Colossians 4:6 - Patamuna New Testament Revised

⁶ Tàwàlàlà euselupatok kon wakù pe nechii, àsà pe pùla enetapai we'nàtok pe. Molopai i'nai kasa là tamù'nawolon kon maimu yeitok ikasa tùttuik mettàik.

Colossians 4:6 ပူးပေါင်းရင်းမြစ်များ

Matthew 5:13

“Pan kasaichi ewechi kon màlà kappon yamùk ponaloppe. Pan wenasak ine'neppe pùla yau, ine'neppe tu'ma imatok pùla iwechi màlà. Tapulàsen pe pùla iwenasak màlà, màlàpàk yenu'ma màlà. Molopai kappon yamùk usalà ipolo.

Mark 9:50

Pan màlà wakù. Tùse ine'neppe tùwettok pùla iwenasak yau, yà'là kasa ken ine'neppe tukka ima auya'nokon? Ene'mayi kon pan ayau'nokon nechii, molopai echitonpa pe ettàk kon àsà pe pùla,” teppù Jesus uya tok pàk.

Luke 4:22

Molopai tamù'nawolon kon uselupappù wakù pe màlà ipàk. Molopai tok usenumenkappù wakù mayin iichelupappù lùppù pàk. Tok uya, “Joseph mumu pen ken na' mùkkàlà?” teppù.

Ephesians 4:29

Àli mayin kùsapulàtàu euselupatok kon yau. Pùikattànài neken mayin yapulàtàk kon, iche kulu we'nàtok ne'nài, molopai ewan ipittànài eyetannan pùikattà toppe euselupatok uya.

Colossians 3:16

Tàwà Christ uya enupantok eyewan kon yau nechii tamù'nawàlà. Mepanamatàik molopai mepùikattàtàik tamù'nawolon ànùttu kon yawàlà. Tenki tetok itewan yau echii'ma meselenpatàik David yelemu pàk, Katù yapulànài elen mùkuttàk Wakù Akkwalù nùtùlùssan pàk meselenpatàik.

1 Peter 3:15

Tùse Christ namatok auya'nokon yesappe ettàk kon eyewan kon yau molopai Eyepulu kon pe ikuttàk. Tùwekonekaik ettàk i'nai yattai là enpen we'nàtok ayau'nokon nai'nùk wenai ewettok kon yekama kon pa eyekamappo kon ànù'là uya yau.