2 Timothy 4:8 - Patamuna New Testament Revised

⁸ Sàlà nen uchi entaika'nàppà uya yepeppù uya umàmuku. Wakù pe we'nàtok yalùko, màlà Itepulu Katù ikasa ittunài uya ulepatok màlà Wei yattai. Molopai Iulà neken pen, tùse tamù'nawolon kon mùkyamlo ichenpoikatok màmussai'nannùk uchi'nùnmantok pokonpe.

2 Timothy 4:8 ပူးပေါင်းရင်းမြစ်များ

Matthew 24:36

“Ànù'là uya iweyu molopai iwekkuttok yattai uyàpù ittu pùla man, inchelù yamùk uya là, wapùla Imu uya là, tùse Ikàipùnù neken mùkkàlà ittunài.

Matthew 7:22

Iweyu uyàssak yau, tukkan kon uya upàk, ‘Uyepulu, Uyepulu! Katù Maimu yenpoikappù nen ina uya eyesek yau, tukke àli akkwalù yamùk yenpakkappù ina uya eyesek yau, molopai tukke tensan pen yamùk kupùppù ina uya!’ te màlà.

Luke 10:12

Tekamayaik àpàkù'nokon, Ittuntok Weyu yattai Katù uya eke peiwa usentuppantok yenpoika màlà Sodom winàkàik màlà pata yentai!” teppù Jesus uya tok pàk.

Romans 2:5

Tùse sa'man pe kulu eyewan man elattàpai pùla molopai màlà uya we'naikantok pilichak man àpona Katù we'naikatok weyu ponaloppe ikasa “Suwa messaik, ” tetok ya yattai.

Romans 8:23

Tùse ikonekasak neken pen, kùmyamlo nàlà Wakù Akkwalù yesappe nai'nannùk wapiya kulu Katù uya lepantok yesappe nai'nannùk, kùmyamlo nàlà na'nùnyan molopai nùseka'nonkayan kù'nau'nokon Katù uya tùponalok kon pe kùyesatù kon màmuku nai'nùk pàk. Molopai tamù'nawàlà kùmokka kon ya kùyesak kon ukàtatok winàpai màmuku pàk .

1 Corinthians 2:9

Walà tùse, iwe'menukasak kasa iwechi, “En uya là yensak pùla iwechi wapùla pana uya là yetasak pùla iwechi, ànù'là usenumekatok yau iwekonekasak pùla iwechi màlà, màlà Katù nùkonekappù mùkyamlo tù'nùnmannan ponaloppe ” te kasa. {Isa 64.4}

1 Corinthians 3:13

iwotokoyi lùppù yenpoika màlà i'nai yekkwa pe là iwechi. Masapùla Wei uya inepù màlà akkwa yak. Apok ke yenpoika màlà, molopai apok uya màlà ittu i'nai kasa là tewin pàk kappon wotokoyi lùppù wechi.

1 Corinthians 9:25

Tamù'nawàlà aitun pe tùutàsan mùkyamlo tesak kon wotokomannan sa'man pe màlà ponaloppe. Màlà kupù tok uya màlà tùuko'mansen pen alok yepotoppe tùuya'nokon, tùse kùmyamlo uya ikupù màlà nai'nùk tàwàlàlà tùuko'mansen alok yepotoppe.

2 Corinthians 5:2

Sàlà motau wa'nùnnà'nokon man, pontàn nokon iche kulu kùyùwùk kon epùn pon ke.

Philippians 3:11

Enpen echii'ma, Iulà nàlà, uwuluuka toppe ya weli'nàtok yapai wema'nàtok yak.

Colossians 1:5

Ailon itekale, Wakù Itekale uyàssak apyakù'nokon wapiya kulu yau, enpen we'nàtok inekama metatantàu. Màlàpàk ailon tetok auya'nokon molopai pùnùnmantok auya'nokon nùsenpoika yai'nùk enpen ewettok kon pokon. Màlà àponalok kon pe ikupù nai'nùk epùn po. Wakù Itekale wakù pùlemantok Katù winàpaino nessan molopai miyaiwa nùtàyan tamù'nawàlà pata yawà àkklotau'nokon pena iwechippù kasa. Katù wettok wakù pe yetappù auya'nokon motapai molopai ituppù auya'nokon iwessek kasa kulu kasa.

1 Thessalonians 1:10

Molopai Imu, Jesus Christ uyàpù epùn poi màmuku kon pàk ewechi kon, inwuluukappù lùppù weli'nàtok yapai, molopai pùikattànài Katù we'naikatok tùuyàpù woton winàpai pàk tùuselupasan.

1 Thessalonians 5:4

Tùse amyamlo, utonpa yamùk, mùttuyatàik, ewalupàttau pùla messatàik molopai màlà Wei uya eyepolo kon ittu auya'nokon pùla là amyamlo là tenumenkaik amak kasa là pen màlà.

2 Thessalonians 2:8

Màlàyau nen uchi ichenpoika màlà molopai Itepulu Jesus uya iwànà màlà tùwe'netukka ke, molopai nàlà tùuyàpù yau imattanùkkapù ya màlà tùusenpoika yakkwayi ke.

