Colossians 2:2 - Patamuna New Testament Revised

² Sàlà ku'nài Iulà tok yewan wenatoppe meluntà peiwa. Echi'nùn pe tok wettoppe tamùkke, tamùnawàlà wakù ton yepotoppe tok uya ittu tùuya'nokon tamù'nawàlà ipùkkù pe neken pùla winà. Màlà kasa tok uya Katù nùkupù tùttusen pe pùla ittu màlà, mùkkàlà ichi Christ.

Colossians 2:2 ပူးပေါင်းရင်းမြစ်များ

Matthew 11:25

Màlà yattai Jesus uya wateppù, “Ukàipùnù, epùn molopai non yepulu! Tenki ukayaik àpàk. Masapùla pukkek ton molopai ichenupasak kon winàpai ànonamùppù yenpoikasak auya, mule yamùk yemyak pàk.

Matthew 11:27

“Ukàipùnù uya ulepasak màlà tamù'nawolon yà'làlà ke. Ànù'là pùla iwechi màlà Imu ittunài tùse Ikàipùnù neken, molopai ànù'là pùla iwechi màlà Ikaipùnù ittunài tùse Imu neken, molopai mùkyamlo ipàk Imu wettok enenpoikapai,” teppù ya.

Matthew 13:11

“Tùttusen pen Itepulu pe we'nàtok epùn po ittutok tùsak man apyakù'nokon. Tùse mùkyamlo piyak pùla,” tukaik Jesus uya tok maimu yeikuppù.

Luke 1:1

Tùnamasen Theophilus! Tukkan kon uya tùnùttu kon kussak man màlà yamùk iwekkussak lùppù kùklottau'nokon yekale menuka pàk.

John 10:30

Ukàipùnù molopai Iulà tawonnan mùkyamlo tewinan,” teppù Jesus uya.

John 10:38

Tùse iwotokoyi kupù uya yau, ailon te auya'nokon upàk pùla là tùse, eke ton wotoko kupù uya pàk ailon katàk, Ukàipùnù wechi uyau yene kon pa molopai nàlà Ukàipùnù yau wechi ittukonpa,” tukaik.

John 16:15

Tamù'nawolon Ukàipùnù itesak pe nai'nùk màlà uponalok. Màlàpàk uchi Akkwalù uya màlà uselupatok yalà molopai yekama ya àpàkù'nokon, te uya nettai nùk,” teppù Jesus uya.

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

John 5:17

Tùse Jesus uya tok pàk, “Ukàipùnù mùkkàlà tùwe'wotokomasen tàwàlàlà, màlàpàk Iulà nàlà we'wotokoma màlà,” tukaik.

John 5:23

Tamù'nawolon kon uya Imu nama toppe, Ikàipùnù nama tùuya'nokon kasa. Ànù'là Imu namanài pen uya Ikàipùnù yeuno'nàippù nama pe pùla iwechi màlà.

John 6:69

Ailon nùkayan ina, molopai ina nùttuyan wakù kulu àmàlà Katù winàpaino,” tukaik.

Yeunossak kon Wotokoyi 4:32

Ailon tawonnan wechippù tewin ichenumenkatok molopai tewin itewan. Ànù'là uya temamin pàk uponalok sàlà teppù pen, tùse tok uya tamù'nawolon tùpyawon'nokon yekamùppù tùklottau'nokon.

Romans 15:13

Tàwà uchi Katù enpen we'nàtok uyàttok iwinà ayanùkkai'nokon tamù'nawolon utauchinpantok ke molopai echitonpa pe we'nàtok ke, ailon te auya'nokon ipàk yawàlà, Wakù Akkwalù meluntàlù winà enpen ewettok kon yau meluntà pe kulu ewechi kon pa.

Romans 16:25

Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau.

Romans 2:4

Wapùla ka' Katù wettok wakù pe ku'nài àmàlà i'nùmla lù? Wapùla pàlikantok ya molopai tùusentuppatok yau alikyeppe eyenpàtù ya. Mùttuyan uchi yà'là pe iwechi pàk Katù wechi tùusentuppasen pe? Masapùlaichi àli pe ewettok kon winàpai ewelattà kon iche tùwechi pàk.

1 Corinthians 14:31

Masapùla tamù'nawàlà là Katù Maimu yenpoika auya'nokon màlà, esse'mappù pàk, tamù'nawolon kon usenupatoppe molopai tok meluntàtanùttoppe ya.

1 Corinthians 2:12

Wolù winon akkwalù yeposak kùuya'nokon pen nai'nùk, tùse Akkwalù Katù winàpaino, Katù uya lepansakù'nokon nai'nùk ittutok kon pe.

Galatians 3:28

Màlàpàk tùpatalà we'nàtok pùla iwechi màlà Jew yamùk molopai Jew yamùk pen kùlottau, apyoto ton molopai apyoto ton pen kùlottau, kàyik yamùk molopai nossan yamùk kùlottau, tamù'nawàlà tewin ewechi kon màlà Christ Jesus yau.

Ephesians 1:7

Masapùla Christ mùnù yai wepùikattànsak nokon màlà, kùmakuyi kon pàk usentupansak. Eke kulu màlà wakù pe we'nàtok Katù winàpaino,

Ephesians 3:16

Katù yekamapponài Iulà, tukkan wakù ton epùn pon ke elepatokkonpe ya meluntà Wakù Akkwalù yai, meluntà pe ewechi kon pa ayakkwalù kon yau.

Ephesians 3:3

Katù uya tùttusen pen tùnkupù yenpoikappù molopai yekamappù ya upàk. Sàlà pàk uselupappù malalà emenuka kon uya wapiya.

