2 Timothy 4:2 - Patamuna New Testament Revised

² Katù Maimu yekamakà, yekama pàk kulu ekkà, yekamatok yattai wechi ikasa tùse wapùla ikasa pùla tùse molopai tok imeluntàpakà, molopai tok makuyi yekamakà. Tùse nàlà tok yauchinpakà molopai tok panama auya yau kesemittàpai.

2 Timothy 4:2 ပူးပေါင်းရင်းမြစ်များ

Luke 7:23

Tùutauchinpasen mùkkàlà kasei tetok ya upàk, pùla tùwessen.” tukaik yeikuppù ya.

Luke 7:4

Tok uyàpùppù Jesus piyak molopai tok uya ipawanattàppù tùuseka'nonkaik, “Pùsàlà kàyik ànpùikattà yek pe kulu man.

Luke 9:60

Jesus uya yeikuppù, “Tàwà iwelichak kon tàkàpù kon wu'nattài. Itàkà molopai Katù wettok itepulu pe yekamata,” tukaik yeikuppù ya.

Yeunossak kon Wotokoyi 13:5

Tok welepansak Salamis pona yau, tok uya Katù Maimu yekamappù Jew yamùk wepilittok itak yamùk tau. John Mark wechippù màlà tok ya'là tok pùikattànài pe sàlà wotoko yau.

Yeunossak kon Wotokoyi 16:13

Wàlàkka'nàtok weyu yattai ina utàppù pata yapai tuna yena pona, wàpùlemantok patassek wechi molo pe ina uya yekamappù. Ina weleutappù chichiu pe molopai ina uselupappù nossan yamùk iwepilichak kon molo pokonpe.

Yeunossak kon Wotokoyi 20:7

Suntayakka yattai, ina wepilipùppù tamùkke pùlomù pusak pilipàsak pàk ata'lettàsse. Paul uya kappon yamùk yelupappù molopai tùuselupa pàk iwechippù anomlak ponalà, masapùla iwemassak yau tùutà pàk.

Yeunossak kon Wotokoyi 28:16

Ina welepansak Rome pona yau, Paul wemattoppe tùyiwalà ikupùppù màlà, tennài soicha pokonpe.

Romans 10:15

Molopai atta ken uchi itekale yekama, itekale yekamannan yeunossak pùla iwechi tùse? Katù Maimu uya, “Wakù kulu màlà Wakù Itekale ne'nàinan pùta!” te màlà. {Isa 52.7}

Romans 12:12

Tàwà enpen ewettok kon àkuttàu tùutauchinpaik, ewettalumattàtok kon ipàlikatàk, molopai àpùlematàk kon tàwàlà.

Galatians 6:6

Tàwà mùkkàlà tenupasen Itekale pàk, tamù'nawàlà wakù ton pantakai tenupanài pokonpe.

Colossians 1:25

Sochi yapyoto pe Katù uya ukussak man. Sàlà wotoko ke ulepappù ya màlà tamù'nawàlà Wakù Itekale yekamatoppe uya àpàkù'nokon.

Colossians 4:3

Màlà yattai nàlà ina pona màpùlematàik ina pùikattàtoppe ya. Molopai ina lepatoppe ya Tekale yekamatok ina uya yattai ke, Christ winàpaino Wakù Itekale pena ittusak lùppù pen yekamatoppe ina uya. Màlà pàkànsau sàlà patikichi tau wechi nai'nùk.

1 Thessalonians 1:6

Ina yeselu molopai Itepulu Jesus yeselu kasa ewelaikasak kon màlà. Ina wemapù kasa ewemapù kon ke, eke pe ewettalumattài'ma'nokon, Wakù Itekale manùntantàu tùutauchinpaik, Wakù Akkwalù winàpai iyàssak lùppù.

1 Thessalonians 5:14

Ina apawanattàyatàu ina tonpa yamùk,s tùwe'wotokomasan pen yekamappo kon pa, kuli'nau tùwessan meluntàtanùppù kon pa, attu'mùnon pùikattà kon pa, molopai tamù'nawolon kon kappon yamùk kùlottau ewemapù kon pa, tok pàk tùusetakkaik pùla.

1 Thessalonians 5:20

Katù nenpoikappù yekamatoppe pùla kù'nulunpatàu.

1 Timothy 4:13

Tamùkke kappon yamùk tipiliche Katù Maimu yenkà, itekale yekamakà, molopai tok yenupakà uyàpù ponalà.

1 Timothy 5:20

Tùse àli ku'nài nan nùssan yàulàmakà molopai tok yekamappokà kappon yamùk yemloto po, amak yai pùla, tok tonpa yamùk yenu yappolù pe.

2 Timothy 2:21

Ànù'là wekkupù wakù pe tamù'nawolon màlà yamùk àli ton winàpai yau, iwettùsak màlà molopai tapulàsen pe iwechi Tepulu ponaloppe, iwekonekasak wakù wotoko yau tapulà toppe.

2 Timothy 2:25

àsà pe tùwessan tùwinàik panamai àssà'mùla, Katù uya tok lepa tok upokoitatok ke yakan pe molopai ailon ittutok tok uya winàkàik tok welattà yakan pe.

2 Timothy 3:10

Eyenupappù uya lùssan mùttuyaik, wemapùppù mùttuyaik. Tùse enupantok uya là mùttuyaik, wemapù yeselu molopai iponaloppe wemattok ailon tetok uya, pàlikantok uya, pùnùnmantok uya molopai tùusetakkaik pùla wettok tachin pe.

Titus 1:13

Molopai wa teppù ya lùppù màlà ailon. Sàlà kasa iwechi pàkànsau tok yàulàma auya màlà àsà pe, iwalai meluntà ailon tetok wettoppe tok piyau,

Titus 2:15

Sàlà yamùk ke kappon yamùk yenupakà, molopai tamù'nawàlà emeluntàlù, ayapàikketù yapulàkà tok meluntàpai'ma molopai eyetannan yàulàma auya yau. Màlàpàk ànù'là tùma'le eyentak.

Hebrews 13:22

Utonpa yamùk sàlà tokwennan kaleta menukasak uya man apyakù'nokon emeluntàpanài'nokon pe, màlàpàk tùusetakkaik pùla kulu metatàik.

Revelation 3:19

Tamù'nawolon kon u'nùn pe unkupù yekamapponài Iulà molopai tok talumattànài nàlà. Amayintakà molopai amakuyi winàpai elattàkà.