Colossians 3:3 - Patamuna New Testament Revised

³ Masapùla ewelichak kon man, molopai ewemattok kon yonansak man Christ pokonpe Katù yau.

Colossians 3:3 ပူးပေါင်းရင်းမြစ်များ

Matthew 11:25

Màlà yattai Jesus uya wateppù, “Ukàipùnù, epùn molopai non yepulu! Tenki ukayaik àpàk. Masapùla pukkek ton molopai ichenupasak kon winàpai ànonamùppù yenpoikasak auya, mule yamùk yemyak pàk.

John 14:19

Tachin pe kulu sàlà wolù yawon kon uya uyene pen màlà. Tùse amyamlo uya màlà uyene. Masapùla wemapù pàk, ewemapù kon nàlà màlà.

John 3:16

Tù'nùn pe kulu kappon yamùk sàlà wolù pon kon kupù tùuya pàk Katù uya tewinan tù'nùn kulu tùmu tùlùppù ànù'là ailon tawon ipàk umatta pen, tùse tàwàlàlà iwemapù.

John 4:14

Tùse ànù'là sàlà tuna untùlù inchinài we'nakklipa tu'ma pen màlà. Tùse i'nakkwa pe yau iwena, tàwàlàlà iwu'ma molopai tàwàlàlà iwemattok ke ilepa ya,” tukaik.

John 5:21

Ikàipùnù uya iwelichak wuluuka molopai iwemattok ke tok lepa ya, kasa làma màlà Imu uya wema'nàtok ke mùkyamlo enlepapai tùwettok kon lepa.

John 5:24

“Ailon kulu sàlà, mùkkàlà umaimu yetayai'nùk molopai ailon nùkayai'nùk uyeuno'nàippù pàk wechi màlà tàwàlàlà wema'nàtok yesappe. Italumattàtok yak itùlù pen màlà, tùse weli'nàtok yentakasak ya màlà wema'nàtok yak.

John 5:40

Tùse upyak àuyàpù kon pùla man wema'nàtok yepolo kon pa.

Romans 5:10

Masapùla Katù yeyaton pe we'nàppà'nokon màlà, tùse kùkusak kon ya màlà tùwechi yakon non pe Tùmu Jesus Christ welittok yai. Màlàpàk sàlà pe Katù wechi yakonnon pe we'nà'nokon pàk, eke peiwa kulu wepùikattàntoppe iwechi màlà Christ wemapù winà.

Romans 5:21

Màlàpàk uchi, makui wechippù meluntà pe weli'nàtok yak anài pe. Màlà kasa làma Katù wettok wakù pe wechi màlà meluntà pe tùwenasen pe ikasa we'nàtok winà, tàwàlàlà wema'nàtok ne'nài pe Jesus Christ kùyepulu kon yai.

Romans 6:11

Màlà kasa làma eusenumenka kon màlà àpàkù'nokon iwelichappe àli pàk tùse nulà Katù pàk Christ Jesus ponaloppe ewechi kon yau.

Romans 6:2

Kanekku! Weli'nàsakù'nokon sàlà àli winàpai. Yà'là kasa ken màlà yentak wema'nà'nokon àli yau?

Romans 8:2

Masapùla Wakù Akkwalù yeselu meluntàlù wema'nàtok ne'nài Christ Jesus ponalok kon piyak uya, upùikattàsak man makui yeselu molopai weli'nàtok winàpai.

1 Corinthians 15:45

Màlà kasa iwe'menusak màlà, “Wapiyalok kàyik, Adam wenappù nulà tùwessen pe,” tawon, tùse àkàmlà'no Adam mùkkàlà Akkawalù, wema'nàtok tùnài.

1 Corinthians 2:14

Akkwalù pùn kappon mùkkàlà lepantok kon yamùk Katù Yakkwalù winàpaino yanùnnài pen, masapùla yà'là pe pùla màlà yamùk wechi tùpona pàk. Molopai màlà yamùk ittu ya pùla iwechi màlà masapùla Akkwalù winà neken tùttusan pe iwechi pàk.

