Colossians 1:23 - Patamuna New Testament Revised

²³ Tùse ailon tetok auya'nokon wechi meluntà pe molopai i'nak kulu ikala iche we'nà man. Enpen ewettok kon ananùmùppù kon wakù itekale enetappù kon kan uchi kù'nonkatàu tà. Sàlà Wakù Itekale yekamappù màlà sàlà non pon kon tamù'nawolon kon kappon yamùk pàk. Molopai Iulà, Paul, wenappù màlà sàlà Wakù Itekale yapyoto pe.

Colossians 1:23 ပူးပေါင်းရင်းမြစ်များ

Mark 16:15

Màlàyau, “Itàtàk kon tamù'nawolon pata yawàlà. Wakù Itekale yekamatantàk kon tamù'nawàlà kappon yamùk pàk,” teppù ya tok pàk.

Luke 22:32

Tùse wàpùlemasak man àpona Simon, ailon tetok auya wechi attu'mùla tukaik. Ewennapposak upyak yau, àtonpa yamùk mùmeluntàlùnpaik,” teppù Jesus uya.

Luke 6:48

Tapùi yamùnàippù kasa iwechi màlà i'nak yakanàippù molopai yapon tùnàippù tàk pona. Tuna'ma uyàpùppù molopai tapùi wànàppù ya tùse ilaikappù ya pen, masapùla wakù pe kulu yamùsak pàk.

John 15:6

Ànù'là uyau pùla nemassai'nùk, mùkkàlà wechi màlà yenu'masak yei panta waipùtasak kasa, màlà yekkwa ton màlà tanussen molopai apok wa'nak tenu'massen iyattoppe.

Yeunossak kon Wotokoyi 1:17

“Judas wechippù kùklottawon'nokon, yanùnsa' lùppù kùwotokoyi kon kupù tonpa pe.”

Yeunossak kon Wotokoyi 1:25

teunossen pe sàlà wotoko yanùmù woton Judas nùnàmàppù lùppù tùutà yau tùpatassek yak,” tukaik.

Yeunossak kon Wotokoyi 1:8

“Tùse meluntà yepolo auya'nokon màlà Wakù Akkwalù uyàssak àpona'nokon yau, molopai uyekaman nan pe ewechi kon màlà Jerusalem po, tamù'nawàlà Judea yawàlà molopai Samaria polo, molopai mailàlà sàlà non wenukattok yawàlà,” teppù Jesus uya tok pàk.

Yeunossak kon Wotokoyi 11:23

Tùwelepansak yau molopai Katù wettok wakù pe yensak tùuya yau itauchinpappù, molopai tamù'nawàlà tok panamappù ya, ailon pe tok wettoppe Itepulu Jesus pàk tamù'nawàlà tewan kon ke.

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

Yeunossak kon Wotokoyi 2:5

Jew yamùk wechippù molo Jerusalem po kaklan pe iyàssak kon, Katù pàk tùwàpùlemasan iyàssak kon tamù'nawàlà wolù yawolon pata yapai.

Yeunossak kon Wotokoyi 20:24

Tùse wemattok tùkussaik yà'là pe pùla là, uwotokoyi yenuka'nùttoppe uya, molopai wotoko Itepulu Jesus uya ulepatok unkupùpe kutoppe uya, màlà Wakù Itekale tekamasen wakù pe Katù wettok yekama toppe uya.

Yeunossak kon Wotokoyi 26:16

Tùse e'wuluukakà, molopai à'mùssakkakà atta po. Usenpoikasak sàlà ayanùnse uyapyoto pe, tùulon kon kappon yamùk pàk màlà eneneppù molopai enetappù yekama auya màlà, molopai unekama àpàk.

Yeunossak kon Wotokoyi 4:12

Wepùikattàntok wessepolo màlà mùkkàlà neken winà. Masapùla ànù'là yesek pùla iwechi màlà sàlà non po Katù nùtùlùppù kappon yamùk piyak wepùikattàntok iwinà pe,” tukaik.

Romans 10:18

Tùse tekamappoyaik, ailon ken na' màlà tok uya itekale yetappù pùla iwechi? Ewaik, tok uya yetappù. Katù Maimu uya “Tok maimu utàppù màlà tamù'nawàlà wolù yawàlà, tok maimu utàppù tamù'nawàlà non pon kon piyak,”te kasa {Psa 19.4}

Romans 15:16

Màlàpàk Jesus Christ yapyoto pe tùwe'wotokomasen pe wenasak man Jew yamùk pen ponaloppe. Patele pe wechi kasa tùwe'wotokomasen Iulà, Wakù Itekale Katù winàpaino yekama pàk, Jew yamùk pen tùtoppe tùtùsen pe Katù nanùmù yeppe, itùsappe Katù yemyak tok wettoppe Wakù Akkwalù winà.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Romans 5:5

Sàlà enpen we'nàtok màlà enkuttànài pen, masapùla Katù uya pùnùnmantok tùuya tùsak màlà kùyewan kon yak, Wakù Akkwalù yai, mùkkàlà Katù uya kùlepatok kon ike yai.

