Colossians 3:24 - Patamuna New Testament Revised

²⁴ “Itepulu uya ken uye'ma ko wakù ke lù,” mùkatàik; tùponalok kon ponaloppe inkupù yepolo auya'nokon màlà. Masapùla Christ kulu mùkkàla eyepulu kon iponaloppe me'wotokomayatài'nùk.

Colossians 3:24 ပူးပေါင်းရင်းမြစ်များ

Matthew 10:41

Ànù'là Katù Maimu yenpoikanài yanùnnài, masapùla imaimu yenpoikannài pe iwechi pàk uya màlà mùkkàlà yepeppù yepolo. Molopai ànù'là wakù kappon yanùnnài masapùla wakù pe iwechi pàk uya màlà mùkkàlà yepeppù yepolo.

Matthew 5:12

Molùk ettàk, atauchinpatàk kon kulu, masapùla eke epeppù kupù man àponalok kon pe epùn po. Sàlà kasa màlà kappon yamùk uya Katù Maimu yenpoikannan talumattàppù awapiya'nokon tùwemassan,” teppù ya.

Matthew 5:46

À'nùnman nan pùnùnma auya'nokon yau, yà'là ken eyepeppù yepolo auya'nokon? Pùlayatta pili'nàinan nà mùkyamlo iku'nàinan màlà kasa!

Matthew 6:16

“Molopai tùuta'lettàik pùla ewechi kon yau, ichewankono'masappe itenpata kettàu, tùusennakasan kasa. Tùutàsan mùkyamlo iwan pe tùusense, tamù'nawolon kon uya kulu tùuta'lettàik pùla tùwechi kon yentoppe. Ailon kulu sàlà, tok uya màlà tamù'nawàlà tepeppù kon yeposak.

Matthew 6:5

“Àwàpùlema kon yau, kappon yamùk uya eyene kon iche kettàu, tùusennakasan kasa! Àpùlemapai nokon mùkyamlo satippe Jew yamùk wepilittok itak tau, molopai asanta yena po. Sàlà ku'nàinan mùkyamlo tamù'nawolon kon uya tentok kon pe. Ailon kulu sàlà, tok uya màlà tamù'nawàlà tepeppù kon yepokasak.

Luke 14:14

Molopai àpùlema kon màlà, masapùla tok uya eye'ma yentai iwechi màlà. Eye'ma nen uchi màlà Katù uya, wakù ton kappon yamùk welichak kon wuluukasak yau,” teppù Jesus uya.

Luke 6:35

Tùse làkku eyeyaton kon i'nùnmatàk kon, wakù ikuttàk kon tok winàkàik. Itesak pe ewettok kon itùtàk kon yapulà toppe molopai innappo pàk enpen kettàu. Eke pe iche ewettok kon yepolo auya'nokon màlà, molopai Eke Meluntà tùnamasen Katù ponalok kon pe ewechi kon màlà. Masapùla wakù mùkkàlà tenki tawonnan pen pàk molopai àli ton pàk.

John 12:26

Ànù'là iche wettok ku'nài uyàpù màlà uya'là, molopai i'nailà là wechi yau, molo nàlà upoitolù wechi màlà. Ukàipùnù uya mùkkàlà yapulà màlà,” tukaik.

Yeunossak kon Wotokoyi 20:32

“Sàlà nen uchi ànonka kon uya Katù yemyak wakù pe imaimu wettok yak. Eyemokkanài pe iwechi màlà molopai elepaya màlà enepolo ke tamù'nawolon kon esuken iwekonkasak kon kùlottau.

Romans 1:1

Sàlà kaleta nùyàssan apyakù'nokon Paul winàpai. Mùkkàlàichi mùkkàlà Jesus Christ yapyoto molopai yeunossak lùppù. Inanùmùppù mùkkàlà molopai inkà'mappù Wakù Itekale tùponalok yekamatoppe ya.

Romans 14:18

Màlàpàk ànù'là Christ ponaloppe tùwe'wotokomasen sàlà kasa uya Katù yauchinpa màlà molopai kappon uya wakù mùkkàlà te màlà ipàk.

