Colossians 3:1 - Patamuna New Testament Revised

¹ Àwuluukasak kon man wema'nàtok yak Jesus Christ pokonpe. Eyewan kon uchi itùtàk kon màlà yamùk epùn po nai'nannùk pàk, Christ wettok chichiupe tapon po kamik pen Katù yemyatù winon namantok patassek winà.

Colossians 3:1 ပူးပေါင်းရင်းမြစ်များ

Matthew 26:64

Jesus uya yeikuppù, “Wa mùkayatàik làkku tà. Tùse tekamayaik àpàkù'nokon, sàlà motapai yene auya'nokon màlà Kàyik Mumu wechi chichiu pe apàikeppe tùwessen kamikù pen winà, molopai iyàpù katuppluk po epùn poi!” tukaik.

Matthew 6:20

Tùse làkku, epùn po mamin ipilikà, ikalanpanài molopai ene yamùk lùkkwà uya imattanùttok pen yau, molopai amak ton wewontok yonanse pata pen yau.

Matthew 6:33

“Tùse làkku, wapiya itepulu pe iwettok yemyak ettùtàk kon, molopai tamù'nawàlà iche iwettok kasa molopai tamù'nawolon sàlà yamùk tùlù ya màlà eyemyak kù'nokon.

Mark 12:36

“David uya Wakù Akkwalù yapàikketù yau, ‘Itepulu uya Uyepulu pàk, Eleutakà upyau, kamik winà pùla, eyeyaton yamùk nonka uya atta yokkoik ponalà,’ teppù.

Mark 14:62

Jesus uya imaimu yeikuppù, “Iulà mùkkàlà,” molopai Kàyik Mumu wechi màlà chichiupe yene auya'nokon tùmeluntàlù kenan kamik pen. Tamù'nawàlà Apàikkek winà, molopai iyàpù yene nàlà auya'nokon màlà epùn poi katuppluk yau,” tukaik.

Mark 16:19

Itepulu Jesus uya tùnenupa ton nùssan yelupasak tùpo, yanùmùppù Ikàipùnù uya epùn pona. Màlàyau iweleutappù Katù yemyatù kamik pen winà.

Luke 12:33

Itesak pe ewettok kon ichilanmatàk kon, molopai entuppa'nokon yemyak pùlayatta itùtàk kon. Tùupoippàtasen pen àpùlayattayi kon yen ikonekatàk kon molopai emamin kon ikuttàk kon epùn po. Màlà motau iwu'matù pen màlà, masapùla amak là wewomù pen màlà, molopai ene yamùk uya là yanù pen.

Luke 20:42

Masapùla David uya, ‘Itepulu uya Uyepulu pàk, Chichiu pe ekkà sà motau ulaitannù winà.

Luke 22:69

Tùse sàlà motapai Kàyik Mumu weleuta màlà tapon pona, kamik pen winà Katù piyau. Katù mùkkàlà tamù'nawolon yau meluntà,” tukaik.

Yeunossak kon Wotokoyi 2:34

David là wenukuppù Epùn pona pen, tùse, ‘Itepulu uya wa teppù Uyepulu pàk, eleutakà talà kamik pen winà,

Yeunossak kon Wotokoyi 7:55

Tùse Stephen wanùssak Wakù Akkwalù ke uya, tenu tùlùppù epùn winàkàik, molopai Katù yakkwayi yeneppù ya molopai Jesus wechi satippe kamik pen Katù yemyatù winà.

Romans 8:34

Ànù'là uya ken na' uchi tok talumattà? Ànù'la pùla iwechi màlà masapùla Christ Jesus mùkkàlà iwelichak lùppù, molopai iwuluukasak lùppù weli'nàtok yapai molopai sàlà pe namantok patassek kamik pen Katù yemyatù winà man. Katù pawanattànài mùkkàlà kùponalok kon pe!

Romans 8:6

Àli kappon yeselu wechi màlà weli'nàtok ne'nài pe. Tùse eusenumenkatok kon yepulu pe Wakù Akkwalù wettok màlà wema'nàtok molopai echitonpa pe we'nàtok ne'nài.

2 Corinthians 4:18

Masapùla tensan pe nai'nannùk pàk tenu kon tùsak ina uya pen nai'nùk, tùse yene pùla nai'nannùk pàk làkku. Màlà tensan pe nai'nannùk màlà tùuko'mansan tachinpe pen, tùse tensan pe pùla nai'nannùk màlà tùuko'mansen tàwàlàlà.

Ephesians 4:10

Màlàpàk mùkkàlà iwuttàsak lùppù mùkkàlà iwenussak lùppù kakàik kak yepoi molopai miya itentak, tamù'nawolon yanùkkase molo tùwechi ke.

Ephesians 5:22

Tùtayappù kenan kon, atayappù kon yentai kettàu, Itepulu yemyau ewechi kon kasa.

Colossians 2:20

Ewelichak kon màlà Christ pokonpe màlàpàk àpùikattàsak kon màlà kawon kon akkwalù yamùk meluntàlù winàpai. Yà'là pe iwechi pàk sàlà yekkwa ton maimu yawolon kon amyamlo?

Colossians 3:2

Eusenumenkatok kon ikuttàk kon màlà yamùk epùn po nainannùk pàk, sàlà motawon kon yà'làlà pàk pùla.

Hebrews 1:13

Katù uya tùyinchelùyi yamùk tonpa pàk là, “Eleutakà talà ulaitanù winà, eyeyatonnon nonka uya atta yapon pe ponalà,” tesak pùla iwechi màlà.

Hebrews 1:3

Katù Mumu mùkkàlà tùulenpansen Katù yakkwayi ke. Katù yenpoika ya tamù'nawàlà, molopai tamù'nawolon tùnkonekappù yachinài mùkkàlà apàikkek tùmaimu ke. Wakù pe, tok uya àli kuttok yapai kappon yamùk kupù tùpo, iweleutappù màlà epùn po wakù kulu patassek Eke kulu Katù laitanù winon yak.

Hebrews 10:12

Tùse pùsàlà, Christ, uya tewin itekkwa neken tùwenukassen pen tùtùsen tùlùpù màlà makui winàpai pùikattànài pe. Màlàyau iweleutappù Katù laitanù yak.

Hebrews 12:2

Jesus yenpai'nokon man. Mùkkàlà ailon tetok kùuya'nokon piyattànàippù molopai ikasa kulu iku'nài mùkkàlà. Masapùla mùkkàlà uya tùutauchinpatok yepolo tùuya ite'mappùtak ittu tùuya pàk, tùwelittok pàlikappù pulusuk pàk, wekuli'mantok pàk iichenumenka pùla. Molopai sàlà pe nen uchi chichiupe man Katù laitanù winà yapon piyau.

Hebrews 8:1

Sàlàichi màlà ina wettok yekama iche. Pùsàlà, eke kulu paatele, yesappe we'nà'nokon man. Mùkkàlà chichiu pe tùwessen kamik pen winà Katù eke pe tùwessen yapon piyau epùn po.

1 Peter 3:22

Itàppù nai'nùk epùn pona, molopai namantok pata yau Katù yemyatù kamik pen winà nai'nùk. Tamù'nawolon kon inchelù yamùk yepulu mùkkàlà, tamù'nawolon kon apàikkek ton molopai tamù'nawolon kon meluntà ton yepulu.