Colossians 1:9 - Patamuna New Testament Revised

⁹ Màlàpàk tàwàlàlà ina tùwàpùlemasan àpona'nokon wapiya kulu eyekale kon yetappù ina uya motapai. Katù yekamapponnan ina ayanùkka tok kon pe ya teselu ittutok ke, tamù'nawolon pukkeppe we'nàtok molopai ittuntok Wakù Akkwalù nùtùlù ke.

Colossians 1:9 ပူးပေါင်းရင်းမြစ်များ

John 7:17

“Ànù'là Katù yeselu ànkuppai tùwessen wechi yau, ittu ya màlà, enupantok uya wechi Katù winàpaino pe wapùla uwinàpaino pe,” teppù Jesus uya.

Yeunossak kon Wotokoyi 12:5

Màlàpàk Peter kupùppù màlà patikichi tau, tùse sochi tawon kon wechippù tùwàpùlema kon pàk kulu ipona.

Romans 12:2

Sàlà wolù yawon kon yeselu pàk làma kettàu, tùse tàwà Katù amyakanmatàu ayawà'nokon tamù'nawàlà eusenumenkatok kon wemyakanmatok winà. Màlà yattai nen uchi Katù yeselu ittu auya'nokon màlà, màlà wakù pe nai'nùk, molopai yauchinpanài pe nai'nùk, molopai màlà ikasa imaimu yailà neken nai'nùk.

1 Corinthians 1:5

Masapùla mùkkàlà yau tamù'nawolon yesappe ewenasak kon man, tamù'nawolon yau, tamù'nawàlà euselupatok kon yau molopai tamù'nawàlà ittutok auya'nokon yau.

Ephesians 1:8

Lepansak kon ya nai'nùk ike eke pe kulu! Tamù'nawalon tùpukketù molopai ittutok iche tùwettok yawà, Katù uya ikupù pàk tùwekkupùppù kupùppù, molopai ànù'là nùttu pe pùla tùusenumenkatok yekamappù, tùnkupù yenuka'nùpù pàk man Christ yai.

Ephesians 5:10

Màlà Itepulu Katù yauchinpanài iwakùli ittuiche ettàk kon.

Ephesians 5:17

Pakko pe uchi kettàu, tùse Itepulu Jesus wettok ikupù auya'nokon iche ittuiche ettàk kon.

Ephesians 6:6

Sàlàichi ikùttàk kon eyene kon tok uya yattai neken nà pùla, tok yauchinpapa neken nà. Tùse tamù'nawàlà eyewan kon ke Katù wettok iche ikuttàk kon, Christ yappyoto ton pe.

Philippians 1:4

Molopai tamù'nawàlà àpona'nokon wàpùlema yau tùwàpùlemasen Iulà tùutauchinpaik tàwàlàlà.

Colossians 3:16

Tàwà Christ uya enupantok eyewan kon yau nechii tamù'nawàlà. Mepanamatàik molopai mepùikattàtàik tamù'nawolon ànùttu kon yawàlà. Tenki tetok itewan yau echii'ma meselenpatàik David yelemu pàk, Katù yapulànài elen mùkuttàk Wakù Akkwalù nùtùlùssan pàk meselenpatàik.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

Colossians 4:5

Tùttuik melaikatàik mùkyamlo ailon tawonnan pen winàkàik tok kùlottau. Tamù'nawàlà eweyu kon yapulàtàk kon wakù pe.

1 Thessalonians 1:3

Masapùla ina nùttuyan, Katù Kùkàipùnù kon yemloto po ailon tetok auya'nokon yai ewe'wotokoma kon sa’man pe uchi'nùnmantok ke. Molopai enpen ewettok kon Kùyepulu Jesus Christ pàk wechi melùntà pe ittuyan ina.

1 Thessalonians 5:17

Tùwàpùlemaik mettàik tàwàlàlà.

2 Thessalonians 1:11

Sàlà kasaichi tùusenumenkaik tàwàlà àpona'nokon ina tùwàpùlemasan. Katù uya àkà'mappù kon yak lùppù yawà tùwemassan pe ewechi kon pa. Tàwà tùmeluntàlù yai, wakù ànkupù pe tùwessen kupùik molopai àpùikattài ailon tetok auya yawà ewelaika pa.

Philemon 1:4

Utonpa Philemon, wàpùlema yau tàwàlàlà, eyekamanài Iulà, molopai tenki tawon Katù pàk.

Philemon 1:6

Wàpùlema sàlà wakù pe ailon tetok yai Christ ponaloppe ikupù nai'nùk usenpoikatoppe i'napailàiwa.

Hebrews 10:36

Pàlikannan pe ettàk kon, Katù yeselu kupù kon pa, molopai ikupù tùuya tetok ya yepolo auya'nokon màlà.

Hebrews 13:21

Tàwàichi Katù elepai'nokon tamù'nawolon wakù iche ewettok kon ke teselu kupù kon pa. Tàwà tauchinpanài kupùi kùyau'nokon Jesus Christ yai. Christ yapulàpai'nokon tàwàlàlà molopai tàwàlàlà. Emen.

James 1:5

Tùse ànù'là àkklottau'nokon nai'nùk wechi pukkek pùla yau, nàpùlemaik, itùnài tùpyak yekamappoi; masapùla Katù mùkkàlà lepanài tùusetakkaik pùla molopai tùusàulàmaik pùla tamù'nawolon kon pàk.

James 3:17

Tùse pukkeppe we'nàtok màlà epùn poino, wapiyalok kulu wakù esukenan; ewan wàlàkattok, tenpe àsà pe pùla we'nàtok tùwanmùla, alomùla, molopai echitonpa pe ku'nài; usentupantok ke iwanùssak màlà, molopai wakù eselu ne'nài; tamù'nawolon kon namatok e'kkaichalà yenpoikanài molopai ennakanài pùn.

1 Peter 2:15

Masapùla sàlà màlà Katù yeselu: pakko ton kappon yamùk uselupatok ittunài uselupatok kasa pùla yeppaka'nùpù auya'nokon iche iwechi màlà, wakù ton kupù auya'nokon winà.

1 Peter 4:2

Sàlà motapai uchi ewemattok kon talà non po yemakkwatàk kon Katù yeselu yawàlà, iche kappon wettok yawàlà pùla.

1 John 2:17

Wolù molopai tamù'nawolon yawon kon kappon wettok iche màlà tùutàsen molopai ipla tùwenasen; tùse mùkkàlà Katù wettok iche ku'nài wemapù màlà tàwàlàlà.

1 John 5:20

Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.