1 Corinthians 15:58

Màlàpàk uchi, u'nùn ton utonpa yamùk, meluntà pe ettàk kon, katamatàu. Tamù'nawàlà tàwàlàlà Itepulu wotokoyi yak ettùtàk kon. Masapùla Itepulu yau àwotokoyi kon wechi iwoton pe pùla là pen màlà.

1 Corinthians 3:5

Ànùk ken uchi mùkkàlà Apollos? Molopai ànùk ken mùkkàlà Paul? Katù yapyoto ton neken nen mùkyamlo, ene'nàippù kon iwinàkàik ailon te kon pa. Itepulu nùtùlùssan mùkyamlo iponalà iwotokoyi.

2 Corinthians 10:1

Tùusentuppaik molopai wakù pe Christ wettok winà, apawanattàyatàu Iulà. Iulà Paul “àssà'mùn” apyau'nokon wechi yau, tùse “meluntà” apyau'nokon pùla wechi yau.

2 Corinthians 11:23

Christ yapyoto yamùk ken na' mùkyamlo? Itayaupasak kappon kasa uselupayaik, tùse wakùiwa nen apyoto Iulà! Sa'man peiwa nen we'wotokomasak màlà, patikichi tau wessak tukkeiwa itekkwa. Uyippoppàssak màlà tukke itekkwa. Molopai weli'nàtok piyau mei pùla wessak màlà echipalà'ne.

2 Corinthians 3:6

Masapùla mùkkàlà uchi mùkkàlà ina ku'nàippù meluntà pe emennak ikupù tùuya tetok Katù uya ponaloppe ina we'wotokomatoppe, imenukasak lùppù law winàpaino pen, tùse Akkwalù winàpaino. Imenukasak lùppù màlà weli'nàtok ne'nài, tùse Akkwalù mùkkàlà wema'nàtok ke lepanài.

2 Corinthians 4:1

Katù uya, tùusentuppatok yau ina lepasak man sàlà wotoko ke. Màlàpàk ina we'nonka pen.

2 Corinthians 6:1

Tamùkke Katù pokonpe tùwe'wotokoma kon yawàlà ina apawanattàyatàu. Wakù pe we'nàtok Katù winàpaino yanùmù auya'nokon yà'là woton pe pùla là tukaik.

Galatians 4:11

Usenalippayaik, yà'là woton pe pùla àpàkù'nokon we'wotokomasak yeselùkek iwechipàk.

Galatians 5:5

Tùse ailon tetok yai kulu imàmuku sàlà, ikasa we'nàtok Akkwalù winà enpen ipàk we'nà nai'nùk.

Galatians 5:7

Wakù ye'ma tawà ku mettantàu tà! Ànùk eyeleutanùttantàu molopai àkuttantàu ailon yawàlà ewettok kon pe pùla?

Galatians 6:9

Màlàpàk wakù kupù pàk usetakkan' nokon kùsettak, masapùla iwalai iweyu yattai ipànsak lùppù mokka màlà usemya'nùnpansak pùla iwechi yau.

Ephesians 1:18

Eusenumenkatok kon ike utakkokatoppe itakkwayi yene kon pa yekamapponài Iula, màlà enpen we'nàtok yak àkà'masak kon ya nai'nùk ittu kon pa, eke kulu màlà wakù kuttok ya itùlù tùuya teppù ya lùppù tùponalok kon pàk,

Ephesians 2:21

Mùkkàlà uchi mùkkàlà tamùsen yamùk yachinài tamùkke, wakù esukenan Katù Yùwùk pe itùsak, Itepulu yapulàtok iwinà pe.

Ephesians 3:17

Molopai Christ wemattoppe eyewan kon yau ailon tetok auya'nokon yai. Wàpùlemayaik i'nak aukalata kon pa uchi'nùnmantok yai.

Ephesians 4:16

Itepulu pe iwettok yo'no tamù'nawolon tùpatalo'nan esak pùkkù yamùk tùwessen tùpatasek kon yau tamùkke, molopai tamù'nawolon esak yachichak màlà ichese'muttàpàttok uya, màlà yamùk uya ipùikatànài pe ikussak. Màlàpàk tamù'nawolon ipùkkù uya tùwotokoyi kupù wakù pe, tamù'nawolon esak tùwekassen molopai tùusemokkasen uchi'nùnmantok yai.

Colossians 1:25

Sochi yapyoto pe Katù uya ukussak man. Sàlà wotoko ke ulepappù ya màlà tamù'nawàlà Wakù Itekale yekamatoppe uya àpàkù'nokon.

