Colossians 2:16 - Patamuna New Testament Revised

¹⁶ Màlàpàk àli pe ànù'là kùsselupatak annapù kon wapùla eninchi kon pàk, wapùla Jew yamùk nùkupù tùnamasen kupù auya'nokon pùla iwechi pàk, uta'lettàntok yekkwa wapùla kapùi wepakkasak emennak pe yattai tùkussan, molopai tùnamasan Jew yamùk wàlàkkattok yattai nokon pàk.

Colossians 2:16 ပူးပေါင်းရင်းမြစ်များ

Matthew 15:11

Màlà kappon mùtak tùutàsen màlà àli pe iku'nài pen. Tùse làkku, màlà intapai nepakkayai'nùk màlà àli pe iku'nài,” teppù ya.

Mark 7:19

Masapùla eyewan yak iità pen màlà, tùse àlotta yak. Molopai yenpakka auya àlotta yapai,” teppù Jesus uya. (Tamù'nawolon kùyali màlà tùnassen pe ikussak, te Jesus uya pe iwechippù.)

Yeunossak kon Wotokoyi 15:20

Tùse, kaleta menukapai'nokon man tok pàk yekamape, Kùyali napù tok uya tukaik tùulon katù yemyak itùsak lùppù. Àli imakuyippù kuttok esak ke winàpai tok wettoppe; kamo i'mùtùntàsak yanù tok uya tukaik wapùla mùn yeme tok uya tukaik.

Romans 14:10

Amyamlo, yà'là pe iwechi pàk àtonpa kon pàk suwa man wapùla suwa pùla man te auya'nokon màlà? Wapùla yà'là pe iwechi pàk àtonpa kon ku'nàinan amyamlo atalumayi kon pe? Tamù'nawolon kon kùmyamlo wà'mùssakka màlà ittuntok Katù uya yapon yemloto po.

Galatians 4:10

Tùpatalo'nan wei yamùk yapulànnan amyamlo, kapùi yamùk, pata weyu yamùk molopai kilichimochi yamùk!

Colossians 2:20

Ewelichak kon màlà Christ pokonpe màlàpàk àpùikattàsak kon màlà kawon kon akkwalù yamùk meluntàlù winàpai. Yà'là pe iwechi pàk sàlà yekkwa ton maimu yawolon kon amyamlo?

Hebrews 13:9

Tùpatalo'nan yà'là yekkwa ton nà enupantok kon ayatakù'nokon iwalai enupantok winàpai. Wakù pe iwechi màlà kùyewan kon wena meluntà pe Katù nùkupùppù wakù winà yau, kùyali tùnassen pe kappon nekama winà pùla. Masapùla mùkyamlo ina'nàinan nùssan pùikattànài pe pùla iwechi màlà.

Hebrews 9:10

Sàlà yamùk màlà tùkussan kùyali molopai tinchisen ke molopai tùpatalo'nan wekolùkantok ke. Kappon yamùk uya sàlà wema'nàtok yawà kupùppù màlà, emennak molopai wakù kulu ke imyakanma weyu uyapù ponalà.

James 4:11

Àtonpa kon kùttalumattàtàu, utonpa yamùk. Ànù'là tùtonpa talumattatànài wapùla “Suwa messaik” tawon, uselupa màlà Law Katù winàpaino winàkàik molopai italumattà ya. Law Katù winàpaino talumattà auya'nokon yau, imaimu yawolon pe ewechi kon pen màlà, tùse imottùnpanài pe ewechi kon.