Colossians 1:16 - Patamuna New Testament Revised

¹⁶ Masapùla mùkkàlà winà Katù uya tamù'nawolon epùn pon molopai non pon konekappù màlà, tensan molopai tensan pen, akkwalù yamùk meluntàlù nàlà, itepulu yamùk, molopai apàikkek ton. Katù uya màlà tamù'nawolon konekappù iwinà molopai iponaloppe.

Colossians 1:16 ပူးပေါင်းရင်းမြစ်များ

John 1:10

Mayin wechippù màlà wolù po, mùkkàlà yai wolù wekonekappù, tùse wolù uya ittu pùla iwechippù.

John 1:3

Mùkkàlà yai tamù'nawolon wekonekappù. Yà'làlà mùkkàlà pokonpe pùla ikonekasak pùn ikonekasak kùlottau.

Romans 11:36

Masapùla tamù'nawolon yà'làlà iwekkussak lùppù wechi màlà iwinon pe, mùkkùlà yai molopai iponaloppe. Tàwà uchi apulàntok molopai namantok iponaloppe nechii tàwàlàlà. Emen.

Romans 8:38

Masapùla tùttuyaik kulu yà'làlà uya kùpantakatok kon pùla iwechi màlà pùnùnmantok ya winàpai. Weli'nàtok uya kùpantaka pen màlà, wapùla wema'nàtok uya, wapùla inchelù yamùk, wapùla tùulon kon kau nai'nanùk potolù ton molopai meluntà ton yapàiketù uya, wapùla sàlà pe nai'nùk wapùla ewanawà nai'nùk uya.

Romans 9:5

Amoko yamùk inamasak kon nùssan payan yamùk mùkyamlo, molopai Kùlaik , kappon pe iwettok yau, mùkkàlà tok winàpaino. Tàwà uchi Katù tamù'nawolon yepoi itepulu pe nechii, yapulà nechii tàwàlàlà! Emen.

1 Corinthians 8:6

Tùse molo man kùponalok kon tewinan neken Katù, Kùkàipùnù kon, tamù'nawolon yà'làlà konekanàippù, molopai iponaloppe wema'nàtokù'nokon. Molopai molo man tewinan neken Itepulu, Jesus Christ, tamù'nawolon yà'làlà wekonekappù iwinà lùppù, molopai wema'nàtokù'nokon iwinà.

Ephesians 1:10

Katù uya ikupù màlà yenuka'nùpù ya iwalai iweyu yattai, tamù'nawolon kon tùnkonekassan nepù Ya tamùkke, tamù'nawolon kon epùn pon kon, molopai non pon kon, màlàyau Christ wechi nen uchi màlà tamù'nawolon yepoi.

Ephesians 6:12

Masapùla wepanta'man nokon kappon yamùk pokonpe pen sàlà, tùse àli ton akkwalù meluntàlù kak yawolon kon pokonpe, itepulu yamùk, apàikketton, molopai sàlà ewalupà yawon kon itepulu yamùk tensan pen meluntàlù pokonpe.

Philippians 2:10

Tamù'nawolon kon epùn pon kon, molopai non pon kon, molopai non yo'non kon wenatoppe tese'mu kon yok.

Colossians 1:15

Christ wechi màlà ànùk yekkwa pe Katù tùusensen pen wechi yenpoikanài pe. Iwentusak lùppù wapiyalok pe, tamù'nawolon kon ikonekasak kon yentaino mùkkàlà.

Colossians 1:20

Tùmu yai nen uchi, Katù uya tamù'nawolon yà'làlà nepù tùuya tùpyak pàk, echitonpa pe we'nàtok konekappù màlà Tùmu welikù pulusuk po winà. Molopai màlà kasa nen uchi tamù'nawolon yà'làlà nepùppù ya imùnù yai tùpyak, asakklàma non po molopai epùn po nàlà.

Colossians 2:10

Màlàpàk tamù'nawolon Christ winàpaino yesappe ewechi kon màlà, iponaloppe ewechi kon pàk. Eke kulu mùkkàlà itepulu akkwalù yamùk yentaino molopai apàikkeppe we'nàtok yepoino.

Colossians 2:15

Molopai màlà pulusuk po Christ uya itepulu ton àli akkwalù yamùk molopai apàikkek ton yentaikappù. Tok kupùppù ya tensan pe ayupo tok yentai tùwechi ke.

Hebrews 1:2

Tùse sàlà pata weyu wenukattok yau kùyelupasak kon ya man Tùmu winà. Katù uya pùsàlà mappù màlà tamù'nawolon yesappe molopai Iwinà tamù'nawolon konekappù ya.

Hebrews 2:10

Katù uya màlà tamù'nawolon konekappù molopai tamù'nawolon màlà iponalok, màlàpàk ikasa iwechippù màlà Katù uya Jesus kupù ikasa iwettalumattàtok winà. Sàlà kupùppù ya màlà tukkan kon Katù munkà yamùk yatoppe molopai tok pùikattà toppe Jesus uya tùwettalumattàtok winà.

1 Peter 3:22

Itàppù nai'nùk epùn pona, molopai namantok pata yau Katù yemyatù kamik pen winà nai'nùk. Tamù'nawolon kon inchelù yamùk yepulu mùkkàlà, tamù'nawolon kon apàikkek ton molopai tamù'nawolon kon meluntà ton yepulu.