Ephesians 6:22

Màlàpàk uchi yeunoko uya sàlà apyakù'nokon. Atta là tamù'nawolon kon ina wechi yekamatoppe ya àpàkù'nokon, molopai màlà kasa eyewan kon meluntàtanùpù kon pa.

Philippians 2:1

Ewemattok kon na' Christ yau meluntà pe àkussatàu? I'nùn na' eyewan kon ipittàyan? Wakù Akkwalù pokonpe na' echitonpa pe we'nàtok yesappe messatàu? Usentupantok molopai ànù'là kappon pùnùnmatok auya'nokon yesappe na' messatàu?

Philippians 3:8

Yà'làlà wakù, Christ Jesus Uyepulu tùttuyai'nùk walai pùn. Tamù'nawolon nonkasak uya sàlà. Molopai tenu'masen àlitta kasa ikupù uya, Christ neken nen uchi iche wechi.

Colossians 1:26

Tachinpe sàlà itekale wechippù màlà tùttusen pe pùla tamù'nawolon kon winàpai ikussak pe molopai yonansappe nàlà. Tùse yenpoikasak ya nen uchi sàlà Katù ponalok kon kappon yamùk yenu yak.

Colossians 1:27

Katù uya sàlà kupùppù màlà masapùla Jew yamùk pen uya sàlà wakù kulu molopai tùttusen pen ittu iche tùwechi pàk. Molopai màlà tùttusen pen màlà Christ wemapù ayau'nokon molopai mùkkàlà, mùkkàlà enpen ewettok kon Katù yapulàtok pùkkù pe ewechi kon pàk.

Colossians 1:9

Màlàpàk tàwàlàlà ina tùwàpùlemasan àpona'nokon wapiya kulu eyekale kon yetappù ina uya motapai. Katù yekamapponnan ina ayanùkka tok kon pe ya teselu ittutok ke, tamù'nawolon pukkeppe we'nàtok molopai ittuntok Wakù Akkwalù nùtùlù ke.

Colossians 2:19

Christ pùkkù pe tok wechi pen nen uchi màlà. Christ mùkkàlà esak ippai molopai esak meluntàlùttànài màlàpàk usese'muttàpà'nàtok, kala yamùk yapulànài tamùkke iku'nài pe Katù yapàikketù yau ichemokka tùse.

Colossians 3:14

Molopai tamù'nawolon sàlà yamùk yentaino ke itonpattàtàk uchi'nùnmantok ke tamù'nawolon ku'nài tamùkke tewin.

Colossians 4:3

Màlà yattai nàlà ina pona màpùlematàik ina pùikattàtoppe ya. Molopai ina lepatoppe ya Tekale yekamatok ina uya yattai ke, Christ winàpaino Wakù Itekale pena ittusak lùppù pen yekamatoppe ina uya. Màlà pàkànsau sàlà patikichi tau wechi nai'nùk.

Colossians 4:8

Màlàpàk uchi yeunoko uya màlà apyakù'nokon, ayauchinpa tok kon pe ya atta là tamù'nawolon kon ina wemapù yekama tùuya ke.

1 Thessalonians 1:5

Masapùla Wakù Itekale nepùppù ina uya màlà apyakù'nokon, imaimuppù lùppù pe neken nà pùla. Tùse tùmeluntàlù ke Wakù Akkwalù pokonpe nàlà molopai tamù'nawàlà eyewan yelupatok ya ikasa pokonpe. Mùttuyatàik ina wemapùppù apyau'nokon tùwechi kon yau àponalok kon pe.

1 Thessalonians 3:2

Ina uya Timothy yeunokoppù apyakù'nokon, ina tonpa molopai Katù poitolù molopai Wakù Christ yekale yekamanài. Ina neunottai emeluntàlùttàtok kon pe ya molopai ailon tetok auya'nokon pùikattàtoppe ya,

1 Thessalonians 5:14

Ina apawanattàyatàu ina tonpa yamùk,s tùwe'wotokomasan pen yekamappo kon pa, kuli'nau tùwessan meluntàtanùppù kon pa, attu'mùnon pùikattà kon pa, molopai tamù'nawolon kon kappon yamùk kùlottau ewemapù kon pa, tok pàk tùusetakkaik pùla.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

Hebrews 10:22

Màlàpàk uchi mei pùla Katù piyak uyà'nàpai'nokon, ailon pe itewan molopai ailon tettok Katù pàk yau ittui'ma kulu, àli winàpai ikukasappe kùyewan kon, molopai kùyesak kon ikukasappe esukenan tuna ke.

Hebrews 6:11

Wakù kupù pàk ewettok kon ewemapù kon kaichalà iche kulu ina man iwenukappù ponalà, màlà enpen ewettok kon wechi ailon pe yenpoikanài pe.

2 Peter 1:10

Màlàpàk uchi, utonpa yamùk, ànùttu kon ikuttàk kon Katù uya kà'mantok molopai ayanùntok kon ya ittu kon pa, masapùla sàlà kupù auya'nokon yau meluntà pe ewechi kon màlà ewekkawai'ma kon pen.

2 Peter 1:3

Katù yapàiketù uya tamù'nawolon iche kulu we'nàtok ke lepansakù'nokon màlà wema'nàtoppe molopai imaimu yawàlà we'nàtoppe. Sàlà yeposak màlà kùuya'nokon masapùla ittu kùuya'nokon pàk mùkkàlà kùkà'manàippù kon tapulàtoppe molopai wakù pe tùwettok pùkkù pe we'nàtoppe ittutok kùuya'nokon yai.

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.

1 John 3:19

Sàlà kasaichi màlà ailon ponaloppe we'nà'nokon ittu. Sàlà kasa màlà kùyewan kon wàlàkkassak wechi Katù yemloto po ittu.

1 John 5:7

Masapùla pùsamlo àsolùwawon kon mùyamlo yekamannan.