Colossians 1:28 - Patamuna New Testament Revised

²⁸ Màlàpàk Christ yekamannan ina tamù'nawolon kon kappon yamùk pàk. Tamù'nawolon kon yekamaponnan ina molopai tok yenupannan, tamù'nawolon pukkek ke, tamù'nawolon kon nettoppe Katù yemloto pona wakù pe tamùnawàlà ipùkkù pe neken pùla Christ kasa kulu nen uchi.

Colossians 1:28 ပူးပေါင်းရင်းမြစ်များ

Matthew 28:20

Molopai tok menupatàik tamù'nawolon “Mùkuttàik” teppù uya lùppù àpàkù'nokon maimu yawàlà tok wettoppe. Apyau'nokon wechi màlà tàwàlà pata weyu wenukattok ponalà,” teppù ya.

Matthew 3:7

Tùse tukke Pharisee yamùk molopai Sadducee yamùk uyàpù tùpyak tenpataukatok kon pe yensak tùuya yau, John uya tok pàk “Àkài yamùk, ànùk ken uchi epetàk kon Katù we'naikatok nùyàssai'nùk winàpai nùkai àpàkù'nokon,” teppù ya.

Matthew 5:48

Màlàpàk wakù peichi ettàk kon, àkàipùnù kon epùn yau nai'nùk wechi wakù pe kasa.” teppù Jesus uya tok pàk.

Mark 6:34

Tùwepalùka pe Jesus uya ilinà pe kappon yamùk yeneppù, màlàpàk Jesus usentupappù tok pàk, masapùla itesak pùnon kalinilu yamùk kasa tok wechi pàk. Tok yenupa pàk iwepyattàppù, tukkan yà'là yekkwa ton nà pàk.

Luke 21:15

Masapùla elepa kon uya màlà amaimu kon ke molopai pukkek ke, eyeyaton kon yamùk uya euselupatok kon nulunpa wapùla ailon pen màlà te tukaik.

Yeunossak kon Wotokoyi 10:36

Mùttuyatàik itekale ineunokoppù kappon yamùk Israel pon kon piyak, Wakù Itekale wàlàkka'nàtok yekama pe Jesus Christ yai. Mùkkàlà tamù'nawolon kon Yepulu.

Yeunossak kon Wotokoyi 11:20

Tùse tùulon kon ailon tawonnan, Cyprus molopai Cyrene pon kon utàppù Antioch pona, molopai tok uya Jesus yekale yekamappù Jew yamùk pen pàk nàlà.

Yeunossak kon Wotokoyi 13:38

Utonpa yamùk ittutàk kon pùsàlà Jesus yai usentuppantok àli kuttok pàk usekamappù àpàkù'nokon, iwinà ànù'là ailon tawon ipàk wemokkasak màlà tamù'nawolon àli kuttok yapai, Law Moses winàpaino winà ikasa ewenatok pùla iwechi màlà.

Yeunossak kon Wotokoyi 17:18

Mùkyamlo Epicurean yamùk molopai Stoic yamùk enupan nan yeippàtùppù ya nàlà màlà. Tùulon kon uya, “Yà'là teiche ken uchi pùsàlà ittunài pen wechi màlà?” teppù. Tùulon kon uya tu'ma, “Katù yamùk tùulon pata yawon kon pàk ichelupa kasa man,” teppù. Tok uya wa teppù màlà masapùla Paul uselupa Jesus pàk molopai iwe'wuluukappù weli'nàtok yapai pàk, pàk.

Yeunossak kon Wotokoyi 17:3

Yekamappù ya molopai yenpoikappù ya ikasa Christ wettalumattàtok molopai iwuluukatok weli'nàtok yapai wechippù. “Pùsàlà Jesus tekamayai'nùk àpàkù'nokon mùkkàlà Christ,” teppù Paul uya.

Yeunossak kon Wotokoyi 20:31

Enpen uchi ettàk kon, molopai ittutàk kon eke pe uyenu palu pokonpe, weinai molopai ewalupàttawàlà, tamù'nawàlà tewinpàk eyenupatantàu Iulà àsolùwau kilichimochi.

Yeunossak kon Wotokoyi 3:20

Emennak emeluntàlù yepolopa Itepulu winàpai molopai Jesus yeuno toppe ya, mùkkàlà Christ inanùmùppù lùppù àponalok kon pe.

Yeunossak kon Wotokoyi 5:42

Tok weleutappù pen wei kaichalà Katù yùwùk tau molopai kappon yamùk pata po tok uya kappon yamùk yenupappù molopai Wakù itekale Jesus wechi Christ pe yekamappù tok uya.

Yeunossak kon Wotokoyi 8:35

Philip wessamolùkappù tùuselupa pàk; sàlà Katù Maimu Isaiah kaletayi yawon yapai tùpyattàse, Wakù Jesus yekale yekamappù ya màlà ipàk.

Yeunossak kon Wotokoyi 8:5

Philip utàppù màlà pata Samaria yak molopai Christ yekale yekamappù ya tok pàk molo.

Yeunossak kon Wotokoyi 9:20

Màlà pe là itekale yekamappù ya Jew yamùk wepilittok itak yamùk tau “Jesus mùkkàlà Katù Mumu,” teppù ya.

Romans 16:25

Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau.

