14

Pùikattànsak ya pùlemantok Abraham piyak itùsak lùppù uyàttoppe Jew yamùk pen piyak Christ Jesus winà, molopai kùmyamlo uya Akkwalù itùlù màlà teppù lùppù yanùntoppe ailon tetok yai.

Ephesians 4:21

Yetappù auya'nokon molopai ya'lon kon pe eyenupappù kon ailon pàk Jesus yau nai'nùk pàk.

Ephesians 4:30

Molopai Wakù Katù Yakkwalù kùsewankono'matàu. Masapùla Wakù Akkwalù mùkkàlà Katù wettok eyesak kon pe yentok ipàkàlà Katù uya eyepeppù kon tùlù Weyu ponàlà.

1 Thessalonians 2:13

Molopai sàlà pàkànsau tàwàlàlà, tenki te màlà ina uya Katù pàk. Katù Maimu nessak ina uya apyakù'nokon yau, metatantàu molopai manùntantàu, kappon yamùk winàpaino pe là tùkusse pùla tùse Katù Maimu pe nen tùkusse itekale manùntantàu. Katù Maimu nen nai'nùk. Masapùla Katù we'wotokoma nai'nùk amyamlo ailon tawonnan tùpàk kùlottau.

2 Timothy 2:15

Tamù'nawolon ànùttu ikukkà tamù'nawàlà auchinpantok Katù yenu yau yepolo pa, tùwe'wotokomasen tùwekuli'masen pen tùwotokoyi pàk kasa, mùkkàlà ailon Katù Maimu pàk enupanài ikasa kulu.

2 Timothy 2:19

Tùse meluntà sa'man wakapu Katù nùnonkappù tùutalo'ma woton pen màlà; molopai sàlà mayin we'menukasak màlà ipàk: “Itepulu mùkkàlà, tùponalok kon ittunài,” {Num16.5} molopai, “Ànù'là Itepulu yesek yesa'nài welattà màlà iwalai pen winàpai,” tukaik.

2 Timothy 3:15

molopai mùttuyaik mule pe ewechi motapai Wakù Katù Maimu ituppù auya, pukkek pe we'nàtok ke elepanài màlà wepùikattàtok yak anài ailon tetok Christ Jesus yau.

Titus 2:11

Masapùla Katù uya wakù pe tùwettok yenpoikasak man tamù'nawolon kon kappon yamùk wepùikattàtok ponaloppe.

Hebrews 2:3

Yà'là kasa ken uchi wepen eke kulu wepùikattàntok yetapàtù kùuya'nokon yau? Sàlà wepùikattàntok yekamappù màlà Itepulu Jesus uya wapiya, molopai màlà yetannannùssan uya yekamasak màlà kùpàkù'nokon.

James 1:18

Teselu winà Katù uya kùnepùppù kon emennak wema'nàtok yak màlà ailon tùmaimu yai, wapiyalok pata yau we'nàtoppe tùponalok kon kappon yamùk kùlottau.

James 1:21

Màlàpàk uchi tamù'nawolon àli ton eyeselu kon inonkatàk kon Katù Maimu yawàlà ettàk kon àssà'mùla, àsà pe pùla molopai màlà imaimu inpàmàppù eyewan kon yak yanùntàk kon, màlà àpùikattànài'nokon yeppe nai'nùk.

1 Peter 2:10

Pena Katù ponalok kon pe pùla ewechippù kon, tùse sàlà pe nen uchi iponalok kon pe messatàik; pena Katù usentuppatok ittu auya'nokon pùla iwechippù, tùse sàlà pe ichentuppatok yanùnsak auya'nokon man.

Revelation 7:2

Molopai tùulon inchelù uyàpù yeneppù uya wei wepakka winàpai tàwàlà tùwemassen Katù winàpaino itapyoto ton pattàtok pokonpe. Iwentaimeppù eke pe asakùlà'nan kon inchelù yamùk yekamappo pe, mùkyamlo Katù nùlepassan meluntà ke non molopai tuna mattanùttoppe tok uya.