Colossians 3:17 - Patamuna New Testament Revised

¹⁷ Tamù'nawolon ànkupù kon wapùla euselupatok kon nekkupùik Itepulu Jesus yesek yau, tenki te auya'nokon pe mùkkàlà yai Katù Kùkàipùnù kon pàk.

Colossians 3:17 ပူးပေါင်းရင်းမြစ်များ

Matthew 28:19

Itàtàk kon uchi tamù'nawolon kon kappon yamùk piyak, i'nailàlà. Molopai uya'lon kon pe tok mùkonekatàik, tok menpataukatàik Ukàipùnù yesek yau molopai Imu yesek yau molopai Wakù Akkwalù yesek yau.

Yeunossak kon Wotokoyi 19:17

Tamù'nawàlà Jew yamùk molopai Jew yamùk pen Ephesus po tùwemassan uya sàlà yetappù màlà. Tok usenalipappù molopai Itepulu Jesus yesek yapulàppù molopai inamappù tok uya màlà eke pe.

Yeunossak kon Wotokoyi 4:30

Eyemyatù yenkakà, ipittànse, molopai yà'làlà wakù wapiya yensak lùppù pen enumenkannan wekkutoppe ikukkà, wakù kulu ayapyoto Jesus yesek yai,” teppù tok uya Katù pàk.

Romans 1:8

Wapiya, tenki tawon Iulà ukàipùnù Katù pàk Jesus Christ yai, tamù'nawàlà àpàkànsau'nokon. Masapùla tamù'nawolon kon wolù yawon kon kappon yamùk uya ailon tetok auya'nokon yekale yetasak pàk.

1 Corinthians 10:31

Yà'làlà kupù auya'nokon yau, auta'lettà kon wapùla àwuku kon nà inchi auya'nokon pe iwechi yau, tamù'nawolon ikuttàk kon Katù yapulà auya'nokon pe.

Ephesians 1:17

Kùyepulu Jesus Christ Katùyi Kùkàipùnù wakù pe tùwessen tapulàtok yau, yekamapponài Iulà Wakù Akkwalù uya pukkeppe àkonekatok kon pe molopai Katù ittu kon pa yekamatoppe ya àpàkù'nokon.

Ephesians 5:20

Tàwàlàlà tenki katàk kon tamù'nawolon pàk Katù Kùkàipùnù kon pàk, Kùyepulu kon Jesus Christ yesek yau.

Philippians 1:11

Jesus Christ uya àkupù kon màlà wakù eselu kupù pàk ewechi kon pa. Sàlà uya Katù yapulàtok molopai inamatok nepù màlà.

Philippians 2:11

Molopai tamù'nawolon kon uya ayupo yekama màlà Jesus Christ wechi Itepulu pe, Katù Kùkàipùnù yapulàtoppe.

Colossians 1:12

Molopai tenki tawonnan pe Kùkàipùnù kon pàk tùutachinpaik. mùkkàlà àku'nàippù'nokon tùnkupùppù tùponalok kon ponaloppe wakù akkwa pata yau ipùkkù pe ewechi kon pa.

Colossians 2:7

I'nak akalatatàk kon Christ yak. Ewemattok kon yapon pe nechii. Molopai meluntà pe lùiwa ewena kon pa ailon tetok auya'nokon yau, eyenupappù kon kasa. Molopai tenki tetok auya'nokon ke anùttàk kon.

Colossians 3:15

Tàwà echitonpa pe we'nàtok Christ nùtùlù eyewan kon yesappe nechii. Masapùla sàlà echitonpa pe we'nàtok yak Katù uya àkà'masak kon màlà tamùkke tewin itesak. Molopai tenki tawon pe ettàk kon.

Colossians 3:23

Yà'làlà kupù auya'nokon yau, me'wotokomatàik tamù'nawàlà eyewan kon ke, Itepulu ponaloppe ewe'wotokoma kon kasa, kappon yamùk ponaloppe pùla.

1 Thessalonians 1:1

Sàlà màlà Paul, Silas, molopai Timothy tawonnan winàpaino. Kappon yamùk Thessalonica pon sochi tawon kon Katù Kùkàipùnù molopai Itepulu Christ Jesus ponalok kon piyak imenukasak: Tàwà wakù pe Katù wettok molopai echitonpa pe we'nàtok iwinàpaino àponalok kon pe nechii.

1 Thessalonians 5:18

Tenki tukaik mettàik tamù'nawolon yau. Sàlà màlà Katù wettok ikupù auya'nokon iche, ewematok kon Christ Jesus ponaloppe ewemattok kon yau.

2 Thessalonians 2:17

eyewan kon meluntàpai, molopai emeluntàlùttài'nokon wakù kupù kon pa, molopai wakù pe ikasa euselupa kon pa.

Hebrews 1:5

Masapùla inchelù yamùk pàk, “Umu àmàlà, sàlà pe Àkàipùnù pe wenasa'man,” tawon pen. Wapùla Katù uya, “Ikàipùnù pe wena màlà, molopai Umu pe iwechi màlà,” tesak pùla iwechi màlà tok pàk

Hebrews 13:15

Jesus yai uchi Katù piyak apulàntok tùpai'nokon man, kùmaimu kon ke tenki tetok tùpai tàwàlàlà itesek pàk.

1 Peter 2:5

Àitàk kon nulànan tàk kasa, molopai tapulàsan pe ettàk Katù yùwùk kappon namùppù pen tensen pen yamù yau, màlà motau wakù pe tùwe'wotokomasan pe ewechi kon pa, wakù ton Katù lepatok iche iwettok tùlù pàk Jesus Christ yai .

1 Peter 2:9

Tùse amyamlo mùkyamlo yanùnsak kon, tùusensen pen paatele yamùk pe, kin ponalok kon, wakù ton kappon yamùk Katù ponalok kon, yanùnsak kon Katù yeselu wakù ton kulu yekama kon pa. Mùkkàlà àkà'manàippù'nokon ewalupàttapai wakù kulu takkwayi yak.

1 Peter 4:11

Ànù'là itekale yekamanài, tàwà Katù Maimu yekamai; ànù'là tùulon kon pùikattànài, tàwà tok pùikattài, meluntà, màlà Katù uya tùlepatok ke, tamù'nawolon yau apulàntok tùtoppe Katù piyak Jesus Christ yai, apulàntok molopai apàikkeppe we'nàtok iponalok tàwàlàlà molopai tàwàlàlà. Emen.

1 John 2:23

Masapùla tamù'nawàlà Imu nulunpannan uya nàlà Kùkàipùnù nulunpa màlà; mùkyamlo Imu yanùnnài nan uya nàlà Kùkàipùnù yanùmù màlà.

1 John 3:18

Umunkà yamùk! Pùnùnmantok kùuya'nokon imaimuppù pe neken nà kùsettak molopai uselupantok pe neken nà; tùse i'napailon ailon uchi'nùnmantok pe iwechi, welaikantok yau tùusensen pe.