1 Corinthians 1:23

Tùse ina mùkyamlo Christ welikùppù pulusuk po yekale yekamannan, Jew yamùk wettatai'matok ipona, molopai wo'mattantok Jew yamùk pen pona;

1 Corinthians 1:30

Tùse Katù uya enessak kon man Christ Jesus ponaloppe we'nàtok yak, molopai Katù uya Christ kussak man ittutok kùuya'nokon pe. Mùkkàlà Christ winà Katù pokonpe ikasa kùtùlù kon màlà, esuken molopai kùpùikattà kon àli kuttok winàpai.

1 Corinthians 12:8

Tewinannà piyak pukkeppe we'nà yekale tùlù màlà Akkwalù yai, tùulon yemyak ittutok yekale mùkkàlà lùppù Akkwalù winà,

1 Corinthians 15:12

Màlàpàk, Christ we'wuluukappù pe itekale yekamasak yau, yà'là pe ken uchi iwechi pàk tùulon kon uya iwelichak we'wuluuka pen màlà te nai'nùk?

1 Corinthians 2:15

Kappon, Akkwalù yesappe nai'nùk mùkkàlà wakù pe tamù'nawolon yà'là yamùk wettok wechi ittunài. Tùse ànù'là uya mùkkàlà kappon pàk ikasa pùla messaik tetok pùla iwechi màlà.

1 Corinthians 2:6

Walà tùse, ina uselupa, pukkeppe we'nà yekale pàk ichemokkasak kon kùlottau. Tuse, sàlà wolù winàpaino pukkek pàk pùla wapùla sàlà wolù yepulu ton pàk pùla. Pùsamlo mùkyamlo yà'là pùla nenayai'nannùk.

1 Corinthians 4:14

Sàlà menuka uya nai'nùk àkuli'mapai'nokon wechi pàk pùla, tùse eyekamappo kon pe u'nùn ton kulu umunkà yamùk kasa.

2 Corinthians 10:14

Tùutapulàtok kon yau mei kulu ina utà pen sàlà eyeponàippù nokon pen kasa là, masapùla ina wechippù wapiyalok kon pe tùuyàpù kon apyakù'nokon Christ yekale pokonpe yau.

2 Corinthians 11:2

Ukùlùmàlunyaik ewenai'nokon Katù kùlùmàlu kasa làma. Masapùla esukenan ema'non kàyik nappàtùppù pen kasa ewechi kon pàk molopai àyàwà'nùpù kon uya tewin itayappù Christ piyak teppù uya ipàk lùppù pe ewechi kon.

2 Corinthians 4:5

Masapùla tekale kon yekamannan pen ina, tùse Jesus Christ yekamannan ina Itepulu pe, molopai ina nen uchi ayapyoto kon pe Jesus pàkànsau.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Ephesians 5:27

Christ uya màlà sàlà kupùppù Sochi, konekatoppe tùuya tùponaloppe, tamù'nawàlà wakù pe, molopai yà'làlà iwalai pen pùla, ikopposak pùla molopai ikosokkoso'masak pe pùla, tamù'nawàlà wakù pe.

Colossians 1:22

Tùse sàlà pe nen uchi, Tùmu yàkàpù winà, Katù uya tùwechi yakonnon pe àkussak kon man enettok kon pe tùuya esuken. Wakù pe itekale eyesek kon wettoppe.

Colossians 2:10

Màlàpàk tamù'nawolon Christ winàpaino yesappe ewechi kon màlà, iponaloppe ewechi kon pàk. Eke kulu mùkkàlà itepulu akkwalù yamùk yentaino molopai apàikkeppe we'nàtok yepoino.

Colossians 2:3

Tamù'nawàlà wakù ton Katù ittutok molopai ipukketù tùttusen pe pùla inkupù wechi màlà Mùkkàlà yau.

Colossians 3:16

Tàwà Christ uya enupantok eyewan kon yau nechii tamù'nawàlà. Mepanamatàik molopai mepùikattàtàik tamù'nawolon ànùttu kon yawàlà. Tenki tetok itewan yau echii'ma meselenpatàik David yelemu pàk, Katù yapulànài elen mùkuttàk Wakù Akkwalù nùtùlùssan pàk meselenpatàik.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

1 Thessalonians 4:6

Màlàpàk uchi ànù' là iwalai pen nà kuttak tùtonpa kon winàkàik, wapùla wakù pe là iwemattok mattanùttak. Sàlà yekamappù ku ina uya àpàkù'nokon, ina eyekamappotantàu tùuseka’nonkaik, Itepulu Jesus uya màlà yekkwa ton àli ku’nàinannùssan talumattà màlà.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

1 Timothy 3:2

Sochi yesak wechi màlà àli pe ipantomù pùla, tewin neken inoppù, tùttuik tùwemassen pe, wakù pe itesek, wakù pe kakklan yamùk pàk tùwessen pe tùwùk tau, enupanài yeppe nàlà.

Hebrews 10:14

Tewinan uchi tùtùsen winà mùkyamlo kussak Christ uya man ikasa, esuken àli kuttok pùla tàwàlàlà.

Hebrews 13:21

Tàwàichi Katù elepai'nokon tamù'nawolon wakù iche ewettok kon ke teselu kupù kon pa. Tàwà tauchinpanài kupùi kùyau'nokon Jesus Christ yai. Christ yapulàpai'nokon tàwàlàlà molopai tàwàlàlà. Emen.

2 Peter 3:15

Kùyepulu kon Jesus uya pàlikantok yentàk kon ewepùikattàtok kon yattai pe, kùtonpa kon Paul uya imenukappù apyakù'nokon kasa, pukkek Katù uya tùlepatok yapulài'ma.