2 Corinthians 5:14

Masapùla yà'là yekwa là ina nùkupù wechi màlà Christ uya pùnùnmantok pe, tewinan kappon welikùppù tamù'nawolon kon kappon yamùk ponaloppe ittu'nokon pàk, tamù'nawolon kon wechi iwelittok pùkkù pe màlà te ya pe iwechi màlà.

2 Corinthians 5:7

Masapùla wema'nà'nokon sàlà ailon tetok winà, yentok winà pùla.

Galatians 2:20

Upukapàtùppù màlà Christ pokonpe nulà wechi tukaik, tùse Christ nemassan uyau. Sàlà esak yau wema'nàtok yau wemassaik ailon tetok uya Katù Mumu pàk yau, mùkkàlà u'nùnmanàippù molopai iwettùsak lùppù uponaloppe.

Ephesians 3:9

Molopai tamù'nawolon kon pàk tùttusen pe pùla nai'nùk yeselu Katù piyawon yekamatoppe uya tok uya yentoppe. Katù, tamù'nawolon yà'làlà konekanàippù uya màlà kappon yamùk wapiyalok kon winàpai tùttusen pen kupùppù mailà tonantau.,

Philippians 4:7

Molopai Katù winàpaino echitonpa pe we'nàtok, kappon nùttu yentaino uya eyewan kon molopai eusenumenkatok kon mainanpa màlà wakù pe Christ Jesus yau.

Colossians 1:5

Ailon itekale, Wakù Itekale uyàssak apyakù'nokon wapiya kulu yau, enpen we'nàtok inekama metatantàu. Màlàpàk ailon tetok auya'nokon molopai pùnùnmantok auya'nokon nùsenpoika yai'nùk enpen ewettok kon pokon. Màlà àponalok kon pe ikupù nai'nùk epùn po. Wakù Itekale wakù pùlemantok Katù winàpaino nessan molopai miyaiwa nùtàyan tamù'nawàlà pata yawà àkklotau'nokon pena iwechippù kasa. Katù wettok wakù pe yetappù auya'nokon motapai molopai ituppù auya'nokon iwessek kasa kulu kasa.

Colossians 2:20

Ewelichak kon màlà Christ pokonpe màlàpàk àpùikattàsak kon màlà kawon kon akkwalù yamùk meluntàlù winàpai. Yà'là pe iwechi pàk sàlà yekkwa ton maimu yawolon kon amyamlo?

Colossians 2:3

Tamù'nawàlà wakù ton Katù ittutok molopai ipukketù tùttusen pe pùla inkupù wechi màlà Mùkkàlà yau.

Colossians 3:4

Christ mùkkàlà ewemattok kon kulu, molopai ichenpoika yau, amyamlo nàlà usenpoika màlà ipokonpe molopai yapulàtok yau ewechi kon màlà.

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

1 Peter 3:4

Tùse tàwà ema'non pe ewettok kon nùyàpùi eyewan kon yapai tùumattasen pen màlà àsà'mùla we'nàtok, àsà pe pùla molopai eppana tùwessen pe we'nà màlà wakù kulu Katù yenu yau.

1 Peter 4:2

Sàlà motapai uchi ewemattok kon talà non po yemakkwatàk kon Katù yeselu yawàlà, iche kappon wettok yawàlà pùla.

1 John 3:2

Utonpa yamùk, Katù munkà yamùk kùmyamlo sàlà pe, tùse i'nai kasa kulu wenan ittu kùuya'nokon pùla man. Tùse ittu'nokon man: Christ usenpoika yau, ikasa wenan nokon màlà, masapùla yene'nokon màlà mùkkàlà pe kulu.

Revelation 2:17

“Tàwà tùpana ke nai'nùk, Wakù Akkwalù uya sochi yamùk yelupatok yetai. Mùkyamlo entaikan nan nùssan lepa uya màlà tonantau tùwessen kùyali manna ke. Aimu'nan tàk ke nàlà tok lepa uya màlà. Sàlà wechi màlà emennak esek menukasak ipàk, ànù'là nùttu pen tùse yeponàippù neken nùtttu.”