Colossians 3:23 - Patamuna New Testament Revised

²³ Yà'làlà kupù auya'nokon yau, me'wotokomatàik tamù'nawàlà eyewan kon ke, Itepulu ponaloppe ewe'wotokoma kon kasa, kappon yamùk ponaloppe pùla.

Colossians 3:23 ပူးပေါင်းရင်းမြစ်များ

Matthew 6:16

“Molopai tùuta'lettàik pùla ewechi kon yau, ichewankono'masappe itenpata kettàu, tùusennakasan kasa. Tùutàsan mùkyamlo iwan pe tùusense, tamù'nawolon kon uya kulu tùuta'lettàik pùla tùwechi kon yentoppe. Ailon kulu sàlà, tok uya màlà tamù'nawàlà tepeppù kon yeposak.

Romans 14:6

Mùkàlà pata weyu tonpa ittunài eke pe uya ikupù màlà Itepulu yapulàtok iwinà pe, mùkkàlà ta'mù'nawolon na'nài molopai yannài uya ikupù màlà Itepulu yapulàtok iwinà pe, masapùla tenki tawon mùkkàlà Katù pàk kùyali pona. Mùkkàlà tùulon nà kùyali nulunpanài uya ikupù màlà Itepulu yapulàtok iwinà pe, molopai tenki tawon mùkkàlà Katù pàk.

Romans 14:8

Molopai wema'nà'nokon yau, Itepulu ponaloppe wema'nà'nokon màlà. Weli'nà'nokon yau, Itepulu ponaloppe weli'nà'nokon màlà. Wema'nà'nokon wapùla weli'nà'nokon pe iwechi yau, Itepulu ponalok kon kùmyamlo.

Ephesians 5:22

Tùtayappù kenan kon, atayappù kon yentai kettàu, Itepulu yemyau ewechi kon kasa.

Colossians 3:17

Tamù'nawolon ànkupù kon wapùla euselupatok kon nekkupùik Itepulu Jesus yesek yau, tenki te auya'nokon pe mùkkàlà yai Katù Kùkàipùnù kon pàk.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 2:13

Itepulu ponaloppe tamù'nawolon kon potolù yamùk wettok itepulu pe yo'no ettàk kon: kin yo'no, mùkkàlà wechi màlà yo'no kulu we'nàtoppe molopai imaimu yawàlà we'nàtoppe,

1 Peter 2:15

Masapùla sàlà màlà Katù yeselu: pakko ton kappon yamùk uselupatok ittunài uselupatok kasa pùla yeppaka'nùpù auya'nokon iche iwechi màlà, wakù ton kupù auya'nokon winà.