2 Timothy 4:1 - Patamuna New Testament Revised

¹ Tùumayintaik eyekamappoyan Iulà Katù yemloto po molopai Christ Jesus yemloto po, mùkkàlà tamù'nawolon kon kappon yamùk ittu woton, nulà nan kon molopai iwelichak kon: masapùla iyàttok molopai Itepulu pe iwettok woton pe iwechi pàk, eyekamappoyan Iulà

2 Timothy 4:1 ပူးပေါင်းရင်းမြစ်များ

Matthew 16:27

Masapùla Kàyik Mumu uyàpù màlà tùkàipùnù yakkwayi molopai yapulàtok yau tùyinchelùyi yamùk pokonpe, molopai nen uchi tamù'nawolon kon ye'ma ya màlà tok nùkupùppù yawàlà.

Luke 19:12

Màlàpàk, “Tùnamasen kàyik wechippù màlà molo iitàsak lùppù meyon pata yak, kin pe tùma toppe, molopai iwennaposak lùppù.

Luke 19:15

“Tùnamasen kàyik mappù màlà kin pe, molopai iwennapoppù. Asse'ne tapyoto yamùk pùlayatta tùlùppù tùuya itemyak lùssan uyàtoppe tùpyak tok kà'mappù ya màlà, yà'là kaichalà là yeposak tok uya yentoppe tùuya.

Luke 23:42

Molopai Jesus pàk, “Kùyittuik tàwà Jesus, Kin pe àuyàpù yau!” teppù ya.

Yeunossak kon Wotokoyi 10:42

Molopai ina yapyontàppù ya kappon yamùk pàk itekale yekama pàk, imàlà wechi Katù nanùmùppù pe nulà nan kon molopai iwelichak kon ittunài pe iwettoppe yekama toppe ina uya.

Yeunossak kon Wotokoyi 17:31

Masapùla tamù'nawolon kon kappon yamùk sàlà non pon kon ittutok tùuya wakù pe tùwettok yau yattai konekasak ya màlà, mùkkàlà kàyik tùnanùmùppù winà. Sàlà yenpoikappù ya màlà tamù'nawolon kon pàk, mùkkàlà kàyik wuluuka tùuya weli'nàtok yapai winà!” teppù Paul uya.

Romans 2:16

Sàlà wekkupù màlà Katù uya Jesus winà tamù'nawolon tonantawon kon kappon yamùk yewan yawon ittutok weyu yattai, itekale unekama uya yekama kasa.

Colossians 3:4

Christ mùkkàlà ewemattok kon kulu, molopai ichenpoika yau, amyamlo nàlà usenpoika màlà ipokonpe molopai yapulàtok yau ewechi kon màlà.

2 Thessalonians 2:8

Màlàyau nen uchi ichenpoika màlà molopai Itepulu Jesus uya iwànà màlà tùwe'netukka ke, molopai nàlà tùuyàpù yau imattanùkkapù ya màlà tùusenpoika yakkwayi ke.

1 Timothy 5:21

Katù yemloto po, molopai Christ Jesus yemloto po, molopai wakù ton inchelù yamùk yemloto po, eyekamappo uya sàlà tùumayintaik, sàlà enupantok yawàlà ewechi pa, ekkaichalà tùmenkaik pùla ànù'là pàk yà'làlà ànkupù kupù pa.

2 Timothy 1:10

Tùse sàlà pe yenpoikasak man kùpàkù'nokon Kùpùikattànài Christ Jesus usenpoika winà. Masapùla Christ uya weli'nàtok meluntàlù yentaikasak molopai yenuka'nùssak pàk, molopai Wakù Itekale yai tàwàlàlà wema'nàtok yakkwayi yenpoikasak ya man.

2 Timothy 2:14

Àtonpa yamùk kappon yamùk yenu yapyontàkà sàlà pàk, molopai tùumayintaik tok yekamappokà Katù yemloto po tok wepanta'ma mayin yamùk pàkànsau tukaik. Wakù ku'nài pen màlà, tùse kappon yamùk yetannan mattanù'nài.

2 Timothy 4:18

Molopai Itepulu uya upùikattà màlà tamù'nawolon àli ton winàpai, molopai uyalà ya wakù pe itepulu pe tùwettok yak epùn pon yak. Apulàntok ipyau nechii tàwàlàlà molopai tàwàlàlà. Emen.

2 Timothy 4:8

Sàlà nen uchi entaika'nàppà uya yepeppù uya umàmuku. Wakù pe we'nàtok yalùko, màlà Itepulu Katù ikasa ittunài uya ulepatok màlà Wei yattai. Molopai Iulà neken pen, tùse tamù'nawolon kon mùkyamlo ichenpoikatok màmussai'nannùk uchi'nùnmantok pokonpe.

Titus 2:13

màlà Wakù kulu Wei màmuku pàk echii'ma enpen we'nàtok ipàk, eke Katù molopai Pùikattànài Jesus Christ yakkwayi usenpoika yau.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

1 Peter 4:5

Tùse tok uya yeitok tùuya'nokon tùlù màlà Katù piyak, iwekonekasak nai'nùk nulà nan kon molopai iwelichak kon ittutoppe tùuya.

1 Peter 5:4

Molopai Eke Kalinilu Yesak usenpoika yau, enkek alok, tàwàlàlà enkek pe molopai akkwa pe tùwessen yanùmù auya'nokon màlà.

2 Peter 1:11

Molopai Katù uya epùn mùlatta yakkoka màlà eke pe, ewewomù kon pa tàwàlàlà itepulu pe Kùyepulu, Kùpùikattànài Christ Jesus wettok yak.

2 Peter 1:17

Molo ina wechippù wùk po namantok molopai itakkwayi ke ilepasak Katù Ikàipùnù uya yattai, mayin uyàpù ipyak eke itakkwayi yau epùn poi yattai, “Pùsàlà mùkkàlà u'nùn kulu Umu, uyauchinpanài kulu!” tukaik.

1 John 2:28

Ewaik, umunkà yamùk, yau ettàk kon, meluntà pe ewechi kon pa ichenpoika yau molopai àuso'namù kon wekuli'mantok yau iwinàpai iyàttok Weyu yattai tukaik.

Revelation 1:7

Yentàk, nùyàssan katuppluk yau! Tamù'nawolon kon uya yene màlà. Mùkyamlo ipukapà'nài nan nùssan uya là. Tamù'nawolon kon kappon yamùk sàlà non pon kon usewankono'ma màlà iwenai. Ewaik, màlà kasa iwettok woton! Emen.