1 Corinthians 11:23

Masapùla àpàkù'nokon tekamatainùk màlà Itepulu winàpai unepoloppù. Itepulu Jesus uya teimippo yewalupàyi tau, pùlomù pusak yanùmùppù màlà.

1 Corinthians 3:8

Tùpatalà'ne là ipànnài molopai iki'nài tawonnan wechi pen nai'nùk. Molopai tok ye'matok wechi màlà tok kaichalà tewin pàk tok wotokoyi lùppù pàkàlà.

1 Corinthians 7:22

Masapùla tepotolù kenan, Itepulu uya tùkà'ma yattai mùkkàlà Itepulu nùmokkappù, màlà kasa làma itepotolù pùn tùkà'ma yattai wechi màlà Christ yapyoto pe.

Galatians 1:10

Kappon yamùk yapulàtok nepùiche na' wessan, wapùla Katù? Wapùla kappon yamùk yauchinpaiche na' wessan? Kappon yamùk yauchinpaiche lùppù wechi yau, Christ yapyoto pe wechi pen màlà.

Ephesians 6:6

Sàlàichi ikùttàk kon eyene kon tok uya yattai neken nà pùla, tok yauchinpapa neken nà. Tùse tamù'nawàlà eyewan kon ke Katù wettok iche ikuttàk kon, Christ yappyoto ton pe.

Ephesians 6:8

Ittutàk kon uchi Itepulu uya tamù'nawolon kon ye'ma, ànùk yekkwa là apyoto wapùla apyoto pen, wakù wotoko inkupù yepeppù pe.

Colossians 2:18

Kappon yamùk là, wakù pe tukaik molopai àssà'mùla pe tukaik tùusennakasan molopai inchelù yamùk pàk tùwàpùlemasan tese'mu kon yok tùwenase eyennakatakù'nokon. Molopai alapumatakù'nokon e'mantok winàpai. We'neppà'nà walai yene tùuya'nokon pàk tùuselupasan mùkyamlo tùutapulà kon pe. Pùsamlo yekkwa ton ikasa pùla messatàik kùkkatak àpàkù'nokon. Ittutok ya pùnon mùkyamlo, pakko pe tùuselupasan masapùla kappon pe tok usenumenka pàk.

Hebrews 10:35

Ailon tetok uchi auya'nokon ittutàk kon tàwàlàlà, masapùla eke kulu epeppù ne'nài màlà.

Hebrews 11:6

Ànù'là uya Katù yauchinpa ailon tetok pùla echii'ma pùla iwechi màlà. Masapùla ànù'là Katù piyak tùuyàssen wechi màlà ailon tawon pe molo iwechi pàk, molopai mùkyamlo tùwannnan ye'manài pe iwechi pàk.

Hebrews 9:15

Sàlà wenai Christ wechi màlà Katù molopai kappon tawonnan yakkletau tùwessen pe, emennak ikupù pàk Katù wekkuttok yau. Mùkkyamlo ikà'masak kon uya tàwàlàlà pùlemantok yepotoppe, ikupù tùuya teppù Katù uya lùppù. Sàlà wekkupùppù màlà, masapùla Jesus welikùppù màlà wapiyalok ikupù pàk Katù wekkupùppù lùppù yo'no kappon yamuk nùkupùppù tok makuyi winàpai tok pùikattàtoppe tùuya.

1 Peter 1:4

Màlàpàk enpen we'nà'nokon sàlà wakù yepolo pàk Katù nùkupù tùponalok kon ponaloppe. Iku'nài mùkkàlà àponalok kon pe epùn po, iwemyakanma pùla iwettok wapùla inmata pùla iwettok yau wapùla iwaliwomù pen màlà molo.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

Jude 1:1

Sàlà màlà kaleta Jude, Jesus Christ yapyoto, molopai James tonpa nùmenukappù. Katù Kùkàipùnù kon nùkà'massan molopai Katù uya pùnùnmantok yau tùwemassan molopai Jesus Christ uya mainanpantok yau tùwemassan piyak inmenukappù sàlà: