2 Timothy 4:16 - Patamuna New Testament Revised

¹⁶ Ànù'là uya upùikattà pùn wapiyalok pe uselupa uponalok pe yau; tùse tamù'nawolon kon unonkatai. Tok winàkàik làkken ittu kùsettak te uya.

2 Timothy 4:16 ပူးပေါင်းရင်းမြစ်များ

Mark 14:50

Màlàyau tamù'nawàlà inenupa ton uya inàmàppù, tok wepeppù.

Luke 12:11

“Tok uya enessak kon eyittuse'nokon wepili'nàtok itak tak, wapùla eke pata yesak yemlotopona, wapùla epotolù yamùk yemlotopona yau, kataimelunpatàu atta là ewenai'nokon ewechi kon pàk, wapùla yà'là te là auya'nokon pàk.

John 16:32

Tùse wei nùyàssan, molopai iyàkkassak man, ewetta'nùttok kon yattai. Ewemeippàtù kon màlà apata kon yak tewin pàk, molopai unàmà auya'nokon màlà tewincha. Tùse tewincha pùla wessaik, masapùla Ukàipùnù upyau man.

Yeunossak kon Wotokoyi 22:1

“Utonpa yamùk, Ukàipùnù yamùk, sàlà pe uwenai uselupa yetatàk kon!” tukaik.

Yeunossak kon Wotokoyi 25:16

Tùse tok pàk tekamatai, ‘Roman yamùk wechi ànù'là kappon iwinàkàik uselupansak lùppù tùnài nan pe pùla ichelupasak kon lùssan yepolo ya tok yenpatau ponalà, molopai ichelupa tùwenai màlà uselupantok tùwinàkàik pàk ponalà,’ tukaik.

Yeunossak kon Wotokoyi 7:60

Tese'muyok iwenappù molopai iwentaimeppù eke pe, “Itepulu! Sàlà àli kuttok tok uya kùchittui molopai kù'nepùi tok winàkàik!” tukaik. Wa te tùpo iwelikùppù.

1 Corinthians 13:5

Àli pe tùuselupasen pen màlà, wapùla tùpàk neken tùusenumenkasen pen, wapùla asse'ne tùwessakolopasen pen, iwalai pen kussak tùwinàkàik lùppù pàk tùusenumenkasen pen.

1 Corinthians 9:3

Sàlà kasaichi uwenai yei'nài Iulà uyekamappopàtù kappon yamùk uya yau.

2 Corinthians 7:11

Yentàk kon, Katù winàpaino usewankono'mantok uya ayau'nokon àkussak kon. Àli pe pùla ewechi enenpoikapai kulu ewechippù kon. Eusewankono'mappù kon molopai ewessakalopappù kon. Alikyeppe ewechippù kon mùkkàlà àli ku'nàippù talumattà pàk. Eusekamasak kon man yà'làlà iwalai pen pùla ewechi kon sàlà yau.

Philippians 1:17

Tùulon kon Christ yekale pàk tùuselupasan, ailon pe wakù pe itewan pùla, amlek peiwa, enekamapai pùla lùiwa echii'ma, eke peiwa utaimelunpantok koneka tùuya'nokon kasa tùttuse patikichi tau wechi tùse.

Philippians 1:7

Tàwàlà uyewan pe tùwessan amyamlo! Màlàpàk ikasa iwechi màlà sàlà kasa usenumenka tamù'nawàlà àpàkù'nokon. Masapùla Katù uya ulepatok wakù pe we'nàtok pùkkù pe ewessak kon pàk. Sàlà pe patikichi tau wechi yau wapùla polopo Wakù Itekale wechi ailon pe yekama pàk wechi yau, iwenai wechi pe.

2 Timothy 1:15

Mùttuyaik tamù'nawolon kon Asia yawolon kon uya unonkasak, Phygelus molopai Hermogenes nàlà.

2 Timothy 4:10

Màlà yamùk Katù winàpai lattànài nan kusan Demus tùwakùli pe molopai unonkappù ya man; ittàppù man Thessalonica pona. Crescens utàppù Galatia pona, molopai Titus utàppù Dalmatia pona.

2 Timothy 4:15

Elannek pe ekkà ipàk, masapùla àsà pe iwechi màlà kùnekama Wakù Itekale winàkàik.

1 Peter 3:15

Tùse Christ namatok auya'nokon yesappe ettàk kon eyewan kon yau molopai Eyepulu kon pe ikuttàk. Tùwekonekaik ettàk i'nai yattai là enpen we'nàtok ayau'nokon nai'nùk wenai ewettok kon yekama kon pa eyekamappo kon ànù'là uya yau.