2 Timothy 4:10 - Patamuna New Testament Revised

¹⁰ Màlà yamùk Katù winàpai lattànài nan kusan Demus tùwakùli pe molopai unonkappù ya man; ittàppù man Thessalonica pona. Crescens utàppù Galatia pona, molopai Titus utàppù Dalmatia pona.

2 Timothy 4:10 ပူးပေါင်းရင်းမြစ်များ

Matthew 12:32

Ànù'là Kàyik Mumu winàkàik tùuselupasen pàk usentuppan màlà. Tùse ànù'là Wakù Akkwalù winàkàik tùuselupasen pàk usentuppan pen màlà, sàlà pe wapùla tàwàlà là,” teppù Jesus uya.

Matthew 26:56

Tùse tamù'nawàlà sàlà yamùk wekkussak sàlà, Katù Maimu yawon Imaimu yenpoikannan uya màlà kasa iwekkupù màlà teppù kasa,” teppù ya. Màlàyau tamù'nawàlà Jesus ya'lon kon uya inàmàppù, aitunpe tok wepeppù.

Luke 14:33

Màlà kasa làma ànù'là tamù'nawolon itesak pe tùwettok nonkasak ya pùla nai'nùk wechi unenupa pe pen màlà,” teppù Jesus uya.

Luke 16:13

“Ànù'là pùla iwechi màlà tùwe'wotokomasen asa'lon kon itepulu yamùk ponaloppe. Tewinan yeya'noma ya màlà molopai tùulon kupù ya tù'nùn pe. Ailon pe iwechi màlà tewinan pàk molopai tùulon iche pùla iwechi. Asakklàma Katù molopai pùlayatta tawon ponaloppe ewe'wotokoma pen màlà,” teppù Jesus uya.

Luke 17:32

Lot noppù ittutàk kon!

Yeunossak kon Wotokoyi 13:13

Paul molopai itonpa yamùk utàppù tuna po, Paphos yapai Perga, Pamphylia pon pona; tùse John Mark uya tok nàmàppù molo molopai iwennapoppù Jerusalem pona.

Yeunossak kon Wotokoyi 15:38

Tùse Paul wechippù anapai pùla, masapùla tùpyau'nokon iwessak wotoko wenukappù ponalà pùla iwechi pàk, tùse iwennapoppù molopai tùnàmàppù kon ya Pamphylia po pàk.

Yeunossak kon Wotokoyi 16:6

Tok utàppù màlà pata Phrygia yawàlà molopai Galatia yawàlà. Wakù Akkwalù uya wakù itekale yekama toppe tok uya Asia po pùla ikupùppù.

Yeunossak kon Wotokoyi 17:1

Paul molopai Silas tawonnan utàppù màlà Amphipolis molopai Apollonia yawàlà, molopai tok uyàpùppù Thessalonica pona, Jew yamùk wepilittok itak wechippù màlà molo.

Yeunossak kon Wotokoyi 17:11

Molo kappon yamùk wechippù wakù pe ittunnan Thessalonica pon kon yentaino kon. Tok uya itekale yetappù màlà ànùttupai kulu tok wechippù, molopai wei kaichalà tok usenupappù màlà Katù Maimu pàk, Paul nekamappù wechi ailon pe kulu yentoppe tùuya'nokon.

Yeunossak kon Wotokoyi 17:13

Tùse Jew yamùk Thessalonica pon kon uya itekale, Katù Maimu yekamappù Paul uya Berea po nàlà yetasak tùuya'nokon yau, tok uyàpùppù màlà motak molopai tok uya molon kon nà yaimelunpappù àsà pe tok wettoppe.

Yeunossak kon Wotokoyi 18:23

Molo malalà tùwechi tùpo iitàppù. Galatia molopai Phrygia tawonnan yawolon kon pata yamùk yawàlà, tamù'nawolon kon ailon tawonnan meluntàpa pe.

2 Corinthians 2:13

Tùse utaimelunpappù kulu màlà, masapùla utonpa Titus yepoloppù uya pùla iwechi pàk molo. Màlàpàk kappon yamùk nàmàppù uya màlà màlà motau molopai Macedonia pona utàppù.

2 Corinthians 7:6

Tùse Katù tùusewankono'masan yewan ipittànài, ina yewan ipittàtai Titus uyàttok winà.

2 Corinthians 8:16

Ina tenki nùkayan Katù pàk Titus kussak ya alikyeppe àpùikattàpai'nokon ina kasa kulu pàk.

2 Corinthians 8:23

Titus mùkkàlà upatùnayi molopai we'wotokoma yakon àkklottawà'nokon, màlà kasa làma tùulon kon tonpawannà yamùk ya'là nai'nannùk. Mùkyamlo wechi màlà sochi yamùk neunokoppù pe, molopai apulàntok ne'nài nan pe Christ ponaloppe.

2 Corinthians 8:6

Màlàpàk Titus pawanattàppù ina uya, sàlà wotoko pùyattànàippù, àpùikattàtok kon pe ya yenuka'nùppù pàk sàlà pùnùnmantok auya'nokon wotokoyi.

Philippians 2:21

Tamù'nawolon kon nen tà tùnkupù kon pàk neken tùusenumenkasan, Jesus Christ pàkànsau pùla.

1 Timothy 6:10

Masapùla pùlayatta pàk ewan tùtok màlà tamù'nawàlà yà'là yekkwa àli uyàttok iwinà. Tùulon kon wechippù man enepopai kulu màlàyau tok utàppù miya ailon tetok winàpai molopai tok usewankono'mappù, màlà uya tok yewan ikkwàssaks.

1 Timothy 6:17

Tukke itemamin nai'nannùk sàlà motau wema'nàtok yau yekamapokkà. Itekkwa pe tok kùsekkuttak molopai enpen tok kùsettak temamin kon sa'man pe pùla tùwe'lachimasen pe nai'nùk pàk, tùse Katù pàk làkku enpen tok nechii, mùkkàlà tùweleutàik pùla tamù'nawolon ke lepanyai'nùk tapulàsen pe nai'nùk ke.

2 Timothy 1:15

Mùttuyaik tamù'nawolon kon Asia yawolon kon uya unonkasak, Phygelus molopai Hermogenes nàlà.

2 Timothy 4:16

Ànù'là uya upùikattà pùn wapiyalok pe uselupa uponalok pe yau; tùse tamù'nawolon kon unonkatai. Tok winàkàik làkken ittu kùsettak te uya.

Titus 1:4

Kaleta tùmenukayaik Titus piyak, umu kasa kulu unkupù ailon tetok ipùkkù pe we'nà nai'nùk yau: Tàwà Katù Kùkàipùnù kon molopai Christ Jesus kùpùikattànàippù elepai wakù pe we'nàtok molopai echitonpa pe we'nàtok tùwinàpaino ke.

Philemon 1:24

molopai nàlà we'wotokoma wechiyakon non Mark, Aristarchus, Demas, molopai Luke.

2 Peter 2:15

Tok uya tossalon asanta nànsak màlà molopai tok utassak; tok uya asanta Balaam, Beor mumu, nanùmùppù lùppù yanùnsak màlà. Pùlayata iwakùli mùkkàlà àli kupù tùuya winà inepolo,