Colossians 2:11 - Patamuna New Testament Revised

¹¹ Christ ponaloppe ewechi kon yekama auya'nokon màlà ailon te auya'nokon ipàk winà. Eyesak kon yattà Ichu yamùk usattàtok yawàlà pùla. Tùse Christ uya attàntok winàpaino yentok ipàkàlà winà màlà àpùikattàsak kon àli ànkuppai àku'nài meluntàlù winàpai.

Colossians 2:11 ပူးပေါင်းရင်းမြစ်များ

Mark 14:58

“Ina netatai, ‘Sàlà Katù yùwùk matanùpù uya màlà kappon yamùk nùkonekappù, molopai àsolùwau wei tùpo tùulon yamù uya màlà kappon yamùk nùkonekappù pe pùla!”’ tukaik.

Luke 2:21

8 pe wei tùpo, Jew yamùk usattàtok yattai iwechi yau, yesettàppù màlà Jesus tukaik, esek inchelù uya ilepappù lùppù monok pe Mary wena wapiya lùppù ke.

Yeunossak kon Wotokoyi 17:24

“Katù sàlà wolù molopai tamù'nawolon yau nai'nùk konekanàippù, mùkkàlà epùn molopai non tawon Yepulu, molopai kappon yamùk namùppù tapùi yamùk tau tùwemassen pen.

Yeunossak kon Wotokoyi 7:48

“Tùse Eke kulu Katù mùkkàlà tapùi yamùk kappon yamùk namùppù tau tùwemassen pen, Katù Maimu yenpoikanài uya watesak kasa.

Romans 6:6

Masapùla sàlà ittu'nokon man, penalok àli ton kùyeselu kon tùlùppù inmattatoppe Christ pokonpe pulusuk po, àli eselu wannà meluntàlùkkatoppe, makui yapyoto pe we'nà'nokon tukaik.

Romans 7:24

Tùusewankono'masen sa'ne Iulà kappon! Ànùk uya ken upùikattà sàlà uyesak uyayai'nùk weli'nàtok yak winàpai?

2 Corinthians 5:1

Masapùla ittu'nokon man sàlà tapùi itau wema'nà'nokon nai'nùk, kùyesak kon non po nai'nùk yalakkasak yau, Katù winàpaino tapùi tàwàlàlà tùwemassen epùn pon yesappe we'nà'nokon màlà, kappon yemyatù nùkonekappù pen.

2 Corinthians 5:17

Ànù'là wechi Christ ponaloppe yau emennappe iwechi màlà, tamù'nawàlà penalok utàppù màlà, emennak uyàssak màlà.

Galatians 2:20

Upukapàtùppù màlà Christ pokonpe nulà wechi tukaik, tùse Christ nemassan uyau. Sàlà esak yau wema'nàtok yau wemassaik ailon tetok uya Katù Mumu pàk yau, mùkkàlà u'nùnmanàippù molopai iwettùsak lùppù uponaloppe.

Galatians 5:24

Molopai mùkyamlo Christ Jesus ponalok kon uya tamù'nawolon àli ànkuppai tùwettok kon pukapàssak màlà pulusuk pona iteselu yamùk pokonpe.

Ephesians 4:22

Apanamappù kon màlà penalok eyeselu kon nonka kon pa, ikasa pùla ewemapù kon pa àku'nàippù kon. Amattanù'nàippù lùppù enkuttànài ànkuppai we'nàtok kon winà.

Philippians 3:3

Masapùla kùmyamlo mùkyamlo ipùkkù yattàsak kon kulu, Katù ponaloppe we'nà yekamanài pe Yakkwalù winà yapulàn nan molopai tùutauchinpasan Christ Jesus yau. Molopai kùyiwalà'nokon tùutapulàsan pen kùmyamlo kùnkupùppù kon pàk, molopai kappon yeselu pàk.

Colossians 3:5

Màlà yamùk àli ànkuppai we'nàtok ne'wotokomayai'nùk ayau'nokon inonkatàk kon. Àli imakuyippù kuttok esak ke, esuken pùla we'nàtok, ipàlika yentai àli ànkupai we'nàtok màlàwannà ke, tùuseka'nonkaik we'nàtok inonkatàk. (Masapùla tùuseka'nonkaik we'nàtok màlà tùulon katù yemlotopo wepeiman walai).

Hebrews 9:11

Tùse Christ uyàpùppù man eke kulu paatele pe, wakù ton iyàssak nai'nannùk yepulu pe. Tappulin iwe'wotokomatok itau màlà penalok yentaino, molopai wakù kulu, kappon yamùk nùkonekappù pen. Ikonekasak pùkkù pe pùla iwechi sàlà wolù yau.

Hebrews 9:24

Masapùla Christ utàppù màlà Katù yùwùk kappon yamùk nùkonekappù pen yak molopai epùn pon kasa neken nà nai'nùk pen. Iitàppù màlà epùn pona molopai sàlà pe nen uchi Katù piyau iwechi màlà kùpùikattàtok kon pe tùuya.