2 Timothy 3:4 - Patamuna New Testament Revised

⁴ eimipponnan pe tok wechi màlà, tùusenumenkaik pùla yà'làlà ku'nài nan pe, tùtonpa kon yentai tùwekkussan kon pe; sàlà motau utauchinpantok kupù màlà tùwakùli kon pe Katù kupù tùuya'nokon tù'nùn kon pe yentai;

2 Timothy 3:4 ပူးပေါင်းရင်းမြစ်များ

Yeunossak kon Wotokoyi 19:36

Ànù'là uya ewetapamù tetok pùla iwechi màlà, màlàpàk eppana ettàk kon molopai àsà pe kettàu.

Yeunossak kon Wotokoyi 7:52

Molo na' tewin nà Katù Maimu yenpoikanài wechippù atamo kon yamùk nùtalumattàppù pen? Tok uya Katù Maimu yenpoikannan tùkkappù, mùkyamlo Wakù pe tùwessen uyàpù yekaman nan nùssan pena. Molopai sàlà pe yeimipoppù auya'nokon molopai iwànàppù auya'nokon.

Romans 11:20

Sàlà màlà ailon. Iitakitukkappù màlà masapùla ailon te tok uya pùla iwechi pàk, molo lùppù apatassek kon yau ewechi kon tùse ailon tesak auya'nokon pàk. Tùse katapulàtàu, tùse esenalippatàk kon làkkù.

Romans 16:18

Masapùla mùkyamlo yekkwa ton wechi Katù poitolù pe pen màlà, tùse tesak kon wettok neken iche pàk tok usenumenka. Wakù pe tùuselupatok kon winà molopai ennakan pe uselupantok ke ittunnan pen yennakanàinan.

1 Timothy 3:6

Emennappe là Katù yemyak iwettùsak pe pùla , wakù pe tùwechi tùtonpa yentai pàk tùusenumenkasen pe iwechi tukaik, molopai tùtalumattùtok yepolo ya tukaik Makui, wechippù kasa.

1 Timothy 5:6

Tùse mùkkàlà itayappù iwelichak lùppù iche tùwettok kasa tùwemassen, welikkassak màlà, nulà lànen tùse.

1 Timothy 6:17

Tukke itemamin nai'nannùk sàlà motau wema'nàtok yau yekamapokkà. Itekkwa pe tok kùsekkuttak molopai enpen tok kùsettak temamin kon sa'man pe pùla tùwe'lachimasen pe nai'nùk pàk, tùse Katù pàk làkku enpen tok nechii, mùkkàlà tùweleutàik pùla tamù'nawolon ke lepanyai'nùk tapulàsen pe nai'nùk ke.

Jude 1:19

Pùsamloichi mùkyamlo wepantapà'nàtok ku'nàinan, kappon yeselu neken ànkuppai tùwessan, Wakù Akkwalù pùnon.

Jude 1:4

Masapùla tùulon kon àliton kappon yamùk wewonsak man amak yai kùkklotta'nokon ittu kùuya'nokon pùla, pùsamlo lùppù uya wakù pe we'nàtok Katù winàpaino lattàsak man iche tùwettok kasa tùwechinma pàk tùwettok kon ipàkàlà pe, molopai Jesus Christ tewinan Kùyepulu kon molopai tamù'nwolon kon Yepoino nulunpa tok uya. Pena Katù Maimu uya yekamappù sàlà talumattàntok tok nepoloppù.