Colossians 2:7

I'nak akalatatàk kon Christ yak. Ewemattok kon yapon pe nechii. Molopai meluntà pe lùiwa ewena kon pa ailon tetok auya'nokon yau, eyenupappù kon kasa. Molopai tenki tetok auya'nokon ke anùttàk kon.

1 Thessalonians 3:3

Sàlà yamùk talumattàntok pe nai’nùk winà ewennappo kon tukaik. Ittu auya’nokon màlà màlà yekkwa ton wettalumattàntok wechi molo Katù yeselu pùkkù pe kùponalok kon pe.

1 Thessalonians 3:5

Màlàpàk, màlà yentak ipàlika uya yentai iwechipàk Timothy teunottai, ailon tetok auya'nokon wechi atta là yense. Yattai pùla Makui uya eyittusak kon tei'ma, molopai tamù'nawàlà ina wotokoyi wechi yà'là woton pe pùla là pe tei'ma

1 Thessalonians 5:8

Tùse weinai nokon nen kùmyamlo molopai tùttuik, ikasa usenumenkantok yesappe tùwessan yek kùmyamlo. Ailon tetok molopai uchi'nùnmantok yapulàpai'nokon uchi kùplopo kon wapu pe, molopai kùppai kon wapu pe wepùikattàntok pàk enpen we'nàtok kon itùpai'nokon.

2 Thessalonians 2:16

Tàwà Kùyepulu kon Jesus Christ tùmàlà pe, molopai Katù Kùkàipùnù kon, kù'nùnmanàippù'nokon molopai wakù pe tùwettok yau kùlepanàippù'nokon tàwàlàlà meluntà ke molopai wakù enpen we'nàtok ke,

1 Timothy 1:12

Tenki ukayaik Christ Jesus Kùyepulu kon pàk, ulepanàippù meluntà ke uwotokoyi kuttoppe uya. Tenki ukayaik uyensak ya tùwe'wotokomasen yeppe pàk molopai uyanùnsak ya tùwotokoyi yak pàk,

1 Timothy 2:7

Màlàpàk uchi sàlà uyeunossak kappon yamùk Jew yamùk pen yenupanài pe molopai ailon yekale yekamase. Ailon pe uselupa sàlà, kasei pe wechi pen!

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

Titus 3:7

wakù pe we'nà pen pàk Jesus uya wakù pe anùnnàppà màlà Katù nanùmù yeppe koneka'nàppù ya molopai tàwàlàlà wema'nàtok yepolo pàk enpen we'nàtok ke lepa'nàppà ya.

Hebrews 10:38

Uponalok ikasa tùwessen wemapù màlà ailon tettok tùuya winà, tùse iwennapposak uwinàpai yau, utauchinpa pen màlà ipàk,” te kasa.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

Hebrews 4:14

Mùkkàlà eke kulu paatele yesappe we'nà'nokon man, mùkkàlà iitàsak lùppù Epùn pona, Jesus, Katù Mumu. Màlàpàk uchi meluntà pe utachinpai nokon, ailon tetok kùuya'nokon pàk.

Hebrews 6:19

Sàlà enpen we'nàtok yesappe we'nà'nokon man kùyakkwalù kon yesseppe, wakù molopai meluntà kulu, kanau yessek walai. Iwewomù màlà wakù kulu patassek, kuyalikku solinkasak yentawinon yak.

1 Peter 1:3

Katù yapulàpai'nokon man Kùyepulu Jesus Christ Kàipùnù! Eke pe tùusentupatok yawàlà, kùlepappù kon ya wentutukkantoppe Jesus Christ wuluuka tùuya winà. Sàlà uya kùlepa kon màlà wema'nàtok pàk eke pe enpen we'nàtok ke.

1 Peter 1:5

Ailon tetok Katù pàk yesak ton amyamlo, mùkkàlà meluntàlà màlà inotau ewettok kon pata weyu wenukapù ponalà. Katù uya tamù'nawolon kon kappon yamùk ittu yattai. Màlà yattai nen uchi àpùikattà kon ya màlà ikupù tùuya teppù tùuya kasa.

1 John 2:27

Tùse amyamlo, Christ uya Takkwalù ikkwansak màlà àpona'nokon. Yakkwalù wemapù ayau'nokon kaichalà, ànù'là eyenupa kon woton iche ewechi kon pen màlà. Masapùla Yakkwalù uya eyenupa kon tamù'nawolon pàk pàk, molopai màlà enupantok ya ike màlà ailon, kasei pen. Yakkwalù uyaichi enupantok yawàlà ettàk kon, molopai Christ yau ettàk.

Revelation 2:10

“Yà'làlà ewettalumattàtok ike woton pàk kesenalippai! Masa yetakà! Makui uya eyittu màlà àtonpa yamùk tùlù tùuya patikichi tak winà 10 pe wei màlà ewettalumattà. Ailon pe mechiik, ewelikù ponalà, molopai wema'nàtok yalùko ke elepa uya màlà.