Colossians 4:10 - Patamuna New Testament Revised

¹⁰ Aristarchus, upokon pe patikichi tau nai'nùk, “Wakù pe na' messatàu?” nùkayan nàlà, Mark, Barnabas yesse. Yekamappù uya àpàkù'nokon. Iyàpù apyakù'nokon yau, manùntàik tùutauchinpaik.

Colossians 4:10 ပူးပေါင်းရင်းမြစ်များ

Yeunossak kon Wotokoyi 12:12

Yà'là kasa là tùwettok ittui'ma, iitàppù Mary, John yan yùwùk tak Mark tukaik nàlà tesassen yan yùwùk tak. Tukke kappon yamùk wepilichak wechippù màlà molo molopai tok wàpùlemappù màlà Katù uya Peter pùikattà toppe.

Yeunossak kon Wotokoyi 12:25

Barnabas molopai Saul tawonnan uya tùwotokoyi kon yenuka'nùpùppù molopai tok wennapoppù Jerusalem poi molopai tok uya John yalàppù ta'là' nokon, Mark tukaik tesassen.

Yeunossak kon Wotokoyi 13:13

Paul molopai itonpa yamùk utàppù tuna po, Paphos yapai Perga, Pamphylia pon pona; tùse John Mark uya tok nàmàppù molo molopai iwennapoppù Jerusalem pona.

Yeunossak kon Wotokoyi 13:5

Tok welepansak Salamis pona yau, tok uya Katù Maimu yekamappù Jew yamùk wepilittok itak yamùk tau. John Mark wechippù màlà tok ya'là tok pùikattànài pe sàlà wotoko yau.

Yeunossak kon Wotokoyi 19:29

Tok wessakolopasak wechippù tamù'nawàlà pata yau. Tamùkke àsà pe tùwessan wepilichak uya Gaius molopai Aristarchus tawonnan Macedonia pon kon yachippù, Paul ya'là tùutàsan molopai tok uya tok yalàppù aitun pe tamùkke wepili'nàtok patassek yak.

Yeunossak kon Wotokoyi 20:4

Sopater, Phyrrhus mumu Berea pon, utàppù ya'là, Aristarchus molopai Secundus tawonnan tu'ma Thessalonica pon kon, Gaius Derbe pon, Timothy, Tychicus molopai Trophimus tawonnan Asia pon kon utàppù màlà ya'là.

Yeunossak kon Wotokoyi 27:2

Ina wenukuppù kanau Adramyttium poino yak Asia polo tùutàsen yak, molopai ina utàppù màlà. Aristarchus Macedonia kok Thessalonica pon wechippù ina ya'là.

Yeunossak kon Wotokoyi 4:36

Molopai wa iwechippù mùkkàlà Joseph, Levite pe iwechi, iwentusak lùppù Cyprus po, mùkkàlà yeunossak kon nesatù Barnabas tukaik, meluntàlùnpanài te ya pe iwechi.

Romans 16:2

Yanùntàk kon Itepulu yesek yau, Katù ponalok kon kappon yamùk yanùmù kasa. Molopai mùpùikattàtàik yà'làlà iche kulu iwettok ewinàpai'nokon yau, masapùla mùkkàlà wechippù wakù pe kulu, tukkan kon kappon yamùks pùikattàsak ya màlà eke pe kulu molopai Iulà nàlà.

Romans 16:7

“Wakù pe na' messatàu?” te uya Andronicus molopai mùkkàlà nossan, Junias tawonnan pàk, utonpa yamùk Jew yamùk, patikichi tau iwessak kon upokon pe, tùttusan kulu mùkyamlo yeunossak kon Christ yapyoto ton winà, molopai ailon teppù tok uya Christ pàk màlà uwapiya.

2 Timothy 4:11

Luke neken upyau man. Mark yepokà molopai inekkà aya'là, masapùla upùikattà ya màlà sàlà wotoko yau.

Philemon 1:23

Epaphras patikichi tau nai'nùk upokon pe Christ Jesus pàkànsau, “Wakù pe na' messan?” nùkayan,

Philemon 1:24

molopai nàlà we'wotokoma wechiyakon non Mark, Aristarchus, Demas, molopai Luke.

1 Peter 5:13

Ailon tawonnan Babylon pon kon, Katù nanùmùssan nàlà, “Wakù pe na' messatàu?” tetok tùuya'nokon yeunossan, molopai nàlà umle kasa nai'nùk Mark, itesek.