Colossians 3:13 - Patamuna New Testament Revised

¹³ Eyeselu kon tùpàlikaik ettàk, molopai ànù'là kappon pàk esentupatàk, ànù'là àkklottawon kon usàulàmasak tùulon kon winàkàik yau. Ànù'là pàk mesentupatàik Itepulu Jesus usentupasak àpàkù'nokon nai'nùk kasa làma.

Colossians 3:13 ပူးပေါင်းရင်းမြစ်များ

Matthew 5:44

Tùse tekamayaik àpàkù'nokon, eyeyaton kon i'nùnmatàk kon, molopai atalumattànnan pona màpùlematàik.

Matthew 6:12

Ina makuyi pàk esentuppakà. Ina winàkàik iwemakuimassak kon pàk nàlà ina nùsentupayai'nùk kasa.

Mark 11:25

Àwàpùlema yau ànù'là uya àli kussak ewinàkàik ittu auya yau ipàk esentuppakà. Katù, Àkàipùnù epùn pon usentuppatoppe nàlà amakuyi pàk.

Luke 11:4

Ina makuyi pàk esentuppakà ina pàk, masapùla tamù'nawolon kon ina winàkàik iwemakuimasak kon nùssan pàk nàlà ina nùssentupayan. Molopai ina kùsalài sa'man ittuntok yak [tùse ina ikukkà Ene Makui winàpai].

Luke 23:34

Jesus uya, “Tok pàk esentuppakà, Ukàippùnù. Yà'là kupù tùuya'nokon ittu tok uya pùla man,” teppù. Tok uya ipon pantakappù màlà tùklottau'nokon elekkwà lùkkwà tàk walai tenu'mapàsse.

Romans 15:7

Àtonpa kon yanùntàk kon, Christ uya ayanùnsak kon nai'nùk kasa Katù yapulàtok ipàkàlà pe.

2 Corinthians 2:10

Kappon pàk eusentuppa kon àli inkupùppù pàkànsau yau, ipàk nàlà usentuppa màlà. Usentuppasak ipàk lùppù wechi yau, usentuppasak màlà àpàkànsau'nokon Christ yemloto po.

2 Corinthians 6:6

Wakù pe we'nàtok yau, pukkeppe we'nàtok yau, pàlikantok yau, molopai usentuppantok yau, Wakù Akkwalù yau, molopai ailon pùnùnmantok ina uya yau,

Galatians 6:2

Àtonpa kon ipùikàttàtàk kon inalà yalà pàk. Molopai sàlà kasa màlà Christ law yawàlà ewechi kon.

Ephesians 4:2

Àssà'mùla ettàk kon, àsà pe pùla, molopai pàlikanài pe tàwàlà. Pùnùnmantok auya'nokon yenpoikatàk kon àtonpa kon yeselu pàlika auya'nokon winà.

Ephesians 4:32

Tùse làkku tùusentuppaik ettàk kon molopai sa'man pe pùla itewan echiwinàkàik, molopai esentuppatàk kon àpàkù'nokon Katù usentupasak àpàkù'nokon Christ yau kasa.

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

Colossians 3:12

Katù uya à'nùnma kon màlà molopai tùponalok kon pe kulu ayanùnsak kon ya. Màlàpàk esuken emattàk, tùusentuppaik, wakù pe, àssà'mùla, tenpe, molopai pàlikanài nan pe.

James 2:13

Masapùla Katù uya usentuppantok yenpoika pen màlà kappon ichentuppasak lùppù pen pàk “Àli pe messaik wapùla wakù pe messaik” te tùuya yau; tùse usentupantok màlà “àli pe messaik wapùla wakù pe messaik,” tawon yentaikanài.

1 Peter 2:21

Sàlà màlà Katù uya àkà'mappù kon yak; masapùla Christ wettalumattàppù àponalok kon pe pàk iwettalumattàtok winà eusenupa kon pa molopai itta ye'mappù yawàlà àutà kon pa.