2 Timothy 3:6 - Patamuna New Testament Revised

⁶ Pùsamlo yekkwa ton mùkyamlo tùutàsan tapùi tak kappon wanmùla molopai attu'mùnon ulichan yamùk yentaikannan tok uya tùmaimu kon ke, tok makuyi nelemluku ton molopai yà'là walainon nà ànkuppai we'nàtok nalà ton.

2 Timothy 3:6 ပူးပေါင်းရင်းမြစ်များ

Matthew 11:28

“Àittàk kon Upyak, tamù'nawàlà amyamlo eme'nek lotù yalà pàk iichetakkasak kon, molopai elepa kon uya màlà wàlàkka'nàtok ke.

Matthew 23:13

“Àsà pe kulu iwechi màlà àpona'nokon, Law pàk enupannan molopai Pharisee yamùk! Tùusennakasan amyamlo! Kappon yamùk wakkà'nàinan, itepulu pe we'nàtok epùn po mùlatta takkose. Màlà yak amyamlo utà pen màlà molopai tùulon kon utàtoppe tok kupù auya'nokon pùla man.

Matthew 23:14

“Àsà pe kulu iwechi màlà àpona'nokon Law pàk enupannan molopai Pharisee yamùk! Tùusennakasan amyamlo! Itayappù iwelichak kon yemamin molopai tok patassek mokkannan. Molopai nàlà kusan pe tùwàpùlemasan amyamlo, kappon yamùk uya neken yentoppe. Sàlà wenai atalumattàtok kon wechi màlà àsà peiwa.

Matthew 4:24

Itekale usetappù màlà tamù'wàlà Syria pon pata yawàlà. Màlàpàk kappon yamùk uya tamù'nawàlà e'netton yalàppù ipyak yà'là yekkwa ton nà palan pàk tùwessan molopai ti'ninchan kulu. Molopai nàlà àli akkwalù yen yamùk, tùusa'mantapàssan, itokkassak kon nà nepùppù tok uya. Jesus uya tok ipittàppù màlà tamù'nawàlà.

Mark 4:19

tùse tùwemattok pàk neken tok utaimelunpa, temamin ke eppai, pùlayattappe, tamù'nawà sàlà non pon kon yeselu iche tok wettok wepilipù tok yewan yak uya, itekale yeulanka. Màlàpàk tok wepeta pùla iwechi.

1 Corinthians 12:2

Mùttuyatàik Katù ittunnan pe pùla ewechi kon yau, ailon pen, tùuselupasan pen katù yamùk winàkàik autatùppù kon.

1 Timothy 5:6

Tùse mùkkàlà itayappù iwelichak lùppù iche tùwettok kasa tùwemassen, welikkassak màlà, nulà lànen tùse.

1 Timothy 6:9

Tùse mùkyamlo tukke mamin ichelok kon wena màlà tùttutok kon yak molopai tùpplantok kon yak molopai suwalai là àsà là ànkuppai we'nàtok, uya màlà kappon yamùk pàlàka mattantok kulu yak.

Titus 1:11

Tok uselupa yeleutanùpù pe là nen iwechi màlà, masapùla kappon yamùk yaimelunpayan tok, tok munkà pokonpe màlà enupantok tùuya'nokon yekama tùuya'nokon ke, màlà kappon yenupatok yek pen ke, àli pàkànsau pùlayatta yepotoppe tùuya'nokon.

Titus 3:3

Masapùla kùmyamlo nàlà wechippù pakko pe, mayin yawolon pe pùla, ennakan yapyoto pe we'nàppà'nokon màlà yà'làlà yau yauchin pe. Esseyaton pàk wema'nàppà'nokon màlà molopai kùlùmàlunàtok yau; tùulon kon kùyeya'nomatantàu molopai tok yeya'nomappù màlà.

2 Peter 2:18

Ittu tùuya'nokon kasa kulu tùuselupasan mùkyamlo tùutapulà kon pe, molopai ikasa pùla tùwemassan winàpai iwemokkasak kon emennak pe, yamùipannan mùkyamlo yà'làlà akùlù teselu kon kupù tùuya'nokon yai.

2 Peter 3:17

Tùse amyamlo, utonpa yamùk kulu uya sàlà ittukassak màlà. Elanneppeichi ettàk kon, tùpanama kon yawolon kon pen kappon yamùk utattok winà ayalà kon tukaik, molopai ewesselekkwa kon wakù apatassek kon yapai tukaik.

Jude 1:16

Pùsamlo mùkyamlo kappon yamùk tùusàlàma pàk tùwessan tàwàlà, àli tùulon kon yeselu yeneiche kulu tùwessan; iche tùwettok kon yawàlà tùwessan àli yau; tùutapulàsan, molopai tùulon kon yapulà pe tukaik tùusennakasan yà'làlà iche tùwettok kon yepotoppe tùuya'nokon.

Jude 1:18

Tok uya àpàkù'nokon, “Pata weyu wenukapù pe iwechi yau, kappon yamùk usenpoika màlà àmottùnpa kon woton kon, kappon yamùk Katù yeselu walai pen iteselu ton,” teppù.

Jude 1:4

Masapùla tùulon kon àliton kappon yamùk wewonsak man amak yai kùkklotta'nokon ittu kùuya'nokon pùla, pùsamlo lùppù uya wakù pe we'nàtok Katù winàpaino lattàsak man iche tùwettok kasa tùwechinma pàk tùwettok kon ipàkàlà pe, molopai Jesus Christ tewinan Kùyepulu kon molopai tamù'nwolon kon Yepoino nulunpa tok uya. Pena Katù Maimu uya yekamappù sàlà talumattàntok tok nepoloppù.