1 Timothy 6:19

Sàlà kasa tok uya màlà temamin kon pilipù ewanawolok woton yapon pe molopai nen uchi tok uya wema'nàtok yepolo màlà ailon kulu wema'nàtok.

2 Timothy 1:10

Tùse sàlà pe yenpoikasak man kùpàkù'nokon Kùpùikattànài Christ Jesus usenpoika winà. Masapùla Christ uya weli'nàtok meluntàlù yentaikasak molopai yenuka'nùssak pàk, molopai Wakù Itekale yai tàwàlàlà wema'nàtok yakkwayi yenpoikasak ya man.

2 Timothy 1:12

molopai sàlà yamùk pàkànsau uchi màlà wettalumatàppù. Tùse wekuli'ma pùla man ipàk, masapùla mùkkàlà ailon teppù uya lùppù ipàk ittu uya pàk, molopai tùttuyaik kulu màlà untùlùssan lùppù itemyak kupù ya màlà Wei Ittuntok yattai ponalà.

2 Timothy 1:18

Tàwà Itepulu Jesus nùkupùi usentupantok yepottoppe ya Itepulu winàpai màlà Wei yattai! Molopai mùttuyaik wakù pe yà'là yawàlàlà upùikattàpàtùppù ya Ephesus po.

2 Timothy 2:5

Aitun pe tùutàsen wenkalunnàtok yau uya tepeppù yepolo pen màlà, tùse aitun pe utàntok maimu yawàlà neken iwechi yau.

2 Timothy 4:1

Tùumayintaik eyekamappoyan Iulà Katù yemloto po molopai Christ Jesus yemloto po, mùkkàlà tamù'nawolon kon kappon yamùk ittu woton, nulà nan kon molopai iwelichak kon: masapùla iyàttok molopai Itepulu pe iwettok woton pe iwechi pàk, eyekamappoyan Iulà

Titus 2:13

màlà Wakù kulu Wei màmuku pàk echii'ma enpen we'nàtok ipàk, eke Katù molopai Pùikattànài Jesus Christ yakkwayi usenpoika yau.

Hebrews 12:11

I'nai yekkwa là talumattàntok màlà, yattai auchinpanài pen tùse wankono'manài. Tùse ite'mappùtak wakù ne'nài pe iwechi màlà. Ànù'là yenupasak lùppù màlà yekkwa yau uya màlà, màlà yepeppù, ikasa wema'nàtok molopai echitonpa pe we'nàtok yepolo.

James 1:12

Tùutauchinpasen mùkkàlà kappon ailon pe tùwessen ittuntok kùlottawàlà. Masapùla ittuntok yentaika ya yau ilepa màlà wema'nà yalùko ke, e'mantok Katù uya itùlù tùuya tù'nùnmanài nan piyak teppù lùppù ke.

1 Peter 1:4

Màlàpàk enpen we'nà'nokon sàlà wakù yepolo pàk Katù nùkupù tùponalok kon ponaloppe. Iku'nài mùkkàlà àponalok kon pe epùn po, iwemyakanma pùla iwettok wapùla inmata pùla iwettok yau wapùla iwaliwomù pen màlà molo.

1 Peter 5:4

Molopai Eke Kalinilu Yesak usenpoika yau, enkek alok, tàwàlàlà enkek pe molopai akkwa pe tùwessen yanùmù auya'nokon màlà.

Revelation 1:7

Yentàk, nùyàssan katuppluk yau! Tamù'nawolon kon uya yene màlà. Mùkyamlo ipukapà'nài nan nùssan uya là. Tamù'nawolon kon kappon yamùk sàlà non pon kon usewankono'ma màlà iwenai. Ewaik, màlà kasa iwettok woton! Emen.

Revelation 19:11

Màlàyau epùn utakkokasak yeneppù uya, molopai molo iwechippù aimu'nan kawale. Ipo tùwessen yesattok wechippù Tùusetakkasen pen molopai Ailon, ikasa we'nàtok ke kappon yamùk ittunài mùkkàlà molopai ikasa tùwepanta'masen.

Revelation 2:10

“Yà'làlà ewettalumattàtok ike woton pàk kesenalippai! Masa yetakà! Makui uya eyittu màlà àtonpa yamùk tùlù tùuya patikichi tak winà 10 pe wei màlà ewettalumattà. Ailon pe mechiik, ewelikù ponalà, molopai wema'nàtok yalùko ke elepa uya màlà.

Revelation 22:20

Mùkkàlà, sàlà yamùk yekamanài, “Ewaik! Uyàssaik tachin pe kulu tùpo pùla!” nùkayan. Emen. Tàwàichi sàlà kasa nechii. Àikkà, Itepulu Jesus!

Revelation 4:10

Katù ponalok kon 24 pan kon eke ton wepeimappù non pona mùkkàlà aponnok po chichiu pe tùwessen yemloto pona. Tok uya yapulàppù molopai inamappù mùkkàlà tùwemassen tàwàlàlà molopai tàwàlàlà. Tok uya talùko kon nonkappù aponnok yemloto pona. Molopai,

Revelation 4:4

Sàlà aponnok woi 24 pe tùulon kon aponnok yamùk wechippù. Màlà yamùk po 24 pan kon eke ton tùnamasan wechippù chichiu pe. Tok wepontàsak aimu'nan yak, molopai kolù alok yau'ne tok wechippù.