Colossians 3:16 - Patamuna New Testament Revised

¹⁶ Tàwà Christ uya enupantok eyewan kon yau nechii tamù'nawàlà. Mepanamatàik molopai mepùikattàtàik tamù'nawolon ànùttu kon yawàlà. Tenki tetok itewan yau echii'ma meselenpatàik David yelemu pàk, Katù yapulànài elen mùkuttàk Wakù Akkwalù nùtùlùssan pàk meselenpatàik.

Colossians 3:16 ပူးပေါင်းရင်းမြစ်များ

Matthew 26:30

Molopai nen uchi elen pàk tok uselenpappù molopai tok utàppù Olive Tùpù pona.

Luke 2:51

Màlàyau Jesus wennapoppù tok ya'là Nazareth pona. Màlà motau tok maimu yawàlà iwechippù. Ichan uya tamù'nawàlà sàlà yamùk kupùppù tewan yau.

John 15:7

Uyau ewemapù kon yau, molopai umaimu wechi ayau'nokon yau, iche ewettok yekamappokà molopai elepa màlà.

Romans 10:17

Màlàpàk uchi ailon tetok màlà tùuyàssen itekale yeta winà, molopai itekale tùuyàssen Christ yekama yai.

Romans 15:14

Utonpa yamùk, Iulà uyiwalà nùttuyan wakù pe we'nàtok ke awanùssak kon, tamù'nawolon tùttusan ke molopai kappon yenupanài yeppe ewechi kon àkklottau'nokon.

1 Corinthians 14:15

Màlàpàk yà'là kupù uya ken? Wàpùlema màlà uyakkwalù ke molopai usenumenkatok ke nàlà wàpùlema màlà, uselenpa màlà uyakkwalù ke molopai usenumenkatok ke nàlà uselenpa màlà.

1 Corinthians 14:26

Yà'là te uya ken sàlà, utonpa yamùk? Katù yapulàse ewepilichak kon yau, tamù'nawolon kon wechi telemu ke, wapùla enupantok yesappe, tenpoikasen yesappe, wapùla itekale tùulon mayin yau, wapùla yà'là tesak lùppù yekamatok yesappe. Tamù'nawàlà sàlà yamùk wechi màlà Katù ponalok kon meluntàlùtanù'nài pe tùkussen pe.

Ephesians 1:17

Kùyepulu Jesus Christ Katùyi Kùkàipùnù wakù pe tùwessen tapulàtok yau, yekamapponài Iulà Wakù Akkwalù uya pukkeppe àkonekatok kon pe molopai Katù ittu kon pa yekamatoppe ya àpàkù'nokon.

Ephesians 5:17

Pakko pe uchi kettàu, tùse Itepulu Jesus wettok ikupù auya'nokon iche ittuiche ettàk kon.

Ephesians 5:19

Àtonpa kon pokonpe eselupatàk kon David yelemu maimu yau, elen yamùk Wakù Akkwalù winàpaino yekkwa ton pàk eselenpatàk kon Katù winàkàik, yapulàtok itewan yau echii'ma.

Ephesians 5:26

Sochi konekappù ya màlà wakù pe tùmaimu yapàikettù winà, molopai wakù pe ikonekappù ya ikolùka tùuya tuna ke winà.

Colossians 1:28

Màlàpàk Christ yekamannan ina tamù'nawolon kon kappon yamùk pàk. Tamù'nawolon kon yekamaponnan ina molopai tok yenupannan, tamù'nawolon pukkek ke, tamù'nawolon kon nettoppe Katù yemloto pona wakù pe tamùnawàlà ipùkkù pe neken pùla Christ kasa kulu nen uchi.

Colossians 1:9

Màlàpàk tàwàlàlà ina tùwàpùlemasan àpona'nokon wapiya kulu eyekale kon yetappù ina uya motapai. Katù yekamapponnan ina ayanùkka tok kon pe ya teselu ittutok ke, tamù'nawolon pukkeppe we'nàtok molopai ittuntok Wakù Akkwalù nùtùlù ke.

Colossians 4:6

Tàwàlàlà euselupatok kon wakù pe nechii, àsà pe pùla enetapai we'nàtok pe. Molopai i'nai kasa là tamù'nawolon kon maimu yeitok ikasa tùttuik mettàik.

1 Thessalonians 1:8

Masapùla Itepulu yekale utàsak man mailàlà ewinà'nokon Macedonia molopai Achaia yau neken pùla, tùse ailon tetok auya'nokon Katù pàk yekale utàppù man mailàlà. Yà'làlà àpàkù'nokon ina nekama woton pùla man.

1 Thessalonians 4:18

Màlàpàk meluntà pe ettàk kon eyewan kon ipittàtàk kon sàlà mayin ke.

2 Thessalonians 3:15

Tùse eyeyaton kon pe kùkkuttàu, wapùla làkku, yekamappotàk kon àtonpa kon kasa.

