3 John 1:10 - Patamuna New Testament Revised

¹⁰ Uyàssak yau nen uchi, màlà tamù'nawolon àli pe ichelupappù kùwinàkài'nokon yekama uya ipàk: tamù'nawolon kasei pe ichelupappù yekama uya màlà. Tùse màlà neken pen, ailon tawonnan Katù pàk tonpa wannà yamùk yanùmù ya pùla iwechi màlà tok uyàssak yau, molopai nàlà mùkyamlo ananùnpai nokon yeleutanùpù ya. Tok yenpakkaiche tùwessen mùkkàlà sochi tapai.

3 John 1:10 ပူးပေါင်းရင်းမြစ်များ

Luke 6:22

“Tùutauchinpasan amyamlo kappon yamùk uya eyeya'noma kon yau, ànulunpa kon yau, àmottùnpa kon yau, molopai àli ton amyamlo te, Kàyik Mumu pàkànsau yau!

John 9:22

Ikàipùnù molopai ichan tawonnan uya màlà wateppù, masapùla Jew yamùk yepulu yamùk pàk tùusenalipa kon pàk. Masapùla “Ànù'là uya pùsàlà mùkkàlà Christ tesak yau yenpakka màlà Jew yamùk wepilittok itak tapai,” te kasak tok uya pàk.

Yeunossak kon Wotokoyi 1:15

Màlà yattai ailon tawonnan wepilipùppù. 120 pe tok wechippù màlà tamù'nawàlà molopai Peter wà'mùssakkappù eselupase.

2 Corinthians 13:2

Yakon itekkwa pe apyau'nokon wettainùk yattai eyekamappotantàu Iulà. Wa te tuma uya sàlà apyau'nokon pùla nen uchi echiima. Wennapposak yau mùkkyamlo wapiya iwemakuimasak kon nùssan pàk usentuppa pen màlà.

Galatians 6:10

Màlàpàk uchi ikuttok yattai wechi molo kùlottau wakù ikuppai'nokon tamù'nawolon kon pàk, mùkyamlo kulu ailon tetok yau nai'nannùk.

1 Timothy 5:13

Yà'là pàk pùla tùuko'manse tok usenupasak màlà, yakon tawàlà tùusalà kon ke; tùse nàlà tok uselupa là tùtonpa kon pàk echipalà molopai yauchin pe tok wechi yà'là pen pàk, yà'làlà yekamapaino kulu là pen nànen uchi yekama pàk.

2 John 1:10

Ànù'là uyàssak apyak sàlà Christ maimu ne'nài pen wechi yau, kùsewonnùpùi àwùk tak, molopai, “Echitonpa pe we'nàtok wechi màlà apyau,” kùkai là.

2 John 1:12

Tukke unekama molo man àpàkù'nokon, tùse ikupù uya pen sàlà kaleta pàk; tùse akakklanpa uya pàk enpen wessaik, eyelupase Iulà pe, i'napailà tùutauchinpaik we'nàtoppe.

3 John 1:3

Utauchinpatai kulu ailon tawonnan Katù pàk tonpa yamùk welepansak pàk, molopai ailon pe ewechi yekamasak tok uya pàk, tàwàlà ailon pe ewemapù yekamasak tok uya pàk molopai màlà kasa tùwemassen pe ewechi pàk.

3 John 1:5

Uwechi yakon kulu, ailon pe kulu messaik màlà wotoko ànkupù yau, mùkyamlo tonpa wannà yamùk pàk kakklan yamùk pe lànen tok wechi tùse, pena tok yensak auya pùla lànen tùse.