Colossians 2:19 - Patamuna New Testament Revised

¹⁹ Christ pùkkù pe tok wechi pen nen uchi màlà. Christ mùkkàlà esak ippai molopai esak meluntàlùttànài màlàpàk usese'muttàpà'nàtok, kala yamùk yapulànài tamùkke iku'nài pe Katù yapàikketù yau ichemokka tùse.

Colossians 2:19 ပူးပေါင်းရင်းမြစ်များ

Luke 5:38

Kane! emennak tinchisen yemaika nen màlà emennak wai yak.

John 17:21

Tamù'nawàlà tewin tok wettoppe, Ukàipùnù, uyau messai'nùk molopai ayau wessai'nùk kasa, kùyau nàlà tok nechii, wolù yawon kon uya ailon te toppe uyeunossak auya pàk.

Yeunossak kon Wotokoyi 4:32

Ailon tawonnan wechippù tewin ichenumenkatok molopai tewin itewan. Ànù'là uya temamin pàk uponalok sàlà teppù pen, tùse tok uya tamù'nawolon tùpyawon'nokon yekamùppù tùklottau'nokon.

Romans 11:17

Imainanpasak olive panta yamùk tonpa wekkwàtùppù man, molopai imainanpasak pen panta ki'masak man ipatappù yak. Amyamlo Jew yamùk pen wechi màlà imainanpasak pen olive yek kasa. Molopai nen uchi Jew yamùk meluntàlù molopai wakù wema'nàtok pùkkù pe ewechi kon màlà.

1 Corinthians 1:10

Apawanattàyatàu Iulà utonpa yamùk, Kùyepulu kon Jesus Christ yesek yau, tamù'nawàlà tewin ichenumenkatok ewechi kon pa wepantakantok wechi molo àkklottau'nokon tukaik, echitonpa pe ettàk kon tewin neken ichenumenkatok.

1 Corinthians 11:3

Tùse ittu auya'nokon iche wessaik Christ wechi tamù'nawolon kon kàyik yamùk ippai pe, molopai nossan ippai pe kàyik wechi, molopai Christ ippai pe Katù wechi.

1 Corinthians 3:6

Itenappà pàmàppù uya màlà, Apollos uya ikipùppù, tùse Katù mùkkàlà iwattatoppe iku'nàippù.

Ephesians 1:22

Katù mùkkàlà tamù'nawolon tùnài Christ pùta yokkoik molopai itùnài sochi yepulu pe tamù'nawolon yepoi.

Ephesians 1:23

Sàlà Sochi wechi màlà Christ pun pùkkù pe, tamù'nawàlà iku'nài pe tamù'nawolon yanùkkanài pe i'nai yekkwa yawàlà là.

Ephesians 2:21

Mùkkàlà uchi mùkkàlà tamùsen yamùk yachinài tamùkke, wakù esukenan Katù Yùwùk pe itùsak, Itepulu yapulàtok iwinà pe.

Ephesians 4:3

Ànùttu kon ikuttàk kon tewin ewettok kon Wakù Akkwalù nùtùlù kupù kon pa echitonpa pe we'nàtok ayachinài'nokon tamùkke winà.

Ephesians 5:29

Ànù'là tewanma pe tùpun ku'nài pùn. Tùse tùusewessen làkku mùkkàlà molopai tùwemainanpasen, Christ uya sochi kupù kasa kulu.

Philippians 1:27

Tùse yà'là pe là wechi pe iwechi yau, Christ yekale nekama yawà memattàik tàwàlà. Màlàyau nen uchi eyense'nokon utà wapùla utà pùla là iwechi tùse eyekale kon neken nà yetatoppe uya, tamùkke tewin itewan, tewin ichenumenkatok, molopai meluntà pe ewechi kon wakù itekale ponaloppe yetatoppe uya.

Colossians 1:10

Màlàyau nen uchi Itepulu Katù wettok iche kasa tùwemassan pe ewechi kon màlà. Molopai yauchinpanài pe nai'nùk kupù auya'nokon. Ewemattok kon wechi nen uchi tepelu ke màlà, wakù ton yà'là yekkwa là wotoko kupù auya'nokon yau. Molopai Katù ittutok auya'nokon yau eusemokka kon.

Colossians 1:18

Ailon tawonnan sochi tukaik tesassan ippai mùkkàlà, mùkyamlo wechi màlà ipùkkù pe. Tamù'nawolon màlà iwinàpaino. Wapiya kulu iwe'wuluukasak lùppù mùkkàlà weli'nàtok yapai. Màlàpàk Jesus wechi màlà tamù'nawolon yentai.

Colossians 2:2

Sàlà ku'nài Iulà tok yewan wenatoppe meluntà peiwa. Echi'nùn pe tok wettoppe tamùkke, tamùnawàlà wakù ton yepotoppe tok uya ittu tùuya'nokon tamù'nawàlà ipùkkù pe neken pùla winà. Màlà kasa tok uya Katù nùkupù tùttusen pe pùla ittu màlà, mùkkàlà ichi Christ.

1 Thessalonians 3:12

Tàwà Itepulu àtonpa kon pùnùnmatok auya'nokon molopai tamù'nawolon kon pùnùnmatok auya'nokon konekai ichemokkatoppe eke pe molopai eke peiwa molopai tàwà eke pe ina uya à'nùnmatok kon kasa kulu nenai .

1 Thessalonians 4:10

Molopai sàlà kasa ewessak kon man tamù'nawolon kon ailon tawonnan, àtonpa kon yamùk, Macedonia pon kon pàk. Màlàpàk miyaiwa eke peiwa ikupù kon pa ina apawanattàyatàu, ina tonpa yamùk.

2 Thessalonians 1:3

Tenki te kulu sàlà ina uya Katù pàk àpàkànsau'nokon tàwàlà, utonpa yamùk! Sàlà wechi màlà ikasa, masapùla ailon tetok auya'nokon Christ pàk yawàlà ewettok kon nenayan meluntà pe, molopai eke pe, molopai euchi'nùnmatok kon nenayan tense eke peiwa.

1 Peter 3:8

Màlàyau sàlà yekama uya àpàkù'nokon: tamù'nawàlà tewin usenumenkantok yesappe mettàik molopai ekkaichalà usentupantok tùulon kon pàk; ànù'là kappon i'nùnmatàk kon àtonpa kon kulu pùnùnma auya'nokon kàsa, molopai tùusentuppasen pe ettàk kon molopai àsà'mùla, àsà pe pùla ànù'là kappon pokonpe.

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.