1 Timothy 6:17

Tukke itemamin nai'nannùk sàlà motau wema'nàtok yau yekamapokkà. Itekkwa pe tok kùsekkuttak molopai enpen tok kùsettak temamin kon sa'man pe pùla tùwe'lachimasen pe nai'nùk pàk, tùse Katù pàk làkku enpen tok nechii, mùkkàlà tùweleutàik pùla tamù'nawolon ke lepanyai'nùk tapulàsen pe nai'nùk ke.

2 Timothy 3:15

molopai mùttuyaik mule pe ewechi motapai Wakù Katù Maimu ituppù auya, pukkek pe we'nàtok ke elepanài màlà wepùikattàtok yak anài ailon tetok Christ Jesus yau.

Titus 3:6

Katù uya Jesus Christ kùpùikattànài'nokon yeunokoppù màlà Takkwalù ke lepantoppe tùuya.

James 1:5

Tùse ànù'là àkklottau'nokon nai'nùk wechi pukkek pùla yau, nàpùlemaik, itùnài tùpyak yekamappoi; masapùla Katù mùkkàlà lepanài tùusetakkaik pùla molopai tùusàulàmaik pùla tamù'nawolon kon pàk.

James 3:17

Tùse pukkeppe we'nàtok màlà epùn poino, wapiyalok kulu wakù esukenan; ewan wàlàkattok, tenpe àsà pe pùla we'nàtok tùwanmùla, alomùla, molopai echitonpa pe ku'nài; usentupantok ke iwanùssak màlà, molopai wakù eselu ne'nài; tamù'nawolon kon namatok e'kkaichalà yenpoikanài molopai ennakanài pùn.

James 5:13

Ànù'là na' molo nai àkklotau'nokon tùwettalumattàsen? Tàwà nàpùlemai. Ànù'là na' nùtauchinpayan àkklottau'nokon? Tàwà nùselenpai Katù yapulà pe.

1 John 2:14

Emenuka kon uya sàlà, umunkà yamùk lùkkwà, masapùla Kùkàipùnù kon ittusak auya'nokon pàk. Emenuka kon uya sàlà, papai yamùk, masapùla Mùkkàlà iwepyattà motapai iwessak lùppù ittusak auya'nokon pàk. Emenuka kon uya sàlà, umoine ton, masapùlà meluntà pe ewechi kon pàk; Katù Maimu wechi ayau'nokon pàk molopai Ene Makui yentaikasak auya'nokon man.

1 John 2:24

Itekale enetappù kon iweppyattà motapai mùkuttàik eyewan kon yau. Molo eyewan kon yau iwechi yau, ewemapù kon màlà tàwàlà Kùkàipùnù molopai Imu pokonpe.

1 John 2:27

Tùse amyamlo, Christ uya Takkwalù ikkwansak màlà àpona'nokon. Yakkwalù wemapù ayau'nokon kaichalà, ànù'là eyenupa kon woton iche ewechi kon pen màlà. Masapùla Yakkwalù uya eyenupa kon tamù'nawolon pàk pàk, molopai màlà enupantok ya ike màlà ailon, kasei pen. Yakkwalù uyaichi enupantok yawàlà ettàk kon, molopai Christ yau ettàk.

2 John 1:2

masapùla ailon wechi kùyau'nokon pàk molopai tàwàlàlà kùpyau'nokon iwechi màlà.

Revelation 14:3

Satippe tok wechippù màlà aponnok yemloto po, asakùlà'nan kon nulànan kon ànùkyan nànan molopai Katù ponalok kon wapiyalok kon kappon yamùk 24 pan kon yemlotopo. Molopai emennak elen yelenpappù tok uya ànù'là usenupatok ipàk pen tùse mùkyamlo 144,000 pan kon neken ye'masak kon non poi.

Revelation 15:3

Moses, Katù yapyoto, yelemu pàk tok uselenpappù, molopai Kalinilu Mule yelemu, “Itepulu Katù, Mùkkàlà neken Meluntà, eke pe molopai wakù kulu kupùppù auya man! Tamù'nawolon pata yamùk Kinù, ikasa molopai ailon pe eyeselu man!

Revelation 19:10

Wekkawai'mappù itta piyau yapulàtoppe uya, tùse upàk, “Kùkkupùi! Apyoto Iulà àtonpa, molopai àtonpa yamùk tonpa tamù'nawàlà mùkyamlo ailon Jesus nenpoikappù yawàlà tùwemassan tonpa. Katù yapulàkà!” teppù ya. Masapùla màlà ailon, Jesus nenpoikappù uya màlà Katù Maimu yenpoikannan kupùppù tok uselupa toppe.

Revelation 5:9

Tok uselenpappù emennak elen pàk: “Wakù pe messaik sàlà kaleta yekkwa'nài yeppe, molopai yachittok yamùk ikkwà'nài pe. Masapùla àwànàppù màlà, molopai àmùnù winà kappon yamùk ye'mappù auya man Katù ponaloppe, tamù'nawolon kon kappon yamùk kùlottapai, tùpatalo'nan kon imaimu, tùpatalo'nan kon ikkok, molopai tùpatalo'nan kon kappon yamùk.